Արցախյան երկրորդ պատերազմի հետպատերազմյան զոհերը
Չնայած այն բանին, որ ռազմական գործողություններն Արցախում ավարտվել են 2020 թ. նոյեմբերի 10-ին, մինչև հիմա հակամարտության երկու կողմերից շարունակում են մարդիկ զոհվել։ Նրանք այն անձինք են, որոնք պայթել են Լեռնային Ղարաբաղի և հարակից շրջանների գրեթե ողջ տարածքում տեղակայված արկերի վրա։
Սակրավորը պայթել է արկի վրա
2020 թ․ նոյեմբերի 14-ի երեկոյան Ֆիզուլիի շրջանում, որն այժմ ադրբեջանական բանակի վերահսկողության տակ է, արկի վրա պայթել է 41-ամյա Ասիֆ Խուդիևը։
![](https://jam-news.net/app/uploads/2020/12/mina1.jpg)
Ադրբեջանի տարածքների վնասազերծման ազգային գործակալության աշխատակիցը դժբախտ պատահարի հետևաքով կորցրել է ոտքը։
Պայթուցիկ սարքի վրա կանգնած եղբայրներից մեկը զովել է
Նույն օրը՝ նոյեմբերի 14-ին, երկու եղբայր՝ Ֆիզուլիի շրջանի փախստականներ, որոնք 26 տարի անց եկել էին իրենց բնակավայրը տեսնելու, պայթել են արկի վրա։
Ինչպես հաղորդում է Ադրբեջանի գլխավոր դատախազության մամուլի ծառայությունը, պատահարի հետևանքով զոհվել է 36-ամյա Յասին Ահմեդովը։ Նրա եղբայրը՝ 1989 թ․ ծնված Ասիֆ Ահմեդովը, ծանր վիրավորվել է։
Ադրբեջանական բանակը գնդապետ է կորցրել
2020 թ․ նոյեմբերի 23-ին Տերտերի շրջանի տարածքում զոհվածների մարմինների որոնման ժամանակ արկի վրա պայթել է և զոհվել ադրբեջանական բանակի գնդապետ Բաբեկ Սեմիդլին։
Սպայի հետ միասին դեպքի վայրում է եղել ռուսական խաղաղապահ առաքելության սպա և Արցախի ԱԻՆ չորս աշխատակից։ Նրանք բոլորը մարմնական վնասվածքներ են ստացել։
Ռուս զինծառայողը բուժման համար տեղափոխվել է Բաքվի հոսպիտալներից մեկը։
Մի ողջ ընտանիք է զոհվել
Նոյեմբերի 28-ին Ֆիզուլիի շրջանի տարածքում ճանապարհին տեղադրված արկի վրա պայթել է Toyota Land Cruizer ավտոմեքենա։ Մեկ ընտանիի չորս անդամ է զոհվել։
![](https://jam-news.net/app/uploads/2020/12/mashin.jpg)
Երեք տղամարդիկ և կինը վերադարձել էին վայրեր, որտեղից հեռացել էին 1994 թ-ին։
Շաքիր Հաջիևը, Ֆիրուդին Հաջիևը, Զուլֆուգար Հուսեյնովն ու Զիբեյդա Ադիլզադեն արցախյան երկրորդ պատերազմի հետպատերազմյան հերթական զոհերն են դարձել։
Զոհված Զիբեյդա Ադիլզադեն (Հաջիևա) «Գայըդըշ» թերթի՝ Ֆիզուլիի շրջանի գործադիր իշխանության տպագիր օրգանի գլխավոր խմբագիրն էր։
Երկու զոհ հայկական բանակում
2020 թ․ դեկտեմբերի 1-ին երկու հայ զինծառայող է զոհվել Արցախի զորամասերից մեկում ծառայողական պարտականությունները կատարելիս։
Զինամթերքի դուրսբերման ժամանակ որոտացած պայթյունի հետևանքով զոհվել են Ժիրայր Վաչիկի Մաթևոսյանն ու Գեղամ Մերուժանի Հովհաննիսյանը (երկուսն էլ ծնված 2001 թ-ին)։
Իշխանությունները նախազգուշացմամբ են հանդես եկել
Այս պատահարներից հետո Ադրբեջանի գլխավոր դատախազությունն ու ներքին գործերի նախարարությունը համատեղ հայտարարությամբ են հանդես եկել։
Դրանում ուժային կառույցները երկրի բնակիչներին հորդորել են առանց հատուկ թույլտվության չմեկնել Ադրբեջանի վերահսկողության տակ անցած տարածքներ։
Սակրավորները նշել են տարածքների ականազերծման ժամկետները
Ադրբեջանի վերահսկողության տակ անցած տարածքների բնակավայրերի ականազերծումը հնարավոր է մոտակա երեքից հինգ տարում, ասել է ANAMA-ի օպերատիվ շտաբի պետ Իդրիս Իսմայիլովը։
![](https://jam-news.net/app/uploads/2020/12/mina2.jpg)
Իսկ Ղարաբաղի ողջ տարածքն ականազերծել մտադիր են 10-13 տարում։
Սակրավորների աշխատանքի մեկնարկից ի վեր նրանք վնասազերծել են 750 չպայթած զինամթերք, 4 500 հակահետևակային և մոտ 2 000 հակատանկային ական։
Իսմայիլովի խոսքով՝ գրավյալ տարածքների բնակավայրերի առաջին բնակիչները կարող են այնտեղ բնակության մեկնել նվազագույնը երեք տարուց։