რა სიახლეებს გვთავაზობს "საქართველოს ბანკი" განახლებული მობილბანკით
მიუხედავად იმისა, რომ კორონავირუსის გამო შემოღებული შეზღუდვები თანდათან უქმდება, როგორც ჩანს, გარკვეულ წესებთან და ცვლილებებთან შეგუება და ადაპტირება ადამიანებს მომავალში უკვე სამუდამოდ მოუწევს.
პირველ რიგში ეს ციფრულ ტექნოლოგიებზე კიდევ უფრო მეტად დამოკიდებულებაა.
ინტერნეტბანკის ეპოქაში აქამდეც ცოტა ვინმე იდგა ბანკის რიგებში, თუმცა მომავალში დისტანციურ საბანკო სერვისებს კიდევ უფრო მეტი ადამიანი აითვისებს, ბანკები კი, მომხმარებლებს უფრო მეტი კომფორტისთვის ახალ-ახალ, ინოვაციურ პროდუქტებს შესთავაზებენ.
„საქართველოს ბანკმა” მომხმარებლს უკვე შესთავაზა ასეთი ახალი პროდუქტი, რომელსაც ციფრული ბარათი ჰქვია.
რა არის ციფრული ბარათი?
ციფრული ბარათი არის ჩვეულებრივი საბანკო ბარათი, რომელიც ვირტუალურად არსებობს. იგი ფიზიკური ბარათის ალტერნატივაა. მასზე დევს ფული, რომელსაც. თქვენ საჭიროებისამებრ იყენებთ.
როგორ ავიღოთ ციფრული ბარათი?
როგორც კოვიდეპოქას შეეფერება, ციფრული ბარათის ასაღებად არსად წასვლა არ არის საჭირო. ამის გაკეთება სახლიდან შეიძლება.
ბარათს ინტერნეტბანკით ან მობაილბანკით შეუკვეთავთ და იგი წამებშივე გააქტიურდება. მის გამოყენებას მომენტალურად შეძლებთ.
რითი ჯობია ციფრული ბარათი ფიზიკურ ბარათს?
ჯერ ერთი იმით ჯობია, რომ ციფრული ბარათის დასპირტვა, დაქლორვა და გახეხვა არ დაგჭირდებათ. ის ფიზიკურად არ არსებობს, შესაბამისად, არც კორონავირუსის საფრთხეს არ წარმოადგენს.
მეორე – ციფრული ბარათის ასაღებად სახლიდან გასვლა არ გიწევთ.
და მესამე – მისი გამოყენება უკონტაქტოდ შეიძლება და იგი არასოდეს დაგეკარგებათ. რადგან ფიზიკურად არ არსებობს.
როგორ გამოვიყენო იგი?
იმისთვის, რომ ციფრული ბარათი გამოიყენოთ, ერთადერთი რამეა საჭირო – სმარტფონი (ფარნიანი ნოკიით ამას ვერ იზამთ).
ციფრული ბარათის გამოსაყენებლად TSKAPP და Apple Pay -ში დაამატე შენი ციფრული ბარათი.
ამ ბარათით შეგიძლიათ გადაიხადოთ ყველგან – სავაჭრო ობიექტებსა თუ ონლაინშოპინგის დროს ინტერნეტ-მაღაზიებში; ტრანსპორტში.
ასევე შეგიძლიათ გაანაღდოთ თანხა საქართველოს ბანკის ბანკომატში; გააკონვერტიროთ თანხა სხვა ვალუტაში ან გადარიცხოთ და ბარათზე ჩარიცხოთ ფული.
“ინოვაციური ბარათის საშუალებით მომხმარებელი PLUS ქულებსაც აგროვებს”, – ამბობენ “საქართველოს ბანკში”.
შემიძლია, რომ ციფრული ბარათი გავხსნა დოლარის ანგარიშისთვის?
ციფრული ბარათი მულტისავალუტოა, რაც იმას ნიშნავს, რომ შეგიძლიათ გქონდეთ როგორც ლარის, ასევე დოლარის და ევროს ანგარიში. ციფრული ბარათის აღებისას ასევე შეგიძლიათ აირჩიოთ როგორი იქნება თქვენი ვირტუალური ბარათი – VISA თუ MasterCard-ი. ასევე, შეგიძლიათ აარჩიოთ როგორი ტიპის ბარათი გინდათ კლასიკი, გოლდი თუ სხვა.
და ბოლოს – ინტერნეტბანკი ან მობილბანკი თუ არ მაქვს, რა უნდა ვქნა, როგორ შევუკვეთო ციფრული ბარათი?
ინტერნეტბანკის ან მობილბანკის გახსნა ძალიან მარტივია. “საქართველოს ბანკმა” სულ ახლახან კიდევ უფრო გაამარტივა ონლაინ აქტივაცია – ამისათვის ფილიალში მისვლა არ გჭირდებათ.
ონლაინ აქტივაციის გასავლელად მხოლოდ რამდენიმე მარტივი პროცედურის გავლაა საჭირო. დაგჭირდებათ პირადობის მოწმობა ან პასპორტი (თავად გადაწყვიტეთ, რომელი გირჩევნიათ)
შემდეგ უნდა გადაიღოთ სელფი – იღებთ სელფის, ტვირთავთ მობაილბანკის აპლიკაციაში, შემდეგ იდენტიფიკაცია სახით მოხდება.
ეს სიახლე რეგისტრაციის პროცესს მნიშვნელოვნად ამარტივებს. ამის შემდეგ უკვე გექნებათ ინტერნეტბანკი და მობილბანკი და ყველა საბანკო პროდუქტით სარგებლობას შეძლებთ.
ოღონდ, დაიმახსოვრეთ, რომ ამ ეტაპზე აღნიშნული სიახლე ეხება მხოლოდ მათ, ვისაც ერთხელ მაინც უსარგებლია საქართველოს ბანკის პროდუქტებით. თუ საერთოდ არანაირი კონტაქტი არ გქონიათ “საქართველოს ბანკთან”, ონლაინ აქტივაციით ვერ ისარგებლებთ.
სიახლე განსაკუთრებით მნიშვნელოვანია იმითიც რომ, ამ სერვისით სარგებლობას საქართველოს ფარგლებს გარეთ მცხოვრები მოქალაქეებიც შეძლებენ.
ასევე კარგი ამბავია ის, რომ მომხმარებლები საკონტაქტო ინფორმაციის შეცვლასაც სახლიდან გაუსვლელად შეძლებენ. ეს იმას ნიშნავს, რომ თუკი თქვენ არ გქონდათ მითითებული ბანკში საკონტაქტო ნომერი ან ძველი გქონდათ მითითებული, ამას მარტივად გამოასწორებთ – ახალ მონაცემებს დისტანციურად, ბანკში მიუსვლელად განაახლებთ.
