სომხეთში, არჩევნების დღეს ჟურნალისტებზე თავდასხმის გამო, სისხლის სამართლის საქმეებია აღძრული

სომხეთის გენერალურმა პროკურატურამ  სისხლის სამართლის საქმე აღძრა „საპარლამენტო არჩევნების დღეს ჟურნალისტური საქმიანობისთვის ხელის შეშლის გამო”.  ჟურნალისტებს თავს დაესხნენ, როდესაც მათ ამომრჩევლის მოსყიდვის ფაქტი ამხილეს.

ინციდენტი ერევნის რაიონ კონდში, სომხეთის მმართველი რესპუბლიკური პარტიის კანდიდატის აკოპ ბეგლარიანის შტაბის წინ მოხდა.

რადიო თავისუფლებისა და საინფორმაციო პორტალ Araratnews.am-ის ჟურნალისტებმა სისაკ გაბრიელიანმა და შოგიკ გალსტიანმა დაინახეს,  თუ როგორ შედიოდნენ საარჩევნო უბნებზე მისვლამდე ამომრჩევლები კანდიდატ ბეგლარიანის შტაბში და იქიდან ფულით ხელში გამოდიოდნენ.

სისაკ გაბრიელიანი თავადაც შევიდა შტაბში. შტაბის წევრებმა, ჟურნალისტი რომ დაინახეს, განცხადეს, რომ ქრთამებს კი არა, ხელფასებს გასცემდნენ, და ჟურნალიტს შენობა დატოვება მოსთხოვეს. შეკამათების დროს ჟურნალისტს ახალგაზრდები დაესხნენ თავს, და ტელეფონი წაართვეს.  შემდეგ შეხლა-შემოხლა დაიწყო, რომლის დროსაც სისაკ გაბრიელიანმა თვალის არეში მსუბუქი დაზიანება მიიღო.

შოგიკ გალასტიანი მომხდარს შტაბის გარედან იღებდა. ადგილობრივმა მაცხოვრებლებმა მას ტელეფონის გამოსტაცეს, შეურაცხყოფა მიაყენეს და ის ადგილი ისე დაატოვებინეს, რომ ვიდეოგადაღების საშუალება არ მისცეს.

სისხლის სამართლის საქმეები აღძრულია სომხეთის რესპუბლიკის სისხლის სამართლის კოდექსის 140-ე მუხლის 52-ე ნაწილის მე-3 პუნქტის მიხედვით (არჩევანის უფლების განხორციელებისთვის, საარჩევნო კომისიის მუშაობისთვის ან არჩევნებში მონაწილე პირისთვის თავისი უფლებამოსილების აღსრულებაში ხელის შეშლა ძალადობის გამოყენებით ან პირთა ჯგუფის მიერ მისი გამოყენების მუქარით)

დღესდღეობით სომხეთში არჩევნების დღეს გამოვლენილ დარღვევებთან დაკავშირებით აღძრულია სულ  სისხლის სამართლის ცხრა საქმე. ძირითადად, ეს არის ერთზე მეტად ან სხვა ადამიანის ნაცვლად ხმის მიცემის მცდელობები.