მთავრობის ნებართვის გარეშე უცხოური გრანტის მიღება აიკრძალა - ერთპარტიულ პარლამენტში კანონპროექტი მიიღეს

გრანტების შესახებ კანონი

საქართველოს ერთპარტიული პარლამენტის პლენარულ სხდომაზე რეჟიმის ნებართვის გარეშე უცხოური გრანტის მიღების აკრძალვას მესამე მოსმენით დაუჭირეს მხარი. კანონპროექტის მომხრე 82 დეპუტატი იყო, წინააღმდეგი კი არცერთი.

კანონპროექტს დაჩქარებული წესით განიხილავდნენ.

საბა ბრაჭველი: ერთ კვირაში ოცნება ნებართვის გარეშე ადამიანების უსასყიდლო დახმარებას აკრძალავს

“ათიოდე დღეში მთავრობა გადაუწყვეტს გაეროს, ევროსაბჭოს და სხვებს, ვის მისცენ გრანტი და ვის არა”

ინიცირებული ცვლილებების თანახმად, უცხოური გრანტის მიღებას მთავრობის ან მთავრობის მიერ განსაზღვრული უფლებამოსილი პირის თანხმობა დასჭირდება – თანხმობის გარეშე გაცემული გრანტის მიღება აკრძალული იქნება და პასუხისმგებლობის დაკისრებას გამოიწვევს.

მონიტორინგს ანტიკორუფციული ბიურო განახორციელებს, ხოლო დარღვევის შემთხვევაში მიმღები დაჯარიმდება ორმაგი ოდენობით.

კანონპროექტის მიხედვით, მთავრობის მიერ გრანტის გაცემის თაობაზე თანხმობის გაცხადებისთვის 10-დღიანი ვადა განისაზღვრება. მთავრობის გადაწყვეტილების გასაჩივრება მის მოქმედებას არ გააჩერებს.

კომენტარი: FARA არასამთავრობო სექტორს საერთოდ არ გვეხება, ხოლო თუ ჩვენს წინააღმდეგ გამოიყენებენ, მაშინ ეს იქნება "ივანიშვილის ფარა“

ნინო დოლიძე: “ივანიშვილისთვის სამოქალაქო საზოგადოება ქვეყანაში წარმოადგენს პრობლემას”