პოლონეთი საქართველოს მოქალაქეებისთვის უვიზო მიმოსვლის შეზღუდვას განიხილავს
უვიზო მიმოსვლის შეზღუდვა
უვიზო მიმოსვლის შეზღუდვა
პოლონეთის პრემიერმინისტრმა დონალდ ტუსკმა TVN24-ის ეთერში განაცხადა, რომ ქვეყანა განიხილავს უვიზო მიმოსვლის შეჩერების შესაძლებლობას რამდენიმე ქვეყნის, მათ შორის საქართველოს მოქალაქეებისთვის, რუსული დაზვერვის აქტივობის ფონზე.
ბოლო დროს პოლონეთმა 32 პირი დააკავა, რომლებიც ეჭვმიტანილნი არიან რუსულ დაზვერვასთან თანამშრომლობაში. მათ შორის არიან რუსეთის, უკრაინის, კოლუმბიის და პოლონეთის მოქალაქეებიც.
მისი თქმით, შენგენის წესების გამონაკლისის დაშვების თაობაზე ოფიციალური შუამდგომლობის წარდგენა განიხილება, რაც პოლონეთს მისცემს უფლებას, კონკრეტული ქვეყნების მოქალაქეებისთვის კვლავ დააწესოს სავიზო მოთხოვნები.
ტუსკის თქმით, ყოფილი საბჭოთა კავშირის ქვეყნების მოქალაქეები “ცხადი მიზეზების“ გამო უფრო დაუცველები არიან რუსეთის სპეცსამსახურების რეკრუტირების მიმართ. თუმცა მან ასევე აღნიშნა, რომ ლათინური ამერიკის მოქალაქეების შემთხვევაში, პოლონეთი ეჯახება ევროპულ პრობლემას – ისინი ხშირად ესპანეთის მეშვეობით იღებენ ტურისტულ ვიზებს, რაც მათ შენგენის ზონაში გადაადგილებას ამარტივებს.
„ვინც კანონს დაარღვევს, ან ციხეში აღმოჩნდება, ან დეპორტირებული იქნება,“ – განაცხადა ტუსკმა.
პოლონეთის შსს-ს მოადგილემ RMF FM-ის ეთერში განმარტა, რომ იმ ქვეყნების სია, ვისაც შეზღუდვები შეიძლება შეეხოს, მოიცავს საქართველოს, სომხეთს, კოლუმბიას და ვენესუელას.
