საქართველოს პროკურატურამ კიდევ ხუთ ადამიანს წარუდგინა ბრალი ჟურნალისტებზე თავდასხმისთვის

საქართველოს პროკურატურამ კიდევ ხუთ პირს წარუდგინა ბრალი 5 და 6 ივლისს „თბილისი პრაიდის“ საწინააღმდეგო აქციის დროს მედიის წარმომადფგენლებზე თავდსასხმის გამო.

უწყების ცნობით, ბრალდებულები ტელეკომპანია „მთავარი არხის“, „ტვ პირველისა“ და „პალიტრანიუსის“ ჟურნალისტებისთვის ფიზიკური ძალადობითა და სიტყვიერი შეურაცხყოფით პროფესიული საქმიანობის ხელის შეშლაში არიან ბრალდებულები.

სულ ამ დროისთვის პროკურატურის მიერ, 5 და 6 ივლისს “თბილისი პრაიდის” საწინააღმდეგოდ გამართული აქციის საქმეზე მიმდინარე გამოძიების ფარგლებში, ბრალი რვა ადამიანს წარედგინა.

________________________________________________________

• ნადირობა მედიაზე. პრაიდის საწინააღმდეგო აქციაზე ოცზე მეტი რეპორტიორი მძიმედ დაშავდა
  
• ჰომოფობების ცეკვა პარლამენტთან. ფოტორეპორტაჟი
  
• პრემიერის განცხადების შემდეგ ჰომოფობიურმა ჯგუფებმა ოპოზიციის კარვები დაარბიეს
  

______________________________________________________

ამ ეტაპზე საქმეზე დაზარალებულად ცნობილია 25 პირი, მათ შორის 19 ჟურნალისტი და ოპერატორია.

5 ივლისს თბილისში “ღირსების მარშის” გამართვა იყო დაგეგმილი. აქციის მონაწილეებს თბილისის ცენტრში მსვლელობით უნდა ჩაევლოთ და სოლიდარობა გამოეცხადებინათ ლგბტქ ადამიანებისთვის. თუმცა, პრაიდის საწინააღმდეგოდ გამოსულმა მოძალადე ჯგუფებმა თბილისის სხვადასხვა ნაწილში ძალადობრივი თავდასხმები მოაწყვეს – თავს ესხმოდნენ სამოქალაქო აქტივისტების ოფისებს და მედიის წარმომადგენლებს.

სულ დაშავებულია 55 ადამიანი და აქედან 53 მედიის წარმომადგენელია.