სომხეთის ონლაინ-მედიაში ყველაზე პოპულარული ქალი - დეპუტატია

სომხეთის ონლაინ-მედიაში ივლისის თვის განმავლობაში ყველაზე ხშირად ციტირებადი ქალი აღმოჩნდა ფრაქცია „ცარუკიანის“ დეპუტატი ნაირა ზოგრაბიანი, რომელიც ასევე ერევნის მერობის კანდიდატიც იყო პარტია „აყვავებული სომხეთიდან“.130-მა ონლაინ რესურსმა ის სომხეთის ნებისმიერ ყველა სხვა ქალზე ხშირად ახსენა – 909-ჯერ.

ყველაზე პოპულარული ქალების რეიტინგში მან სომხეთში დღეს ძალიან პოპულარულ პრემიერ-მინისტრის ცოლს – ანა აკოპიანსაც კი გაუსწრო. ის 525-ჯერ ახსენეს.

სამეულის ბოლოშია დედაქალაქის უხუცესთა საბჭოს წევრი, პარტია „ერკირ ცირანის“ ლიდერი ზარუი პოსტანჯანიანი – შედეგით 523 პუბლიკაცია. ივლისში მის შესახებ – როგორც ქალაქის მერის თანამდებობის კანდიდატზე – ბევრს წერდნენ

ნაირა ზოგრაბიანის პირველ ადგილზე გასვლა რამდენიმე ფაქტორმა განაპირობა.

პირველ რიგში, ის აქტიურად იბრძოდა შეიარაღებული ჯგუფის „სასნა ცრერის“ წევრების გასათავისუფლებლად, რომლებმაც თავის დროზე საპატრულო-საგუშაგო სამსახურის შენობა დაიკავეს და წინა ხელისუფლების წინააღმდეგ იბრძოდნენ.

გარდა ამისა, ერევნის უხუცესთა საბჭოს არჩევნებზე ის  პარტია „აყვავებული სომხეთის“ წინასაარჩევნო სიის სათავეში იყო.

მან საკმარისი აქტიურობა გამოავლინა რიგითი ადამიანების პრობლემებისა და სოციალური საკითხების გადაწყვეტის მხრივაც – ნაგვის გატანის ჩათვლით. ივლისში ის ნაგავსაყრელიდან საავადმყოფოში მოწამლული გადაიყვანეს, როდესაც გადაღებებში მონაწილეობდა.

რაც შეეხება ნიკოლ ფაშინიანის ცოლს, ის ქმართან ერთად სომხეთში პოპულარულ კინოფესტივალ „ოქრის გარგარს“ ესწრებოდა, მოასწრო ვაჟის ჯარში გაშვება, ასევე დააარსა ფონდი „ჩემი ნაბიჯი“ (იმ მოძრაობის სახელის მიხედვით, რომელიც მისი ქმრის ინიციატივით დაიწყო, და რომელმაც წინა ხელისუფლება შეცვალა). ამ ყველაფერმა განაპირობა მის მიერ მეორე ადგილის დაკავება.

ზარუი პოსტანჯანიანს მესამე ადგილი ერევნის მერის თანამდებობაზე წარდგენის გამო ერგო.

ივლისის თვეში ყველაზე ხშირად ხსენებული ქალების ათეულში აღმოჩნდნენ ასევე იუსტიციის ყოფილი მინისტრი არპინე ოვანესიანი, რამდენიმე მოქმედი ქალი მინისტრი, ახლანდელი პრეზიდენტის ცოლი – ნუნე სარგსიანი და ექს-პრეზიდენტის მეუღლე – რიტა სარგსიანი.

ონალინ-რესურსმა მედიამკსმა თავისი მედიამონიტორინგისა და მედიარეიტინგის შდეგები წარმოგვიდგინა.