კომენტარი: რუსული მობილიზაცია და აფხაზეთი - რას უნდა ველოდოთ
შესაძლებელია თუ არა აფხაზეთში მობილიზაცია
კრემლი განიხილავს უკრაინასთან ომისთვის არა მხოლოდ რუსების, არამედ აფხაზეთისა და სამხრეთ ოსეთის მოქალაქეების – განსაკუთრებით მათ, ვისაც ასევე რუსეთის მოქალაქეობა აქვთ – მობილიზების შესაძლებლობას. მსგავს მესიჯებს რუსული მედია ავრცელებს. ამის შესახებ წერს Meduza-ც, რუსეთის პრეზიდენტის ადმინისტრაციასთან დაახლოებულ წყაროებზე დაყრდნობით.
JAMnews-ის აფხაზეთის რედაქტორი ინალ ხაშიგი მიიჩნევს, რომ ასეთი შესაძლებლობა არ არსებობს.
ჩემთვის ეს ცოტა უცნაური ინფორმაციაა: თუ საუბარია რუსეთის მოქალაქეებზე, რომლებიც მუდმივად ცხოვრობენ ამ ორ ტერიტორიაზე, მაშინ, რუსეთის თავდაცვის სამინისტროს განმარტებით, ნაწილობრივი მობილიზაცია არ ვრცელდება მათზე
მაგრამ აფხაზები (ოსებზე თავს ვერ დავდებ) რომც გაეწვიათ, ამის ტექნიკურად განხორციელება თითქმის შეუძლებელი ამოცანაა.
რუსეთის სამხედრო კომისარიატებს აფხაზეთში პოტენციური წვევამდელების შესახებ ინფორმაცია არ აქვთ
არც ერთი მათგანი არ არის რეგისტრირებული რუსეთის არც ერთ სამხედრო კომისარიატში. და მაშინ ჩნდება კითხვა: ვის გაიწვევენ და ვინ გაიწვევს?
კარგით, ვთქვათ არსებობს სამხედრო აღრიცხვისა და გაწვევის სამსახური, რომელსაც აქვს აფხაზეთში მუდმივად მცხოვრები და რუსული პასპორტის მქონე აფხაზების სია. ვთქვათ სია არსებობს, მაგრამ ჰიპოთეტური წვევამდელის შესახებ ინფორმაცია აბსოლუტურად არ არის. და ეს, ალბათ, ყველაზე მთავარია ამ საქმეში, ვინაიდან წვევამდელის პირადი საქმეების გაცნობის გარეშე მისი გამოძახება არ შეიძლება.
ბოლოს და ბოლოს, მას შეიძლება არ ჰქონდეს სამხედრო გამოცდილება ან იყოს შშმ პირი, ან ხუთი მცირეწლოვანი შვილის მამა – ანუ არ დაექვემდებაროს მოსკოვის მიერ გამოცხადებულ ნაწილობრივი მობილიზაციის კრიტერიუმებს.
ვთქვათ, გადაწყდა დღის წესრიგის გაუთვალისწინებლად გაწვევა, აქ ჩნდება კიდევ ერთი თავსატეხი – როგორ გადავიტანოთ იგი სხვა სახელმწიფოს ტერიტორიაზე?
ვერანაირად ვერ გადავიტანთ.
განვიხილოთ კიდევ ერთი ვარიანტი.
- “ყოველ მესამე მანქანას Z ასო აქვს მიწებებული” – რუსეთის მოქალაქე ყვება რა გზა გამოიარა მოსკოვიდან თბილისში ლარსის გავლით
- მასობრივი პროტესტი მობილიზაციის წინააღმდეგ დაღესტანში
- მოსაზრება: მობილიზაცია რუსეთში. დაეხმარება ის პუტინს?
თუ კრემლი აფხაზეთის ხელისუფლებასთან მოილაპარაკებს,
შესაძლებელია თუ არა აფხაზეთში მობილიზაცია?
შესაძლებელია თუ არა აფხაზეთში მობილიზაცია
დავუშვათ, კრემლი ეთანხმება სოხუმს, რომ აფხაზეთი, როგორც მოკავშირე, აცხადებს მობილიზაციას უკრაინის ფრონტზე ჯარისკაცების შემდგომი გაგზავნისთვის.
ამ შემთხვევაში რესპუბლიკის მცხოვრებელს აღარ სჭირდება რუსული პასპორტი – მთავარია იყოს აფხაზეთის მოქალაქე. შემდეგ კი სამხედრო აღრიცხვისა და გაწვევის ოფისებს შეუძლიათ დაალაგონ მთელი არსებული მონაცემთა ბაზა და გასცენ გაწვევები მათთვის, ვინც აკმაყოფილებს აუცილებელ კრიტერიუმებს.
იურიდიულად, ეს ვარიანტი უნაკლოა.
თუმცა, გასათვალისწინებელია აფხაზეთის სახელმწიფო სისტემის სპეციფიკა მისი ორგანული დემოკრატიით და აფხაზი ხალხის ფსიქიკური მახასიათებლები, სადაც ყველა თავის თავის პატრონია.
ხელისუფლების მიერ მობილიზაციის გამოცხადება, მხოლოდ პრობლემებს შეუქმნის ხელისუფლებას.
აფხაზები უკრაინის ომში ძირითადად რუსეთს უჭერენ მხარს. რამდენიმე ასეული მებრძოლი დარჩა კიდეც საბრძოლველად, როგორც მოხალისე. ჰიპოთეტურად ბევრს შეუძლია გააკეთოს იგივე, მაგრამ თუ სახელმწიფო ოფიციალურად გამოიძახებს მოქალაქეებს, ვფიქრობ, ამას საპირისპირო ეფექტი ექნება.
აფხაზები დღის წესრიგის მიხედვით არ მიდიან ომში. ჯერ კიდევ 1990-იანი წლების დასაწყისში, ქართულ-აფხაზური ომის დროს, სამხედრო აღრიცხვისა და გაწვევის ოფისები არ იძახებდნენ მოხალისეებს. ყველა, ვინც ამ ომში აფხაზური მხრიდან მონაწილეობდა, თავისი ნებით ჩაერთო ომში.
„მეორე ფრონტი“ და ქართულ-აფხაზური კონფლიქტი
არის კიდევ ერთი მომენტი, რატომაც არაფერი გამოვა მობილიზაციისგან – აფხაზეთს კვლავ მოუგვარებელი აქვს ქართულ-აფხაზური კონფლიქტი. უკრაინის ხელმძღვანელობის მიმართვა თბილისისადმი რუსეთის საპასუხოდ, აფხაზეთსა და სამხრეთ ოსეთში „მეორე ფრონტის“ გახსნის თაობაზე, არა მარტო ქართველებმა, არამედ აფხაზებმაც გაიგონეს.
რესპუბლიკაში სერიოზულად განიხილავენ ახალი აგრესიის შესაძლებლობას. და, ბუნებრივია, ასეთი საფრთხის დროს, აქ საჭიროა სამშობლოს დამცველები იყვნენ ადგილზე – თვით აფხაზების მცირერიცხოვნობითაც კი. ნაკლებად სავარაუდოა, რომ ვინმემ გაბედოს დონბასში საბრძოლველად წასვლა, თუ დარწმუნებული არ არის, რომ მის არყოფნაში სახლში ყველაფერი მშვიდადაა.
ღმერთმა ნუ ქნას და თუ „მეორე ფრონტის“ ვარიანტი მართლა განხორციელდა, აფხაზეთში სამხედრო მოსამსახურეებს არავინ გამოიძახებს. აქ ასეთია ტრადიციაა – სამშობლოს დაცვა კეთილი ნებით.
სტატია მომზადებულია სოხუმის რედაქციის მიერ და პროექტის პირობების თანახმად, დაბეჭდილია უცვლელად.ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო
