Աբխազիայում խորհրդարանական ընտրություններ են. թեկնածություն է առաջադրել 129 տղամարդ և 8 կին

ԼՈՒՍԱՆԿԱՐԸ՝ ԻԲՐԱՀԻՄ ՉԿԱԴՈՒԱՅԻ

Կիրակի՝ մարտի 12-ին, Ախբազիայում խորհրդարանական ընտրություններ են:

Թեկնածուներ

[yes_list]

• Պատգամավորության 113 թեկնածու են առաջադրել ընտրողների նախաձեռնող խմբերը,

• 24-թեկնածու՝ քաղաքական կուսակցությունները:

[/yes_list]

Թեկնածու առաջադրելու իրավունք է ստացել 8 կուսակցություն, սակայն դրանից օգտվել է 4 կուսակցություն.

[yes_list]

• «Այնար» կուսակցությունը պատգամավորության 8 թեկնածու է առաջադրել;

• «Ամցախարան»՝ 7;

• «Աբխազիայի ժողովրդական միասնության ֆորումը»՝ 6;

• «Հանուն արդարության և զարգացման Աբխազիայի ժողովրդական ճակատը»՝ 3 թեկնածու:

[/yes_list]

Թեկնածուների թվում են.

[yes_list]

• մեկ նախկին նախագահ՝ Ալեքսանդր Անկվաբը,

• երկու նախկին վարչապետ՝ Սերգեյ Շամբան և Լեոնիդ Լակերբայան,

• մի քանի նախկին նախարար՝ նախկին արտգործնախարար Վյաչեսլավ Չիրիկբան, ներքին գործերի նախկին նախարար Ռաուլ Լոլուան, Պետանվտանգության ծառայության նախկին ղեկավար, ներկայում՝ միացյալ ընդդիմության առաջնորդ Ասլան Բժանիան, մշակույթի երկու նախկին նախարարներ Նուգզար Լոգուան և Բադրա Գունբան, ֆինանսաների նախկին նախարար Բեսլան Կուբրավան,

• խորհրդարանի դեռևս գործող գումարման 31 պատգամավոր,

• Քաղաքային և շրջանային ադմինիստրացիաների մի քանի ղեկավար, այդ թվում՝ Սուխումի նախկին քաղաքապետ Ալյաս Լաբախուան և Գագրայի շրջանի նախկին ղեկավար Աստամուր Կեցբան:

[/yes_list]

6-րդ գումարման խորհրդարան անցնելու համար պայքարում է 8 կին և 129 տղամարդ:

Պատգամավորական մանդատի թեկնածուների ազգային կազմը՝

[yes_list]

• 129 աբխազ,
• 8 հայ և,
• 1 ռուս:

[/yes_list]

Ամենաերիտասարդ թեկնածուն (Սայիդ Աժիբա) 26 տարեկան է, ամենատարեցը (Վալերի Կվարչիան)՝ 71:

Ֆինանսները

Խորհրդանական ընտրությունների անցկացման համար բյուջեից մոտ 15մլն ռուբլի [մոտ 254 հազար դոլար] է հատկացվել:

Նախընտրական փուլի խնդիրները

Աբխազիայի Կենտրոնական ընտրական հանձնաժողովի նախագահ Թամազ Գոգիան լրագրողներին ասել է, որ նախընտրական փուլում «թեկնածուները միմյանց հանդեպ բազմաթիվ դժգոհություններ են ունեցել, սակայն պաշտոնական բողոքներ քիչ են եղել»:

«Շատ դեպքերում բողոքները բանավոր բնույթ են կրում: Պաշտոնապես՝ գրավոր կերպով բոոք շատերը չեն ուզում ներկայացնել, իսկ ասեկոսեներին մենք չենք կարող արձագանքել: Պաշտոնապես 6 բողոք է ներկայացվել, սակայն հետագայում 4-ից հրաժարվել են», — ասել է Գոգիան:

Իսկ նախընտրական փուլի հիմնական խնդիրը Թամազ Գոգիան համարում է ընտրացուցակները: Օրենքի համաձայն՝ ընտրացուցակները փակցվում են բոլոր ընտտրատեղամասերում քվեարկությունից 10 օր առաջ: «Դեպքեր կան, որ շատերը չեն հասկանում և համաձայն չեն քվեարկության օրը փակցված լրացուցիչ ցուցակների հետ: Իրավիճակը փոխվում է ամեն օր. ինչ—որ մեկը մահանում է, մյուսի 18 տարին է լրանում ընտրությունների նախօրեին և այլն», — ասել է Գոգիան:

Հոդվածում արտահայտած մտքերն արտահայտում են հեղինակի տերմինաբանությունն ու հայացքները և պարտադիր չէ, որ համընկնեն խմբագրության դիրքորոշման հետ