მოსაზრება ბაქოდან: საქართველოში ჩატარებული "გეოპოლიტიკური“ არჩევნების შედეგები მთელ რეგიონზე აისახება
საპარლამენტო არჩევნები საქართველოსა და აზერბაიჯანში
საქართველოშო გადამწყვეტ საპარლამენტო არჩევნებამდე სულ რამდენიმე დღე დარჩა. 26 ოქტომბერს დაგეგმილ არჩევნებში გაირკვევა არა მხოლოდ რა ძალები შექმნიან ახალ მთავრობას, არამედ გააგრძელებს თუ არა ქვეყანა ევროინტეგრაციის იმ კურსს, რომლის ერთგული იყო ამდენი წელი.
ამ არჩევნების შედეგები ასევე იმოქმედებს მთელ რეგიონზე, მათ შორის აზერბაიჯანზე.
სამხრეთ კავკასიის კვლევითი ცენტრის (CSSC) ანალიტიკოსები მიიჩნევენ რომ აზერბაიჯანმა და თურქეთმა უნდა გააძლიერონ თანამშრომლობა საქართველოსთან სამმხრივ ფორმატში და დაეხმარონ მას ამ ქვეყნისთვის შესაძლო საფრთხეების თავიდან არიდებაში.
JAMnews-ის აზერბაიჯანული რედაქცია წარმოგიდგენთ სამხრეთ კავკასიის კვლევითი ცენტრის (CSSC) ანალიზს საქართველოში მოახლოებულ არჩევნებზე:
„საქართველოში მოახლოებული საპარლამენტო არჩევნები უკვე ხასიათდება როგორც „გეოპოლიტიკური არჩევნები“. ვინაიდან საგარეო პოლიტიკური ვექტორი გახდა საარჩევნო დისკურსში განხილვის მთავარი თემა და ამჟამად საფუძვლად უდევს საზოგადოებაში არსებულ პოლარიზაციას.
რა თქმა უნდა, არსებულ ვითარებაზე პასუხისმგებლობა უპირველეს ყოვლისა ეკისრება ქვეყნის ხელისუფლებას, როგორც წინას, ისე ახლანდელს. იმიტომ, რომ საქართველოში ტრადიციულად არ არსებობდა საკმარისი დაბრკოლებები საგარეო ძალების საშინაო საქმეებში ჩარევისთვის. სწორედ ამ ძალების მოქმედების შედეგად დღეს ქართულ საზოგადოებაში არის სერიოზული უთანხმოება ქვეყნის შემდგომ განვითარებასთან დაკავშირებით.
თითქმის ორი ათწლეულის განმავლობაში სამხრეთ კავკასიაში გეოპოლიტიკური სტატუს კვო დამყარდა – საქართველომ გაააღრმავა თანამშრომლობა ევროკავშირთან და ნატოსთა
რუსეთთან სტრატეგიული ალიანსის პირობების შესაბამისად, სომხეთი ორიენტირებულია ინტეგრაციაზე ისეთ ინსტიტუტებში, როგორიცაა CSTO და EAEU. აზერბაიჯანი, როგორც არაკავშირების მოძრაობის ერთ-ერთი წამყვანი წევრი, ყოველთვის ამჯობინებდა დამოუკიდებელი პოლიტიკის გატარებას.
თუმცა, ბოლო ორი წლის განმავლობაში რეგიონში გეოპოლიტიკური სტატუს კვო გლობალურმა პროცესებმა ჩაშალა. სომხეთის ურთიერთობა რუსეთთან და საქართველოს ურთიერთობა დასავლეთთან გაუარესდა.
მეორე მხრივ, უკრაინის კონფლიქტის დაწყების შემდეგ გაიზარდა საერთაშორისო მოთამაშეების ყურადღება სამხრეთ კავკასიის მიმართ. როგორც რეგიონულმა მეზობლებმა, ისე გლობალურმა ძალოვანმა ცენტრებმა მკაფიოდ გამოხატეს თავიანთი განზრახვა მონაწილეობა მიიღონ სამხრეთ კავკასიის ტრანსფორმაციაში.
ყველა ამ პროცესის ფონზე, სამმხრივი თანამშრომლობა აზერბაიჯანს, თურქეთსა და საქართველოს შორის უკვე ჩამოყალიბდა, როგორც თანამშრომლობის ყველაზე სტაბილური ფორმატი რეგიონში.
ამ თანამშრომლობის საფუძველს მხარს უჭერს ფართომასშტაბიანი ეკონომიკური პროექტები. სამ ქვეყანას შორის არსებული თანამშრომლობა ეფუძნება თანაბარი “პარტნიორობის, ორმხრივი სარგებლისა და საერთო სარგებლის პრინციპებს.”
ამ მიზეზების გამო, ამ ფორმატს დღეს უდიდესი წონა აქვს სამხრეთ კავკასიის გეოპოლიტიკური მნიშვნელობის გაგებაში.
ასეთ პირობებში აზერბაიჯანისთვისაც ძალიან მნიშვნელოვანია საქართველოში არსებული მდგომარეობა.
აზერბაიჯანი-თურქეთი-საქართველოს სამმხრივი თანამშრომლობის ფორმატის ეფექტურობის ძირითადი მიზეზებია ის, რომ ერთობლივი ქმედებები ეფუძნება სამივე სახელმწიფოს დამოუკიდებელ ნაბიჯებს, ეროვნული ინტერესებიდან გამომდინარე და ბუნებრივი საჭიროებებიდან გამომდინარე.
ამ მხრივ მნიშვნელოვანია, რომ ახალი მთავრობა, რომელიც საქართველოში საპარლამენტო არჩევნების შემდეგ შეიქმნება, ამ კრიტერიუმებს აკმაყოფილებდეს.
ყველაზე არასასურველ სცენარებს შორისაა ოფიციალური თბილისის მოხვედრა უცხო ძალის გავლენის ქვეშ და საქართველოს ტერიტორიის გეოპოლიტიკური ძალაუფლების ცენტრების ბრძოლის ველად გადაქცევა.
ამ შემთხვევაში, მიუხედავად არჩევნების შედეგებისა და თუ რა ძალები მოვიდნენ ხელისუფლებაში, აზერბაიჯანმა და თურქეთმა უნდა გააძლიერონ თანამშრომლობა საქართველოსთან სამმხრივ ფორმატში და დაეხმარონ მას ამ ქვეყნისთვის შესაძლო საფრთხეების თავიდან აცილებაში.
