Էդուարդ Շևարդնաձեի հայրենի գյուղում քաղաքական գործչի թանգարանը կբացվի

Լանչխութի քաղաքի (Արևմտյան Վրաստան) իշխանությունների նախաձեռնությամբ Մամաթի գյուղում կբացվի Վրաստանի երկրորդ նախագահ Էդուարդ Շևարդնաձեի տուն-թանգարանը:

Տունը, որտեղ ապրել է Շևարդնաձեն, ներկա պահին պատկանում է նրա եղբորորդի Նուզգար Շևարդնաձեին, որը պատրաստ է տունն ու բակը տրամադրել մունիցիպալիտետին տուն-թանգարանի բացման համար:

Տունը Մամաթի գյուղում, ոևտեղ ծնվել է Շևարդնաձեն

Տունն այսօր էլ է մի փոքր նման թանգարանի: Երկրորդ նախագահի ազգականները հարգում են հայտնի հորեղբոր հիշատակը

«Հանրության և երկիր այցելող արտասահմանցի զբոսաշրջիկների մեծ հետաքրքրության հիման վրա մեծագույն քաղաքական և պետական գործիչ Էդուարդ Շևարդնաձեի հայրենի տանը պլանավորվում է հիշատակի թանգարան բացել», — ասված է Լանչխութիի սակրեբուլոյի հայտարարությունում:

Ապագա պետական գործիչը ծնվել է 1928թ—ի հունվարի 25-ին Վրաստանի Լանչխութիի շրջանի Մամաթի գյուղում ռուսաց լեզվի և գրականության ուսուցչի բազմազավակ ընտանիքում և 10 տարեկանից սկսել է աշխատել որպես փոստատար: Իշծանության գալուց երկուսուկես ամիս անց Գորբաչովը Շևարդնաձեին Մոսկվա է կանչել և արտգործնախարար նշանակել նրան: Էդուարդ Շևարդնաձեն պատմության մեջ ԽՍՀՄ վերջին արգործնախարարն է եղել:

1992թ-ի մարտին վրացի քաղաքական գործիչները, որոնք նոր էին պաշտոնանկ արել Զվիադ Գամսախուրդիային, Շևարդնաձեին առաջարկել են գլխավորել երկիրը, նա համաձայնել է: Շևարդնաձեն Վրաստանի նախագահն է եղել մինչև 2003թ-ը: 2003թ-ի նոյեմբերին ոչ արդար խորհրդարանական ընտրություններից մի քանի օր անց երկրում տեղի ունեցավ «վարդերի խաղաղ հեղափոխություն», որը վերջակետ դրեց Շևարդնաձեի դարաշրջանին:

Վրաստանի այդ փուլի հետ են ասոցացվում առանց լույսի և գազի, կոռուպցիայի և հանցավորության աճի ծանր ժամանակները: Սակայն հենց Շևարդնաձեն է այնպիսի կարևոր նախագծերի հիմքը դրել, ինչպիսիք են Բաքու-Թբիլիսի-Ջեյհան նավթատարն ու Բաքու-Թբիլիսի-Էրզրում գազատարը, որոնց շնորհիվ երկիրը տարածաշրջանում կարևոր տարանցիկ երկրի գործառույթ ձեռք բերեց:

Էդուարդ Շևարդնաձեն մահացել է երկարատև հիվանդությունից հետո 2015թ-ի հուլիսի 7-ին 87 տարեկան հասակում: Վերջին տարիները նա ապրում էր Թբիլիսիի Կրծանիսի շրջանի՝ իրեն փոխանցված նախագահական նստավայրում, որտեղ էլ թաղվել է կնոջ կողքին: