"საქართველო კატეგორიულად გმობს დონეცკის და ლუგანსკის აღიარებას" - თბილისის რეაქცია
თბილისის რეაქცია დონეცკის და ლუგანსკის აღიარებაზე
საქართველო კატეგორიულად გმობს მოსკოვის მიერ დონეცკის და ლუგანსკის აღიარებას. გუშინდელმა მოვლენებმა, ქვეყნის პირველ პირებს 2008 წლის აგვისტოს ომი გაახსენა, რომლიც შემდეგ რუსეთმა აფხაზეთისა და სამხრეთ ოსეთის დამოუკიდებლობა აღიარა.
საქართველოს პრეზიდენტმა, სალომე ზურაბიშვილმა ტვიტერზე დაწერა:
“მკაცრად ვგმობთ რუსეთის მიერ უკრაინის დონეცკისა და ლუგანსკის რეგიონების „აღიარებას“, რაც არის იმ სცენარის გამეორება, რომელმაც ჩვენი ტერიტორიის 20 პროცენტის ოკუპაცია გამოიწვია.
საქართველო უკრაინისა და პრეზიდენტ ზელენსკის გვერდით დგას, უკრაინის ტერიტორიული მთლიანობისა და მშვიდობის მხარდაჭერის ნიშნად“, – წერს საქართველოს პრეზიდენტი.
🇬🇪 strongly condemns Russia’s « recognition » of 🇺🇦Ukraines’s Donetsk and Lugansk regions, repeating the scenario that led to the occupation of 20% of our territory. 🇬🇪stands by you Pdt Zelensky and in support of🇺🇦 ‘s territorial integrity and peace.
— Salome Zourabichvili (@Zourabichvili_S) February 21, 2022
- მოსაზრება: ვის მხარესაა საქართველო უკრაინის კონფლიქტში?
- მოსაზრება: არის თუ არა ვინმე, ვისაც ქართულ-აფხაზური კონფლიქტის გადაწყვეტა სურს?
- კავკასიის კონფლიქტების ტრანსფორმაცია: დასავლური სამყაროდნან რუსულისკენ
- საქართველოს კონფლიქტები ყარაბაღის მეორე ომის შემდეგ
“დონეცკის და ლუგანსკის აღიარება რუსეთის მიერ არის კიდევ ერთი ნაბიჯი, რომელიც მიმართულია საერთაშორისო სამართლის ფუნდამენტური პრინციპების წინააღმდეგ და სამწუხაროდ იმეორებს საქართველოს ტერიტორიების ოკუპაციას 2008 წელს” , – წერს საქართველოს პრემიერ-მინისტრი ირაკლი ღარიბაშვილი ,,ტვიტერზე“ .
,,ჩვენ მტკიცედ ვუჭერთ მხარს უკრაინის სუვერენიტეტსა და ტერიტორიულ მთლიანობას“ წერს ირაკლი ღარიბაშვილი.
The recognition of #Donetsk and #Luhansk by Russia is another step directed against the fundamental principles of international law and unfortunately repeats the occupation of Georgian territories in 2008. We strongly support the sovereignty and territorial integrity of Ukraine🇺🇦
— Irakli Garibashvili (@GharibashviliGe) February 21, 2022
საგარეო საქმეთა მინისტრის, დავით ზალკალიანის განცხადებით, დონეცკისა და ლუგანსკის აღიარება რუსეთის მიერ არის საერთაშორისო სამართლის ფუნდამენტური პრინციპების დარღვევაა.
როგორც ზალკალიანი აცხადებს, საერთაშორისო პარტნიორებმა აღნიშნულზე რეაგირება უნდა მოახდინონ:
„დონეცკისა და ლუგანსკის აღიარება რუსეთის მიერ არის საერთაშორისო სამართლის ფუნდამენტური პრინციების დარღვევა და 2008 წლის აფხაზეთისა და ცხინავლის რეგიონების აღიარებისა და ოკუპაციის სცენარიის გამეორება. ჩვენ მოვუწოდებთ ჩვენს საერთაშორისო პარტნიორებს, რეაგირება მაოხდინონ ევროკავშირის უსაფრთხოებისა და საერთაშირისო სამართლის მორიგ დარღვევაზე,” – წერს დავით ზალკალიანი.
Recognition of #Donetsk & #Luhansk by Russia is a violation of fundamental principles of int’l law & repeats t/scenario of recognition & occupation of Abkhazia & Tskhinvali regions in 2008. We call on our int’l partners to respond to another violation of 🇪🇺 security & int’l law.
— David Zalkaliani (@DZalkaliani) February 21, 2022
საქართველოს უკრაინაში საქართველოს საელჩო მუშაობას განაგრძობს და ამ მიმართულებით რაიმე შეზღუდვები არ იგეგმება.
თუმცა, “საგარეო საქმეთა სამინისტრო უკრაინაში საქართველოს საელჩოს თანამშრომლებს რეკომენდაციით მიმართავს, სურვილის შემთხვევაში, კიევიდან ოჯახის წევრები გაიყვანონ”, – უთხრეს “ინტერპრესნიუსს” საქართველოს საგარეო უწყებაში.
რას ფიქრობენ ექსპერტები:
თორნიკე შარაშენიძე, საზოგადოებრივ საქმეთა ინსტიტუტის პროფესორი, პოლიტოლოგი: პუტინისთვის მისთვის მთავარი პრობლემა არის უკრაინა, რომელიც არის მოკავშირე დასავლეთის და უნდა უკრაინის, როგორც დასავლეთის მოკავშირის მოსპობა, ეს პირდაპირ იკითხებოდა მის ტექსტში, ამიტომ მხოლოდ აღიარებით, შესაძლოა, საქმე არ დამთავრდეს.
მისთვის მნიშვნელოვანია უკრაინაში ამერიკა საერთოდ არ იყოს წარმოდგენლი და შეეცდება ამას ყველა ხერხით მიაღწიოს, მათ შორის, ომითაც. თითქმის 20 წელია ვცდილობ რუსეთის პოლიტიკის სწავლას, მაგრამ მაინც მეც ვერ ვხვდები ქმედებების ლოგიკას და ძალიან ბევრი სერიოზული რუსი კოლეგა ვიცი, რომლებიც ასევე დაბნეულები არიან იმით, რასაც პუტინი აკეთებს. ახლა, რეალურად ყველაფერი დამოკიდებულია დასავლეთის პასუხზე. თუ ეს პასუხი არ გასცდება სანქციებს, რისიც რუსეთს აშკარად არ ეშინია, ეს ყველაფერი შერჩება, მაგრამ თუ მან მოინდომა, რომ გასცდეს ლუგანსკს და დონეცკს, წავიდეს წინ და დაიწყოს სრულმასშტაბიანი ომი, მაშინ ალბათ, კისერს წაიტეხს. თუ გაჩერდა აქ, დაიკავა ლუგანსკი და დონეცკი და უბრალოდ გააგრძელა ზეწოლა უკრაინელებზე და ამას მოჰყვა მხოლოდ და მხოლოდ უკბილო სანქციები, მოგებული დარჩება, მაგრამ თუ ჩაერთო სერიოზულ ომში, წააგებს.
თბილისის რეაქცია დონეცკის და ლუგანსკის აღიარებაზე
