ახალი ამბები, რეპორტაჟი: 14 ოქტომბერს, ყარაბაღში მიმდინარე საბრძოლო მოქმედებები

აზერბაიჯანის პრეზიდენტის თანაშემწემ, ჰიქმეთ გაჯიევმა განაცხადა, რომ სომხეთი ჰუმანიტარული ზავის უხეში დარღვევით, საკუთარი ტერიტორიიდან სარაკეტო დარტყმებს ახორციელებს აზერბაიჯანის დასახლებულ პუნქტებზე.

„ჩვენ გავანეიტრალეთ სამხედრო სამიზნეები, რომლის გამოც, მშვიდობიანი მოსახლეობა იღუპებოდა. ეს ნაბიჯი სრულად შეესაბამება საერთაშორისო კანონებს. ამ კანონების თანახმად, ჩვენ უფლება გვაქვს, უსაფრთხოების უზრუნველყოფისთვის სამხედრო სამიზნეებს დავარტყათ“, – აღნიშნა მან.

„აზერბაიჯანის მამაცმა არმიამ ოკუპაციისგან გაათავისუფლა სოფლები – ყარადაღლი, ხათანბულაგი, ყარაქოლუ – ფუზულის რაიონი; სოფელი ბულუთანი, მელიქჯანი, ქემერთუქი, თექე, თაღასერი – ხოჯავენდის რაიონი. გაუმარჯოს აზერბაიჯანის არმიას! ყარაბაღი აზერბაიჯანია!“, – დაწერა ტვიტერის საკუთარ გვერდზე, აზერბაიჯანის პრეზიდენტმა ილჰამ ალიევმა.

Отважная Азербайджанская армия освободила от оккупации села Гарадаглы, Хатунбулаг, Гараколлу Физулинского района, села Булутан, Меликджанлы, Кемертюк, Теке, Тагасер Ходжавендского района. Да здравствует Азербайджанская армия! Карабах – это Азербайджан!

— Ilham Aliyev (@presidentaz) October 14, 2020

მოსახლეობისადმი მიმართვისას ნიკოლ ფაშინიანმა ასევე განაცხადა, რომ სომხეთის საზღვარზე ივლისის ესკალაციამ აჩვენა აზერბაიჯანის არმიის უუნარობა, სამხედრო გზით გადაჭრას საკითხი:

„ეს ყველასთვის მოულოდნელი იყო, მათ შორის, თურქეთისთვის. ამის შემდეგ დაიწყო მათი ერთობლივი სწავლება. თურქეთმა სირიიდან უპრეცედენტო რაოდენობის დაქირავებული მებრძოლები გადაისროლა რეგიონში, მიხვდა რა, რომ აზერბაიჯანს გამარჯვების მოპოვება არ შეუძლია“.

ყარაბაღის კონფლიქტის შესახებ მოლაპარაკებების პროცესზე საუბრისას, პრემიერმა ხაზი გაუსვა, რომ სომხეთმა უარი თქვა მოლაპარაკებების ფორმულაზე, რომელიც ყარაბაღის თვითგამორკვევის უფლების იგნორირებას ახდენდა:

„გასულ წლებში, ყარაბაღის თემაზე მოლაპარაკებების პროცესმა მიაღია წერტილს, როდესაც, ფაქტობრივად, სომეხი ხალხის წინაშე დააყენეს მოთხოვნა, უარი თქვან საკუთარ უფლებაზე“.

ბაქო 7-დან 5 რაიონის გადაცემას, დანარჩენი ორი რაიონის გადაცემის გრაფიკსა და იმის დაფიქსირებას ითხოვდა, რომ ნებისმიერი სტატუსი უნდა იყოს აზერბაიჯანის შემადგენლობაში. ტერიტორიები უნდა გადაეცეთ მშვიდობის სანაცვლოდ, განაცხადა ფაშინიანმა:

„ჩვენმა მთავრობამ, რომელმაც მემკვიდრეობით მიიღო მოლაპარაკებების ეს ბაზა, უარი თქვა საკითხის ამ ფორმით განხილვაზე, რადგან მიუღებლად მიიჩნია“.

განცხადებაში ასევე ნათქვამია, რომ მოწინააღმდეგე ამ მიმართულებით სამხედრო ავიაციასაც იყენებდა:

„აზერბაიჯანის შეიარაღებული ძალები აგრძელებს ჰუმანიტარული ზავის პირობების დარღვევას, იღებს რა მიზანში მთიანი ყარაბაღის მშვიდობიანი მოსახლეობით დასახლებულ პუნქტებს“.

„მთიან ყარაბაღში მცხოვრებმა სომხებმა არ ინერვიულონ. ჩვენ გადავარჩენთ მათ კრიმინალური ხუნტის რეჟიმისგან და ისინი უკეთესად, კიდევ უფრო უსაფრთხოდ იცხოვრებენ, გაიზრდება მათი კეთილდღეობა“, – განაცხადა აზერბაიჯანის პრეზიდენტმა, ილჰამ ალიევმა თურქულ ტელეკომპანია HaberTürk-ისთვის მიცემულ ინტერვიუში.

ინტერვიუს მთავარი თეზისებს, დღეს ჩვენ ვებგვერდზე წაიკითხავთ.

„მთიან ყარაბაღში, ცეცხლის შეწყვეტის რეჟიმის გასაკონტროლებლად, სამშვიდობოები უნდა განლაგდნენ.

კონფლიქტის მხარეები სასწრაფოდ უნდა შეხვდნენ მებრძოლებს ფრონტის ხაზზე.

ყარაბაღში, პოლიტიკური დარეგულირება შესაძლებელია“, – როგორც „რია ნოვოსტი“ წერს, ამის შესახებ, რუსეთის საგარეო საქმეთა მინისტრმა, სერგეი ლავროვმა განაცხადა.

„დაიჭრა 6 მშვიდობიანი მოქალაქე, ერთი – დაიღუპა. ტერტერი – ეს არის აზერბაიჯანის „სტალინგრადი“ სომხური ნაციზმის წინააღმდეგ ბრძოლაში“, – დასძინა მან.

დღეს დილით, სომხეთის შეიარაღებულმა ძალებმა ინტენსიური სარაკეტო და საარტილერიო დარტყმა მიაყენეს ტერტერის რაიონის ტერიტორიას, ამის შესახებ აზერბაიჯანის გენერალური პროკურატურა იტყობინება.

„დაახლოებით, დილის 9 საათზე, საარტილერიო დაბომბვის შედეგად დაიღუპა ტერტერის რაიონის სოფელ ნარლის მცხოვრები, 1969 წელს დაბადებული ადავათ აჰდუნოვი“, – ნათქვამია უწყების განცხადებაში.

აზერბაიჯანის თავდაცვის სამინისტრომ განაცხადა, რომ განეიტრეალებულია ოპერატიულ-ტაქტიკური სარაკეტო კომპლექსები, რომლებიც მზადყოფნაში იყო მოყვანილი.

„14 ოქტომბერს, დაახლოებით, 01:00 საათისთვის, დაფიქსირდა სომხური მხარის მიერ, ბალისტიკური რაკეტის მქონე, რამდენიმე ოპერატიულ-ტაქტიკური სარაკეტო კომპლექსის გადაადგილება სასტარტო პოზიციებზე, აზერბაიჯანის ოკუპირებულ ქალბაჯარის რაიონის მიმართულებით.

ამ ტერიტორიაზე განთავსებული სარაკეტო კომპლექსები დამიზნებული იყო მშვიდობიან მოსახლეობასა და სამოქალაქო ინფრასტრუქტურაზე განჯაში, მინგეჩაურსა და აზერბაიჯანის სხვა ქალაქებში.

აზერბაიჯანის არმიამ პრევენციული ზომები მიიღო სარაკეტო დარტყმისა და კიდევ ერთი სამხედრო დანაშაულის განმეორების აღსაკვეთად, რომლის მსგავსიც სომხეთმა 11 ოქტომბერს, განჯაში ჩაიდინა.

შედეგად, განეიტრალდა ლეგიტიმური სამხედრო მიზანი, ოპერატიულ-ტაქტიკური სარაკეტო კომპლექსები, რომლებიც ცეცხლის გახსნისთვის იყო მომზადებული.

ვაცხადებთ, რომ ვითარების გამწვავებაზე პასუხისმგებლობა სრულად ეკისრება სომხეთის სამხედრო-პოლიტიკურ რეჟიმს“, – ნათქვამია თავდაცვის უწყების პრესსამსახურის განცხადებაში.

ყარაბაღში, ბრძოლების დაწყებიდან მე-18 დღე

• 10 ოქტომბრის ღამეს, მოსკოვში, მხარეების მიერ გაფორმებული ზავიდან 72 საათი გავიდა. თუმცა, ცეცხლის შეწყვეტის შეთანხმება არ შესრულებულა – ხელმოწერიდან მოყოლებული, მთელი ამ პერიოდის განმავლობაში, გრძელდებოდა სასტიკი ბრძოლები და დასახლებული პუნქტების მასირებული დაბომბვა ორივე მხრიდან. აზერბაიჯანი და სომხეთი ერთმანეთს ადანაშაულებენ ჰუმანიტარული ზავის პირობების დარღვევაში.

• ზავის მიუხედავად მიმდინარე საბრძოლო მოქმედებების გამო, წითელი ჯვრისა და წითელი ნახევარმთვარის საერთაშორისო კომიტეტმა ვერ მოახერხა მხარეებს შორის დაღუპულთა ცხედრების გაცვლის ორგანიზება.

• 13 ოქტომბერსაც გაგრძელდა მხარეების მიერ გაკეთებული ურთიერთსაწინააღმდეგო განცხადებები იმის შესახებ, თუ ვინ აკონტროლებს ყარაბაღში, ქალაქ ჰადრუთს. აზერბაიჯანის თავდაცვის სამინისტრომ ვიდეო გამოაქვეყნა იმის დასამტკიცებლად, რომ ჰადრუთში აზერბაიჯანელი სამხედროები იმყოფებიან. თუმცა, გაირკვა, რომ ის გადაღებულია ქალაქთან ახლოს მდებარე ერთ-ერთ სოფელში.

• სომხეთის საგარეო საქმეთა მინისტრი, ზოგრაბ მნაცაკანიანი მოსკოვში, ეუთოს მინსკის ჯგუფის თანათავმჯდომარეებს (ყარაბაღის კონფლიქტის შესახებ მოლაპარაკებების პროცესის ფასილიტატორი) შეხვდა რუსეთიდან და აშშ-დან. შეხვედრაში ასევე მონაწილეობდა ეუთოს მოქმედი თავმჯდომარის პირადი წარმომადგენელიც. მნაცაკანიანმა განაცხადა, რომ „აზერბაიჯანი მიზანმიმართულად იღებს სამიზნეში მშვიდობიან მოსახლეობასა და სამოქალაქო ინფრასტრუქტურას“ ყარაბაღში.

• აზერბაიჯანის საგარეო საქმეთა მინისტრმა სომეხი კოლეგის ეს განცხადება უარყო. ბაქოს მიაჩნია, რომ ერევანი „საერთაშორისო თანამეგობრობის ყურადღების გადატანას ცდილობს თავისი პრაქტიკული მოქმედებებისგან, რომელიც აზერბაიჯანთან დაკავშირებით სომხეთის აგრესიის შედეგების განმტკიცებას უკავშირდება“.

• ახალი ამბები, ფოტო/ვიდეო ყარაბაღში მიმდინარე საბრძოლო მოქმედებებთან დაკავშირებით – 13 ოქტომბერი, 2020