არქივი- 08.11.2017 რუს არტისტებს უკრაინაში გამოსვლისთვის ადგილობრივი უშიშროების ნებართვა დასჭირდებათ გაზიარება გაზიარება ფესტივალი Atlas Weekend კიევში. ფოტო ალექსანდრ პოპენკო, ჰრომადსკოე თითოეულმა რუსმა მომღერალმა ან მსახიობმა, რომელსაც უკრაინაში კონცერტის გამართვა სურს, ნებართვა უკრაინის უშიშროების სამსახურისგან უნდა მიიღოს. როგორც ჰრომადსკოე იუწყება, „აგრესორი სახელმწიფოს მოქალაქეების მიერ საგასტროლო ღონისძიებების ორგანიზებისა და ჩატარების თავისებურებათა შესახებ“ კანონს უკრაინის პრეზიდენტმა პეტრო პოროშენკომ ხელი 7 ნოემბერს მოაწერა. კანონი უკრაინის უმაღლეს რადაში 5 ოქტომბერს მიიღეს. ამ დოკუმენტის თანახმად, რუსი არტისტების გასტროლების ორგანიზატორები ვალდებული არიან, კონცერტების შესახებ უკრაინის უშიშროების სამსახური გამოსვლამდე 30 დღით ადრე გააფრთხილონ. დოკუმენტი კრძალავს ისეთ გამოსვლებს, რომლებიც „პროპაგანდასა და პოპულარიზაციას უწევს აგრესორ სახელმწიფოს, მის ხელისუფლებას (და ცალკეულ წარმომადგენლებს) და მათ ქმედებებს, დადებითად წარმოაჩენს აგრესორ სახელმწიფოს, ამართლებს ან მართლზომიერად მიიჩნევს უკრაინის ტერიტორიის ოკუპაციას“. რუსი მომღერლების გასტროლების კანონმდებლობით შეზღუდვის იდეა მას შემდეგ გაჩნდა, რაც წელს, ზაფხულში, უკრაინაში გამოსვლა შვიდ რუს არტისტს აუკრძალეს. როგორც ჰრომადსკოე იუწყება, 2017 წელს უკრაინაში რამდენიმე გახმაურებული სკანდალი მოხდა, რომლებიც რუს მომღერლებს უკავშირდებოდა. მაგალითად, რეპერი ბასტა და ჯგუფი Anakondaz ოკუპირებულ ყირიმში კონცერტების გამართვის შემდეგ კიევში გამოვიდნენ. ახალი კანონი არა მხოლოდ მუსიკოსებზე ვრცელდება, არამედ ყველა არტისტზე, რომლებიც საზოგადოების წინაშე გამოდის. ასევე ის ეხება იმ ადამიანებსაც, ვისი დაწერილიც არის ნაწარმოები, სცენარი, ტექსტი, დიალოგი, ასევე – დამდგმელ–რეჟისორებს, პროდუსერებსა და ა.შ. Go to top
ომბუდსმენი "ქალებისა და არასრულწლოვანების მიმართ სიძულვილის ენის გახშირებულ შემთხვევებთან დაკავშირებით“ განცხადებას ავრცელებს
"ივანიშვილის მთავრობა უდასტურებს ევროკავშირს, რომ უვიზო არაა მათი ინტერესი" - 60-ზე მეტი არასამთავრობო
"დახმარებას მოხალისეობრივად გავაგრძელებთ" - კავშირი "საფარი" არასამთავრობოების დაყადაღებაზე განცხადებას ავრცელებს
კომენტარი: რეჟიმი ახალ საფეხურზე გადადის - ეს პოლიტიკური დევნაც აღარ არის, ეს უკვე სრული მასშტაბის რეპრესიაა
"აქციებზე ძალადობა მათი სახსრებით ფინანსდებოდა" - სასამართლომ რამდენიმე არასამთავრობო ორგანიზაციის ანგარიშებს ყადაღა დაადო
"ივანიშვილის მთავრობა უდასტურებს ევროკავშირს, რომ უვიზო არაა მათი ინტერესი" - 60-ზე მეტი არასამთავრობო
ომბუდსმენი "ქალებისა და არასრულწლოვანების მიმართ სიძულვილის ენის გახშირებულ შემთხვევებთან დაკავშირებით“ განცხადებას ავრცელებს
"ივანიშვილის მთავრობა უდასტურებს ევროკავშირს, რომ უვიზო არაა მათი ინტერესი" - 60-ზე მეტი არასამთავრობო
კომენტარი: რეჟიმი ახალ საფეხურზე გადადის - ეს პოლიტიკური დევნაც აღარ არის, ეს უკვე სრული მასშტაბის რეპრესიაა
ლორა კუპერი: ჩემთვის წარმოუდგენელია, რომ დღეს საქართველოში რუსეთთან ასეთი მჭიდრო თანამშრომლობა იქნებოდა
მოსაზრება აფხაზეთიდან: ჩვენ ვერ შევინარჩუნებთ უზარმაზარ არმიას. საჭიროა საზოგადოების მაქსიმალური მილიტარიზაცია
რას ამბობენ მედია და ექსპერტები პუტინის და ტრამპის ალასკაში შეხვედრის შედეგებზე? (სპოილერი - კარგს არაფერს)