Üç uşaq anası, 37 yaşlı Otinaşvili “sərhədi qanunsuz keçdiyi” üçün Rusiya hərbçiləri tərəfindən saxlanılıb" />

Sxinvalidə həbs edilən Gürcüstan vətəndaşının anası bildirir ki, qızını döyüblər

Üç uşaq anası, 37 yaşlı Otinaşvili “sərhədi qanunsuz keçdiyi” üçün Rusiya hərbçiləri tərəfindən saxlanılıb

Gürcü-osetin münaqişə zonasında həbs edilən Gürcüstan vətəndaşı Maya Otinaşvili Sxinvali təcridxanasında qalır.

37 yaşlı üç uşaq anası Rusiya hərbçiləri tərəfindən sentyabrın 29-da evinin yaxınlığında öz sahəsində fındıq topladığı zaman saxlanılıb.

Azadlıq Radiosuna müsahibəsində Otinaşvilinin anası Qalina Kelexsayeva bildirib ki, onun qızını döyüblər.

Gürcüstan Təhlükəsizlik Xidmətinin Sxinvalidən aldığı son məlumata görə, Maya Otinaşvili haqda 10 gün müddətinə həbs qətimkan tədbiri seçilib.

Amma Cənubi Osetiyanın DTK-nin mətbuat xidməti daha əvvəl ikiaylıq həbs haqda bildirmişdi. Cənubi Osetiyanın DTK-nin rəsmi facebook səhifəsində dərc olunan bəyanatda hələ də iki ay müddətinə həbsdən söhbət gedir.

Bu, Rusiya hərbçilərinin münaqişə zonasında “sərhəd pozuntusuna” görə Gürcüstan vətəndaşını həbs etdiyi ilk hal deyil.

Bir qayda olaraq, “sərdədi pozduğuna” görə saxlanılan vətəndaşları cərimələyib tezliklə azad edirlər.

 Amma bu dəfə belə olmadı, çünki Cənubi Osetiya DTK-dən bildirilir ki, Otinaşvili pul müqabilində adamları sərhəddən keçirirmiş. Buna görə də ona qarşı cinayət işi qaldırılıb.Maya Otinaşvilinin anası Qalina Kelexsayevanın üzvü olduğu “Sülh Naminə Qadınlar Hərəkatı” qeyri-hökumət təşkilatı Svinvalinin ittihamları absurd adlandırır.

Azadlıq Radiosu ilə müsahibəsində Kelexsayeva bildirib ki, heç kimə – nə qohumlarına, nə də “Qlrmızı Xaç” nümayəndələrinə Sxinvali  təcridxanasında onunla görüşməyə icazə verilməyib

Kelexsayeva bildirir ki, onu döydükləri üçün üzə çıxarmırlar. Maya Otinaşvilinin anasının sözlərinə görə, saxlanılan zaman o müqavimət göstərib, buna görə də onu döyüblər. Kelexsayeva istisna etmir ki, qızını Sxinvali təcridxanasında da yenidən döyə bilərdilər.

“İndi onlar zorakılıq izlərinin keçməsini gözləyirlər. Buna görə də buraxmırlar və absurd ittihamlar uydurublar”, – saxlanılan qadının anası əmindir.

Gürcüstanın xalq müdafiəçisinin b\yanatında deyilir ki, Otinaşvilini maskalı adamlar oğurlayıb. Şahidlərin bildirdiyinə görə, insident Gürcüstan hakimiyyətinin nəzarət etdiyi ərazidə, tikanlı məftilin təqribən 50 metrliyində baş verib

Otinaşvilinin ailə üzvləri öz sahələrinin bu hissəsində həmişə olurlar, amma bu zamana qədər belə bir insident olmayıb.

Həmçinin saytda: Xurvaletidə qaçqınlar necə yaşayır

Bu faktı artıq Gürcüstanın baş naziri Mamuka Baxtadze şərh edib. Onun sözlərinə görə, “yaxın saatlarda vətəndaşımızın uşaqlarının yanına, ailəsinə qayıtması üçün” müvafiq orqanlar və idarələr 24 saatlıq rejimdə çalışırlar.

Onun sözlərinə görə, bütün beynəlxalq ehtiyatlar da səfərbər olunub.

“İşğalçı rejim özünün aqressiv siyasətini və insan haqlarının pozulmasını davam etdirir”, – Baxtadze deyib.

Həmçinin saytda: Baş nazir BMT-nin tribunasından abxazlara və osetinlərə müraciət etdi

Gürcüstanın barışıq və vətəndaş bərabərliyi məsələləri üzrə dövlət naziri Ketevan Tsixelaşvili “Azadlıq” radiosuna müsahibəsində bildirib ki, Avropa İttifaqının Müşahidə Missiyasının qaynar xətti ilə alınmış məlumata görə, Sxinval təcridxanasında olan Maya Otinaşvilinin vəziyyəti indiki mərhələdə qənaətbəxşdir.

Tsixelaşvilinin sözlərinə görə, prosesə Qızıl Xaç Komitəsi də daxil edilib.

Bu, rusiyalı hərbçilər tərəfindən münaqişə zonasında Gürcüstan vətəndaşlarının qondarma sərhədi pozmağa görə saxlanılmasının ilk halı deyil.

Adəti üzrə, bu ittiham üzrə saxlanılmış vətəndaşları cərimə edib tezliklə azadlığa buraxırla

Lakin bu dəfə belə olmadı.

Cənubi Osetiyanın Təhlükəsizlik Komitəsi bəyanat yayıb ki, Maya Otinaşvili uzun müddət müəyyən məbləğ qarşılığında Cənubi Osetiya və Gürcüstan vətəndaşlarına sərhədi qanunsuz keçməkdə kömək edib.

Maya Otinaşvilinin anası – “Sülh uğrunda qadın hərəkatı” qeyri-hökumət təşkilatının üzvü olan Qalina Kelexsayeva Sxinvalın ittihamlarını absurd adlandırır. “Azadlıq” radiosu ilə söhbətində Kelexsayeva deyib ki, saxlanılma anında onun qızı öz torpaq sahəsində olub və rusiyalı hərbçilər onu məhz oradan aparıblar.

_____________

•  Qori bələdiyyəsinin Xurvaleti kəndi Cənubi Osetiyadakı münaqişə zonası ilə həmsərhəddir. O, Qoridən 20 kilometr aralıda yerləşir. Xurvaleti kəndi rusiyalı hərbçilərin münaqişə zonasında tikanlı məftillərlə həyata keçirdiyi “borderizasiyası”ndan xüsusilə əziyyət çəkib.

Tikanlı məftil kəndi yarıya bölüb – bir hissəsi Tbilisinin tabeliyində qalıb, digər hissəsinə isə rusiyalı və osetiyalı hərbçilər tərəfindən nəzarət edilir.

Həmçinin saytda: Gürcüstanda tikanlı məftilin o tayında həyat: hüdud xətti


•  Münaqişə zonasının bütün perimetri üzrə duran rusiyalı hərbçilər avqust müharibəsindən sonra inzibati sərhəd boyunca ağ-yaşıl, üzərində “Dövlət sərhədi” və “Cənubi Osetiya” yazılmış bannerlər asıblar. Sərhəd funksiyasını işarələnmiş yerlərdə çəkilmiş tikanlı məftil yerinə yetirir. Rusiya və Osetiya tərəfləri bu prosesi “borderizasiya” adlandırırlar. Onların sözlərinə görə, sərhəd çəkilərkən onlar köhnə, müharibədən əvvəlki vaxtların sovet xəritələrindən istifadə edirlər. Onların sözlərinə görə, Axalqor rayonu boyunca “dövlət sərhədi” elə aparılır ki, Axalqor rayonunun bütün kəndləri Cənubi Osetiyanın ərazisinə düşür.

Gürcü tərəfi bu prosesi “sürünən ilhaq” adlandırır və bildirir ki, Rusiya tərəfi hər dəfə yeni Gürcüstan ərazilərini mənimsəyir. Tikanlı məftil Gürcüstan kəndlərində çox vaxt elə çəkilir ki. kəndlər yarıya bölünür. Nəticədə, onlarla ailənin örüş yerləri, qəbiristanlıqları və digər sahələri “sərhəd”in o biri tayında qalır.

Bu, Xurvaleti kəndində yaşayan 83 yaşlı Data Vanişvilidir. Tikanlı məftil çəkildikdən sonra onun evi Sxinvalın nəzarətində olan ərazidə qalıb. Vanişvili öz evini tərk etməkdən imtina edib. Onun yanına tez-tez jurnalistlər gəlir və o, onlarla tikanlı məftilin o biri tayından ünsiyyətdə olur. 18 iyun 2018-ci il. Foto: REUTERS /David Mdzinarişvili

•  Qondarma “dövlət sərhədi” yaxınlığında hərəkətə müstəsna olaraq rusiyalı hərbçilər nəzarət edir. Onlar insanları həm də hələlik tikanlı məftilin, yaxud “sərhəd”i müəyyən edən digər nişanların olmadığı yerlərdə saxlayırlar.

Münaqişə zonasından tez-tez xəbərlər gəlir ki, rusiyalı hərbçilər “dövlət sərhədini keçdiyi üçün” öz kəndində heyvanlarını otaran, yaxud yaxınlıqdakı meşədə cincilim toplayan Gürcüstan vətəndaşını saxlayıblar.

Həmçinin saytda: Gürcüstan “Otzoxoriya-Tatunaşvili” siyahısını açıqlayıb. Siyahıda 33 nəfər var

Son belə səs-küylü hadisə avqust ayının sonlarında baş verib. O vaxt rusiyalı hərbçilər Truso yarğanında bellərində çantalarla gəzintiyə çıxmış beş gənc gürcünü saxlamışdılar. Yeniyetmələrin azad edilməsi üçün bir neçə gün və beynəlxalq təşkilatların müdaxiləsi lazım olmuşdu. Adəti üzrə, saxlanılanları Sxinval təcridxanasına yerləşdirirlər və cərimə ödənişinin qarşılığında azad edirlər.

•  Rusiyalı hərbçilərdən savayı, 2018-ci ilin avqust ayındakı müharibədən sonra münaqişə zonasında Aİ Müşahidə Missiyasının nümayəndələri də var ki, onlar Tbilisinin nəzarətində olan ərazidə patrul xidməti görürlər.

 

Məqalədəki terminlər, fikir və ideyalar JAMnews və ya ayrı-ayrı əməkdaşlarının fikir və ideyaları ilə üst-üstə düşməyə bilər. JAMnews məqaləyə yazılan təhqir, təhdid, zorakılığa çağırış hesab edilən və ya başqa səbəbdən etik hesab edilməyən şərhləri silmək haqqını özündə saxlayır.

More on JAMnews