საქართველო, უკრაინა და მოლდოვა მოუწოდებენ ევროკავშირს, აღიაროს მათი ევროპული პერსპექტივა
აღმოსავლეთ პარტნიორობის მე-6 სამიტის დასრულების შემდეგ, ერთობლივი განცხადება გაავრცელა ასოცირებულმა ტრიომ – საქართველომ, უკრაინამ და მოლდოვამ. ისინი მოუწოდებენ ევროკავშირს, მხარი დაუჭიროს ევროინტეგრაციის მიმართულებით ამ ქვეყნების მიერ გადადგმულ ყველა შესაბამის ნაბიჯს და აღიაროს მათი ევროპული პერსპექტივა.
სამიტზე სამმა ქვეყანამ ხელახლა დაადასტურა სრული მზაობა, იმუშაონ ევროკავშირში გაწევრიანების მიმართულებით, რასაც სამივე ქვეყნის მოსახლეობის მტკიცე ნება ამყარებს.
“მოვუწოდებთ ევროკავშირს, მხარი დაუჭიროს ჩვენი სახელმწიფოების სუვერენულ არჩევანს, ევროინტეგრაციის მიმართულებით ჩვენს მიერ გადადგმულ ყველა შესაბამის ნაბიჯს და აღიაროს საქართველოს, მოლდოვის რესპუბლიკისა და უკრაინის ევროპული პერსპექტივა”, – ნათქვამია განცხადებაში.
ამავე სამიტის ფარგლებში მიიღეს დეკლარაცია, რომელშიც საუბარია, რომ ევროკავშირი კვლავ მხარს უჭერს აღმოსავლეთ პარტნიორობის ქვეყნების სუვერენიტეტსა და ტერიტორიულ მთლიანობას. გარდა ამისა, დოკუმენტში საუბარია იმის შესახებ, რომ ადამიანის უფლებების და ფუნდამენტურ თავისუფლებათა დაცვა აღმოსავლეთ პარტნიორობის თანამშრომლობის მთავარ მიზნად რჩება.
● „მსოფლიომ დემოკრატია გადაიყვარა და დიქტატურისკენ გადაიხარა“ – რუსი ნობელიანტის სიტყვა
● გაიმართა აბაშიძე კარასინის ონლაინ შეხვედრა. საქართველო 3+3 ფორმატში მონაწილეობას არ განიხილავს
● ჟენევის მოლაპარაკებები: რუსეთის დელეგაციამ შეხვედრა დატოვა
ბრიუსელში აღმოსავლეთ პარტნიორობის სამიტზე ევროკავშირის ქვეყნების ლიდერებმა და აღმოსავლეთ პარტნიორობის წევრმა ქვეყნებმა მიიღეს მონაწილეობა. ფორმალურად სამიტში მონაწილეობა ბელარუსიც, თუმცა ევროპის მხრიდან მასშტაბური სანქციებით შემდეგ, მინსკი სიმბოლურად წარმოდგენილი იყო ცარიელი სკამითა და დროშით.
სამიტის ფარგლებში მიიღეს დეკლარაცია, რომელშიც საუბარია, რომ დიფერენციაციისა და ინკლუზიურობის პრინციპების შესაბამისად, ევროკავშირი აღიარებს ასოცირებული პარტნიორების ტრიოს – საქართველოს, მოლდოვის რესპუბლიკისა და უკრაინის ინიციატივებს, გააძლიერონ თანამშრომლობა ევროკავშირთან. ასევე, ითვალისწინებს გაზრდილ კოორდინაციას საერთო ინტერესებთან დაკავშირებულ საკითხებზე.
ევროპული საბჭოს პრეზიდენტის, შარლ მიშელის თქმით, ევროკავშირი აღმოსავლეთ პარტნიორობის ქვეყნებში 2 მილიარდზე მეტ ინვესტიციას განახორციელებს.
“ეს ამბიციური ეკონომიკური და საინვესტიციო გეგმა მიზნად ისახავს საზოგადოებაზე დიდი გავლენის მოხდენას”, – განაცხადა მიშელმა.
