ავარიული სახლები, კანალიზაცია ქუჩაში, უპატრონო ძაღლები - რაზე ჩივის ხალხი საქართველოს რეგიონებში. დაიჯესტი
რა ხდება რეგიონებში
„ეზოში ამოდის, საშინელებაა“ – დაბა ვალეში კანალიზაცია ქუჩაში იღვრება
„ჭიდან ამოდის წყალი და ჩვენი სამზარეულოს და საძინებლის წინ იღვრება. ისეთი სუნია, რომ აქ ცხოვრება და გაჩერება შეუძლებელია. ქალაქის ზედა ნაწილის და სკოლის მთლიანი კანალიზაცია ამ ხაზში გადის. მთელი ბინძური წყალი ჩვენს სახლებთან ამოდის“, – ახალციხის მუნიციპალიტეტში, დაბა ვალეში მცხოვრებლები გამოცემა Sk news-თან ჰყვებიან, რომ უკვე დიდი ხანია ითხოვენ „წყალმომარაგების კომპანიამ“ საკანალიზაციო ქსელი მოაწესრიგოს, მაგრამ უშედეგოდ.
ვრცლად: Sknews.ge
“ძალიან საშიშია აქ ცხოვრება. არ გვძინავს“ – აქცია გორში
“ღამეები არ გვძინავს, განსაკუთრებით მას შემდეგ რაც თურქეთში მიწისძვრა მოხდა. ძალიან საშიშია უკვე აქ ცხოვრობა”, – გორში, კომბინატის დასახლებაში, ყოფილი ნარკოლოგიურის შენობაში მცხოვრებლები ამბობენ, რომ შენობა ავარიულია და იქ ცხოვრება საშიშია.
რადიო „მოზაიკას“ ინფორმაციით, გასულ კვირას, ავარიული შენობის მცხოვრებლებმა სხვა შენობაში გადაყვანის მოთხოვნით საპროტესტო აქციაც გამართეს.
ვრცლად: mozaikanews.ge
„ჯგუფურად დადიან და ბავშვებს უყეფენ“ – ნინოწმინდაში ვეღარ უმკლავდებიან ქუჩის ძაღლებს
ნინოწმინდის ქუჩებში, ბოლო პერიოდში, ქუჩის ძაღლები მომრავლდნენ. ხალხინ ჩივის, რომ შვილების სკოლაში გაშვების ეშინია.
რადიო „ნორთან“ საუბარში ადგილობრივები ამბობენ, რომ ქუჩაში უპატრონოდ ძაღლების მეპატრონეები პატარა ლეკვებს ტოვებენ, ქუჩის ძაღლებიც ამიტომ მომრავლდნენ. ზამთრისა და საკვების არარსებობის გამო კი ისინი განსაკუთრებით აგრესიულები არიან.
ვრცლად: nor.ge
- „დედაჩემი მეჩხუბებოდა, არ მინდა შენი წიგნები, გათხოვდიო”. როგორ ცხოვრობენ საქართველოში მოხუცები
- საქართველოს რეგიონების მოსახლეობის 65 პროცენტს სასმელი წყალი არ მიეწოდება. ეს საქსტატის ოფიციალური მონაცემებია
- თბილისში 892 ოჯახია ოფიციალურად უსახლკაროდ რეგისტრირებული
სამი წელია კარალეთში ვერ დაასრულეს საბავშვო ბაღის რემონტი
გორის მუნიციპალიტეტის სოფელ კარალეთში, #1 საბავშვო ბაღი 3 წელია რემონტდება. ამჟამად სამუშაოები შეჩერებულია. გამოცემა Qartli.ge წერს, რომ ამ ხნის განმავლობაში ორჯერ შეიცვალა მშენებელი კომპანია. დახარჯულმა თანხამ კი თითქმის 168 ათასი ლარი შეადგინა.
ვრცლად: qartli.ge
გურჯაანში შვიდ ბაღს დაანგრევენ
გურჯაანის სოფლებში წელს შვიდ ბაღს დაანგრევენ და მათ ნაცვლად ახალს ააშენებენ. ეს გადაწყვეტილება იმიტომ მიიღეს, რომ ძველი ბაღების შეკეთება უკვე შეუძლებელი იყო.
კომპანიის შესარჩევად, რომელმაც ბაღები უნდა დაანგრიოს, გურჯაანის საკრებულომ უკვე გამოაცხადა აუქციონი.
ვრცლად: speqtri.ge
აისუნი, თურალი, რამიზი, გულჩინი და ელჩინი – რაზე ჩივიან მარნეულელი ახალგაზრდები
“სტადიონზე დავდივარ, მაგრამ სათამაშოდ არა, უბრალოდ სოფელში სხვა ადგილი არაა რომ ახალგაზრდები წავიდეთ”, – უყვება რადიო “მარნეულის” ჟურნალისტს სოფელ ხულდარაში მცხოვრები რამიზ ჰაგვერდიევი.
აისუნი, თურალი, რამიზი, გულჩინი და ელჩინი სოფელ ხულდარაში ცხოვრობენ და რადიოსთან ყვებიან რა პრობლემების წინაშე დგანან სოფლად მცხოვრები ახალგაზრდები.
ვრცლად: marneulifm.ge
ქუთაისში მგზავრობა გაძვირდა
ქუთაისში მგზავრობის ფასი გაიზარდა. მერიის გადაწყვეტილებით, მიკროავტობუსებით მგზავრობის ფასი 10 თეთრით, ხოლო, ავტობუსებით გადაადგილების ფასი 20 თეთრით გაიზარდა. მგზავრობის გაძვირება დიდხანს იყო ქუთაისში განხილვისა და დაპირისპირების თემა.
ვრცლად: ქუთაისიპოსტი
Wood Art – ი ლაგოდეხში – კახელი ახალგაზრდის ბიზნესად ქცეული ჰობი
,,ebay-ზე ვნახე, რომ ხის ფირფიტები ძალიან კარგად იყიდებოდა. მაშინ დავიწყე ფიქრი, რომ მეც გამეკეთებინა“, – ლაგოდეხში მცხოვრები ახალგაზრდა, გიორგი მეტრეველი ხისგან ფირფიტებს, სანათებს და სხვადასხვა სახის დეკორატიულ ნივთებს ამზადებს და ადგილობრივ ბაზარზე ყიდის.
გიორგის ბიზნესად ქცეულ გატაცებაზე გამოცემა “კახეთის ხმა” უყვება მკითხველს.
ვრცლად: knews.ge
რა ხდება რეგიონებში
