აზერბაიჯანელი ჯარისკაცი გამყოფ ზოლზე ტყვედ აიყვანეს

“1 თებერვალს, აზერბაიჯანულ მხარეს  გამყოფი ზოლიდან ყარაბაღში დაზვერვით-დივერსიული შეღწევის  მცდელობა ჰქონდა”, – იტყობინება მთიანი ყარაბაღის თავდაცვის სამინისტროს საპეც-სამსახური. პრეს-სამსახურის ცნობით, ინციდენტი დაახლოებით 15:00 სთ მოხდა გამყოფი ზოლის ჩრდილოეთის მიმართულებით. დივერსიულმა ჯგუფმა „ხელსაყრელი“ კლიმატური პირობებით ისარგებლა – ნისლით.

“აზერბაიჯანელი სპეცრაზმელების გადაადგილება დროულად იქნა აღმოჩენილი. საპრევენციო ოპრაციის შედეგად მოწინააღმდეგემ დანაკარგი განიცადა და უკან დაიხია. სომხურმა მხარემ აზერბაიჯანის არმიის სამხედრო მოსამსახურე, 1995 წელს დაბადებული ელნურ ჰუსეინზადე ტყვედ აიყვანა”, – ნათქვამია განცხადებაში.

აზერბაიჯანის თავდაცვის სამინისტროს ვებგვერდზე ამ ინფორმაციას უარყოფენ. “სომხური მხარის მიერ გავრცელებული ინფორმაცია, ვითომ მომხდარი პროვოკაციის შესახებ… სიცრუეა. ფრონტის ხაზზე არანაირი აქტიური საბრძოლო მოქმედებები არ ყოფილა. რაც შეეხება ელნარ ჰუსეინზადეს, მან … სამხედრო დისციპლინა დაარღვია და … შედეგად, დემობილიზებულია აზერბაიჯანის შეიარაღებული ძალების რიგებიდან”, – ნათქვამია შეტყობინებაში.