კომენტარი აფხაზეთიდან სამხედრო ბაზაზე: ეს არის უსაფრთხოების გარანტი და გადაწყვეტილება დღეს არ მიღებულა
გაზიარება
გაზიარება
რუსეთის საზღვაო ბაზა აფხაზეთში
აფხაზეთში, ქალაქ ოჩამჩირეში, რუსეთის საზღვაო ძალების მუდმივი ბაზა შეიქმნება. ამის შესახებ ცნობილი გახდა აფხაზეთის ე.წ. პრეზიდენტის, ასლან ბჟანიას დღევანდელი ინტერვიუდან რუსულ გაზეთ „იზვესტიასთან“.
მაგრამ, აფხაზეთის უშიშროების საბჭოს მდივნის, სერგეი შამბას თქმით, ამ საკითხზე შეთანხმება დიდი ხნის მიღწეულია.
“ჩვენი უსაფრთხოების გარანტიებს ვხედავთ აფხაზეთში რუსული სახმელეთო, საზღვაო და სხვა დანაყოფების არსებობაში. ჩვენ მიერ გაფორმებული შეთანხმების მიხედვით, აგრესიის შემთხვევაში შეგვიძლია ჩვენი მოკავშირის და სტრატეგიული პარტნიორის მხარდაჭერის იმედი გვქონდეს. ეს პირდაპირ წერია ჩვენს მიერ ხელმოწერილ ხელშეკრულებაში”. – აღნიშნა სერგეი შამბამ.
მისი თქმით, აფხაზეთის ხელისუფლება უსაფრთხოების გარანტიდ მიიჩნევს რუსეთის სახმელეთო და საზღვაო დანაყოფების არსებობას რესპუბლიკის ტერიტორიაზე.
JAMnews-ისა და აფხაზური გაზეთ „ჩეგემსკაია პრავდას“ რედაქტორი ინალ ხაშიგი მიიჩნევს, რომ ეს იქნება მცირე ბაზა, რომელიც არ შეუქმნის დისკომფორტს ადგილობრივ მოსახლეობას და არ გამოიწვევს უარყოფით რეაქციას:
”სავარაუდოდ, ეს იქნება ბაზა რუსეთის საზღვაო ძალების მცირე რაოდენობის გემებისთვის. სისულელეა იმის თქმა, რომ თითქმის მთელი შავი ზღვის ფლოტი, რომელიც ახლა სევასტოპოლში მდებარეობს, აქ გადმოვა.
რაც შეეხება საზოგადოებრივ განწყობას, არ მგონია, რომ ამან რამენაირად გააღიზიანოს ადგილობრივი საზოგადოება, რადგან რუსული ბაზების არსებობა აფხაზეთში დიდი ხანია აღიქმება ადგილობრივი მოსახლეობის მიერ, როგორც საქართველოსთან ახალი ომისგან დაცვის გარანტია.“
სტატია მომზადებულია სოხუმის რედაქციის მიერ და პროექტის პირობების თანახმად, დაბეჭდილია უცვლელად. ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო
