სოხუმის აეროპორტი დროებით შეაჩერებს ფუნქციონირებას
სოხუმის აეროპორტი მუშაობას შეაჩერებს
სოხუმის აეროპორტი, რომელიც 30-წლიანი პაუზის შემდეგ 2025 წლის მაისში ხელახლა გაიხსნა, დროებით შეაჩერებს ფუნქციონირებას. 25 ოქტომბრიდან ის აღარ მოემსახურება დაგეგმილ რეისებს, რადგან სადღესასწაულო სეზონის დასრულებამ მგზავრთა ნაკადი შეამცირა – ავიაკომპანიებისთვის აფხაზეთში ფრენა წამგებიანი გახდა.
აეროპორტის შეფერხება შესაძლოა 2026 წლის მაისის დასაწყისამდე გაგრძელდეს. მიუხედავად იმისა, რომ სოხუმში რეისები შესაძლოა ახალი წლის დღესასწაულებზე განახლდეს – ეს მხოლოდ რამდენიმე კვირა გაგრძელდება. დანარჩენ დროს აეროპორტი უმოქმედოდ დარჩება.
შეგახსენებთ, რომ საერთაშორისო ლიცენზიის არარსებობის გამო, სოხუმის აეროპორტი მხოლოდ რუსეთიდან იღებს რეისებს. უფრო მეტიც, აეროპორტი რუსული ინვესტიციებით აღადგინეს.
ახლა, დანაკარგების შესამცირებლად, აფხაზეთის ხელისუფლება ცდილობს მოსკოვთან მოლაპარაკებას, რათა რუსეთის ბიუჯეტიდან სუბსიდიების საშუალებით კვირაში მინიმუმ ერთი ან ორი რეისი შენარჩუნდეს.
თავდაპირველად, აფხაზეთის ხელისუფლება იმედოვნებდა, რომ 2025 წლის ბოლოსთვის მგზავრთა ნაკადის მოცულობა ერთ მილიონს მიაღწევდა. თუმცა, როგორც გამოცდილებამ აჩვენა, ეს გეგმები არარეალური იყო. ოფიციალური მონაცემებით, აეროპორტის გახსნიდან (დაახლოებით ხუთი თვის განმავლობაში) მგზავრთა ნაკადი მხოლოდ 110 000-ს შეადგენს.
