გერმანიის, საფრანგეთის და იტალიის ლიდერები მატარებელში ჩასხდნენ და კიევში გაემგზავრნენ. ფოტო

მატარებლით კიევში

ომის დაწყებიდან პირველად უკრაინაში იტალიის, გერმანიის და საფრანგეთის ლიდერები ჩავიდნენ.

იტალიის პრემიერ მინისტრი მარიო დრაგი, საფრანგეთის პრეზიდენტი ემანუელ მაკრონი და გერმანიის კანცლერი ოლაფ შოლცი ვარშავიდან კიევისკენ უკრაინის რკინიგზის დიპლომატიური მატარებლით გაემგზავრნენ.

16 ივნისს დილით იტალიური გაზეთი La Reppublica წერდა, რომ მათ უკვე გადაკვეთეს პოლონეთ-უკრაინის საზღვარი.

მატარებკლის ვაგონში გადაღებულ სამი ქვეყნის ლიდერის ერთობლივ ფოტოს იტალიის მთავრობის პრესსამსახური ავრცელებს.

დრაგი, მაკრონი და შოლცი კიევში უკრაინის პრეზიდენტს, ვოლოდიმირ ზელენსკის შეხვდებიან. დაგეგმილია ასევე მათი ჩასვლა ირპენში.

იტალიური გამოცემის Rai News-ის ცნობით, ამ ვიზიტს განსაკუთრებული მნიშვნელობა აქვს მაშინ, როდესაც სულ რამდენიმე დღეა დარჩენილი იქამდე, ვიდრე ცნობილი გახდება მიანიჭებს თუ არა ევროკავშირი უკრაინას კანდიდატის სტატუსს. იტალიური მედიის ინფორმაციით, ლიდერების უკრაინაში ჩასვლა პოზიტიური სიგნალია და იმის მანიშნებელია, რომ გადაწვეტილებას უკრაინის სასარგებლოდ მიიღებენ.

უკრაინამ, საქართველომ და მოლდოვამ მარტში შეიტანეს განაცხადი ევროკავშირის წევრობის კანდიდატის სტატუსის თხოვნის შესახებ.

ევროკომისია ამ საკითხზე რეკომენდაციას ხვალ – 17 ივნისს გასცემს. შემდეგ კი, 23-24 ივნისს ევროპის საბჭო გამოაცხადებს საბოლოო გადაწვეტილებას. ვრცელდება ინფორმაცია, რომ უკრაინა მიირებს სტატუსს. რა ბედი ეწევა საქართველოს, ჯერჯერობით გაურკვეველია.