სნაიპერმა აფხაზეთში დაკრძალვის პროცესიას ცეცხლი გაუხსნა. მთავარი სამიზნე, სავარაუდოდ, ადგილობრივი კანონიერი ქურდია
სნაიპერმა აფხაზეთში დაკრძალვის პროცესიას ცეცხლი გაუხსნა
სნაიპერმა აფხაზეთში დაკრძალვის პროცესიას ცეცხლი გაუხსნა. მთავარი სამიზნე, სავარაუდოდ, კანონიერი ქურდი რაულ ბარცბაა. ის და კიდევ ოთხი ადამიანი დაიჭრა.
დანაშაული სოხუმში მოხდა. მიტოვებულ სახლში დამალულმა, ჯერ კიდევ უცნობმა დამნაშავემ სნაიპერული შაშხანიდან ცეცხლი გაუხსნა გამვლელ პროცესიას.
მედიის ცნობით, პირველი ტყვია მუცელში მოხვდა რაულ (ზედმეტსახელად “პიზა”) ბარცბას, “კანონიერი ქურდის“ სტატუსის მქონე ცნობილ კრიმინალურ ავტორიტეტს. ამას მოჰყვა კიდევ რამდენიმე გასროლა.
ბარცბას გარდა, დაიჭრა კიდევ ოთხი ადამიანი, რომლებსაც კრიმინალურ სამყაროსთან კავშირი არ ჰქონდათ. ყველა მათგანი საავადმყოფოში გადაიყვანეს. ერთ-ერთი მსხვერპლი, ალმას კვიცინია – რუსეთში აფხაზეთის ელჩის ძმა – კრიტიკულ მდგომარეობაშია.
შინაგან საქმეთა სამინისტრომ სნაიპერზე ძებნა გამოაცხადა, თუმცა წარუმატებლად.
აღმოჩენილია მხოლოდ მსროლელის ნიღაბი და ხელთათმანები, რომლებიც მან მიტოვებულ შენობაში დატოვა.
