Բաքվում կայացավ ընդդիմության հանրահավաքը
Ադրբեջանի ընդդիմության հանրահավաքը կայացավ այսօր՝ ապրիլի 8-ին, Բաքվի ծայրամասում: Ժողովրդավարական ուժերի ազգային խորհուրդը նախատեսում էր անցկացնել հանրահավաքը ապրիլի 9-ին, սակայն իշխանությունները տեղափոխեցին այն մեկ օր առաջ: Հանրահավաքը անցավ «Ո՛չ թալանին», «Ազատությու՛ն քաղբանտարկյալներին», «Ո՛չ միապետությանը» կարգախոսների ներքո:
Բաքու քաղաքի Ոստիկանության գլխավոր վարչությունը հայտնել էր, որ հանրահավաքին մասնակցում է 1500 մարդ: Ըստ JAMnews-ի թղթակիցների դիտարկումների՝ ցուցարարների թիվը գրեթե երկու անգամ ավելի էր պաշտոնապես հայտարարված թվից՝ մոտ 3000 մարդ:
Ազգային խորհրդի ղեկավար, Ադրբեջանի նախագահի նախկին թեկնածու Ջամիլ Հասանլին իր ելույթում ասաց. «Հիմա հանրահավաքների ճիշտ ժամանակն է: Քաղբանտարկյալների խնդիրը գնալով սրվում է: Չնայած 6 քաղբանտարկյալների ազատ արձակմանը՝ ձերբակալվել էին ևս 8-ը, և ներկայումս քաղբանտարկյալների թիվը հասել է 162-ի: Սրան պետք է վճռական «ո՛չ» ասել»:
Ադրբեջանի ժողովրդական ճակատ կուսակցության նախագահ Ալի Քերիմլի. «Մենք գտնում ենք, որ Ադրբեջանում անարդարություն է տիրում, իշխանություն, որ ժողովրդի կողմից չի ընտրվել, քաղաքացիները զրկված են իրենց իրավունքներից և ազատություններից. հետևաբար անհրաժեշտ են լուրջ փոփոխություններ»:
Հանրահավաքը տևեց մոտ երկու ժամ: Միջադեպեր տեղի չեն ունեցել:
![!1](https://jam-news.net/app/uploads/2017/04/1-2.jpg)
![!2](https://jam-news.net/app/uploads/2017/04/2-2.jpg)
![!3](https://jam-news.net/app/uploads/2017/04/3.jpg)
![!4](https://jam-news.net/app/uploads/2017/04/4-1.jpg)
![!5](https://jam-news.net/app/uploads/2017/04/5-1.jpg)
![!6](https://jam-news.net/app/uploads/2017/04/6-2.jpg)
![!7](https://jam-news.net/app/uploads/2017/04/7-1.jpg)
![!8](https://jam-news.net/app/uploads/2017/04/8-1.jpg)