მოწონების რეიტინგს პატრიარქი ლიდერობს, პოლიტიკურს - ქართული ოცნება და ენმ. IRI-ს ახალი კვლევა
IRI-ს ახალი კვლევა
IRI-მ (საერთაშორისო რესპუბლიკური ინსტიტუტი) გამოაქვეყნა ახალი სოციოლოგიური კვლევა, რომლის მიხედვით, მოწონების რეიტინგს საქართველოს კათოლიკოს-პატრიარქი, ილია მეორე ლიდერობს, ხოლო პარტიულ რეიტინგებს მმართველი პარტია “ქართული ოცნება” და ოპოზიციური “ერთიანი ნაციონალური მოძრაობა.”
IRI-ის დაკვეთით კვლევა ჩატარდა 2022 წლის 13 სექტემბრიდან 2 ოქტომბრამდე პერიოდში. საველე სამუშაოები კომპანია IPM-მა ჩაატარა. მონაცემები შეგროვდა პირისპირ ინტერვიუს მეთოდით რესპონდენტთა სახლებში. მრავალეტაპიანი შემთხვევითი შერჩევის მეთოდით გამოიკითხა 1500 სრულწლოვანი მოქალაქე. ცდომილების ზღვარი +/- 2.5%-ია.
შეკითხვაზე, ამ კვირას რომ საპარლამენტო არჩევნები ტარდებოდეს, რომელ პარტიას მისცემდით ხმას, პასუხები ასე გადანაწილდა:
- ქართული ოცნება – 25%
- ნაციონალური მოძრაობა – 12%
- საქართველოსთვის – 3%
- გირჩი – მეტი თავისუფლება – 3%
- სტრატეგია აღმაშენებელი – 2%
- დროა – 2%
- ლეიბორისტული პარტია – 2%
- ხალხისთვის – 2%
- გირჩი – 2%
- ლელო – 1%
- მოქალაქეები – 1%
- არავის მივცემ ხმას – 6%
- უარი პასუხზე – 7%
შეკითხვაზე, რომელ პარტიას არ მისცემდნენ ხმას არც ერთ შემთხვევაში, პასუხები ასეთია:
- ნაციონალური მოძრაობა – 33%
- ქართული ოცნება – 30%
- პატრიოტთა ალიანსი – 18%
- ალტ-ინფო – 15%
- ევროპული საქართველო – 14%
- გირჩი – მეტი თავისუფლება – 14%
- გირჩი – 14%
- ლეიბორისტული პარტია – 8%
- დროა – 7%
- ლელო – 6%
- მოქალაქეები – 5%
- სტრატეგია აღმაშენებელი – 5%
- საქართველოსთვის – 4%
- რესპუბლიკელები – 2%
(IRI) საზოგადოებრივი აზრის კვლევის მიხედვით, მოწონების რეიტინგში პირველ ადგილს საქართველოს პატრიარქი ილია მეორე იკავებს – 88%-ით. პატრიარქის შემდეგ, გამოკითხულთა 51%-სთვის ყველაზე მოსაწონი საზოგადო ფიგურა თბილისის მერი კახა კალაძეა.
აღსანიშნავია, რომ კვლევა ჩატარდა ვაკის პარკში მომხდარ ტრაგედიამდე.
მოწონების სრული რეიტინგი ასე გამოიყურება:
- ილია მეორე – 88%
- კახა კალაძე – 51%
- ირაკლი ღარიბაშვილი – 44%
- ანა დოლიძე – 40%
- სალომე ზურაბიშვილი – 38%
- დავით უსუფაშვილი – 38%
- ნინო ლომჯარია – 38%
- გიორგი გახარია – 37%
- გიორგი ვაშაძე – 37%
- ბიძინა ივანიშვილი – 36%
- ირაკლი კობახიძე – 34%
- ელენე ხოშტარია – 33%
- მიხეილ სააკაშვილი – 33%
- შალვა ნათელაშვილი – 33%
- ნიკა მელია – 32%
- ხატია დეკანოიძე – 31%
- ალეკო ელისაშვილი – 30%
- მამუკა ხაზარაძე – 29%
- შალვა პაპუაშვილი – 28%
- ზურაბ გირჩი ჯაფარიძე – 26%
- ბადრი ჯაფარიძე – 23%
- გიგა ბოკერია – 17%
- ხათუნა სამნიძე – 15%
კვლევის თანახმად, მოსახლეობის 62% მიიჩნევს, რომ ქვეყანა არასწორი მიმართულებით ვითარდება.
შეკითხვაზე, როგორ ფიქრობთ, ქვეყანა სწორი მიმართულებით ვითარდება თუ არასწორით, პასუხები ასე გადანაწილდა:
- არასწორი – 62%
- სწორი – 30%
- არ ვიცი/უარი პასუხზე – 8%
კვლევის თანახმად, გამოკითხული მოსახლეობის 51%-ს საქართველოსთვის ყველაზე მნიშვნელოვან პოლიტიკურ პარტნიორად ევროკავშირი მიაჩნია, 47%-ს კი – ამერიკის შეერთებული შტატები.
ევროკავშირისა და აშშ-ის შემდეგ არიან უკრაინა (24%) და თურქეთი (16%), მეხუთე ადგილს კი აზერბაიჯანი იკავებს (14%). შემდეგ მოდიან:
- დიდი ბრიტანეთი – 11%
- რუსეთი – 7%
- სომხეთი – 6%
- ჩინეთი- 3%
7%-ს მიაჩნია, რომ საქართველოსთვის არცერთი ქვეყანა არ არის მნიშვნელოვანი პარტნიორი, 5%-ს კი პასუხი არ აქვს/არ იცის.
ამავე კვლევით გამოკითხულთა 89% ქვეყნისთვის ყველაზე დიდ საფრთხედ რუსეთს ასახელებს.
კითხვაზე – რომელი ქვეყანაა საქართველოსთვის ყველაზე მნიშვნელოვანი ეკონომიკური პარტნიორი, პროცენტები ასე გადანაწილდა:
- ევროკავშირი – 48%
- აშშ – 43%
- თურქეთი 28%
- უკრაინა – 19%
- აზერბაიჯანი – 18%
მოსახლეობის 80% ამ შემთხვევაშიც მიიჩნევს, რომ საქართველოს ეკონომიკისთვის ყველაზე დიდ საფრთხეს რუსეთი წარმოადგენს.
მოსახლეობის 64% საქართველოს NATO-ში გაწევრიანებას მხარს სრულად უჭერს, მხოლოდ 14%-ია კატეგორიულად წინააღმდეგი.
IRI-ის კვლევის მიხედვით, მოსახლეობის 5% ნაწილობრივ ეწინააღმდეგება ალიანსში გაწევრიანებას, 5%-ს კი კითხვაზე პასუხი არ აქვს.
ქვეყნის მოსახლეობის უმრავლესობა ქვეყნის უმნიშვნელოვანეს პრობლემად უმუშევრობას (41%), მაღალ ფასებს (18%) და სიღარიბეს (7%) მიიჩნევს.
ამავე კვლევის მიხედვით, გამოკითხული მოსახლეობის 52% ვადამდელი საპარლამენტო არჩევნების ჩატარებას სრულად ან ნაწილობრივ მხარს უჭერს. 42% სრულად ან ნაწილობრივ ეწინააღმდეგება ვადამდელი არჩევნების ჩატარებას, ხოლო 6%-ს კითხვაზე პასუხის არ აქვს.
კითხვაზე, როდესაც ფიქრობთ ევროპულ ღირებულებაზე, რას გულისხმობთ, რა გაფიქრდებათ პირველ რიგში?
გამოკითხულთა 9% ამბობს, რომ როდესაც ფიქრობს ევროპულ ღირებულებაზე, პირველ რიგში თავისუფლებას გულისხმობს.
6% განვითარებულ ეკონომიკაზე ფიქრობს, დემოკრატია მხოლოდ 6%-ს აფიქრდება.
5%-ადამიანის უფლებების დაცვაზე ფიქრობს. გამოკითხულთა ნახევარს, ანუ 50%-ს ამ კითხვაზე პასუხი საერთოდ არ აქვს.
კვლევის თანახმად, მოსახლეობის მესამედზე მეტს, 36%-ს ევროკავშირის 12 პუნქტის შესახებ არ გაუგია.
მოსახლეობის 24%-ს 12 პუნქტის შესახებ გაუგია, თუმცა არ იცის, რის შესახებაა. მხოლოდ 37%-ს აქვს ინფორმაცია როგორც ევროკავშირის 12 პუნქტზე, ასევე მის შინაარსზე.
IRI-ის საზოგადოებრივი კვლევის თანახმად, მოსახლეობის 72% სურს, მომავალ არჩევნებში ახალი პოლიტიკური პარტიები იხილოს.
22% კმაყოფილია პოლიტიკური პარტიების ამჟამინდელი არჩევანით, 7%-მა კი პასუხის გაცემა არ ისურვა.
კვლევიდან ვიგებთ, რომ 42%-მდე გაიზარდა მათი რიცხვი, ვის ინტერესებსაც არცერთი პარტია გამოხატავს. ეს მონაცემი მარტში 31% იყო.
გამოკითხულთა 24% პასუხობს, რომ არსებობს სულ მცირე ერთი პარტია, რომელიც მის ინტერესებს სრულად გამოხატავს, 32%-ის თქმით კი, არის ერთი პარტია მაინც, რომელიც მეტ-ნაკლებად გამოხატავს მის ინტერესებს.
კვლევის შედეგების მიხედვით, კითხვაზე, ჩამოთვლილი ინსტიტუტებიდან და ორგანიზაციებიდან რომელი მოსწონთ ყველაზე მეტად, მოსახლეობის 74% ჯარს ასახელებს (20%-ს არ მოსწონს), 68% საქართველოს საპატრიარქოს (23%-ს არ მოსწონს), პოლიციას 63% (34%-ს არ მოსწონს), ადგილობრივი თვითმმართველობის ორგანოებს 59% (38%-ს არ მოსწონს), ხოლო ქართულ მედიას – 55% (40%-ს არ მოსწონს).
მარტში ჩატარებული კვლევის მიხედვით, ქართული ჯარი გამოკითხულთა 84%-ს მოსწონდა, ხოლო ეკლესია – 81%-ს.
IRI-ს დაკვეთით ჩატარებული კვლევის მიხედვით, ბოლო 10 წელში საქართველოში ოპტიმიზმის დონე ყველაზე დაბალია.
კითხვაზე, თუ როგორ შეაფასებდნენ საქართველოს მოსახლეობის განწყობას, გამოკითხულთა 47%-მა თქვა რომ ოპტიმისტურად, 38%-მა ნეიტრალურად, 15%-მა კი – პესიმისტურად.
ოპტიმიზმის დონე, აქამდე არსებული მაქსიმუმიდან (92%, 2012-2013 წლები) ჩამოსულია 47%-მდე.
