Ադրբեջանում հանցագործությունների բացարձակ մեծամասնությունը կատարում են տղամարդիկ

Վիճակագրության պետական կոմիտեի տվյալների համաձայն՝ 2017թ. Ադրբեջանում հանցավործություն իրականացրած 16 750 անձանցից միայն 5,7%-ն է կին (963 մարդ):

Ինչպես հաղորդում է Trend-ը, անցյալ տարի կանայք առավելապես մեղադրվել են դիտավորյալ կերպով առողջությանը թեթև վնաս հասցնելու մեջ (22,8%): Տարածվածությամբ երկրորդ տեղում՝ գողությունն է (12,1%):

Ինչ վերաբերում է ծանր հանցագործություններին, 12 սպանություններից միայն 1-ն է իրականացվում կանանց կողմից (162դիտավորյալ սպանություններից՝ 13-ը):

Ադրբեջանում կանանց համար նախատեսված միայն մեկ բանտ կա՝ № 4 գաղութը: Այն գտնվում է մայրաքաղաքում, այստեղ են բերվում երկրի ամբողջ տարածքից բոլոր կին դատապարտյալները: Այդ պատճառով այդ բանտը մշտապես գերծանրաբեռնված է: Ընդ որում, ինչպես ասում է իրավապաշտպան Զալիհա Թագիրովան, բանտ հասնում է կին հանցագործների միայն մեկ քառորդը, մյուսներին ենթարկում են այլընտրանքային պատժի՝ պայմանական ժամկետ, հասարակական կամ ուղղիչ աշխատանք, տուգանք: