საქართველოს სახალხო დამცველმა ლევან იოსელიანმა 7 თებერვალს აღსრულების ეროვნულ ბიუროს მიმართა წინადადებით, რომ ზამთრის განმავლობაში შეიზღუდოს იმ პირთა გამოსახლების პროცესი, რომლებიც ერთადერთ საცხოვრებელს კარგავენ.
სახალხო დამცველის აპარატის ცნობით, ომბუდსმენი თავის მიმართვაში დაეყრდნო გაეროს ეკონომიკური, სოციალური და კულტურული უფლებების შესახებ საერთაშორისო პაქტისა და ევროპის სოციალური ქარტიის კომიტეტების განმარტებებს, ზოგად კომენტარებს და “საუკეთესო პრაქტიკას”.
“სახალხო დამცველმა განსაკუთრებული ყურადღება გაამახვილა ქვეყანაში არსებულ სოციალურ-ეკონომიკურ ფონზე, რომელთა მხედველობაში მიღებითაც უნდა განხორციელდეს საქართველოს კონსტიტუციაში განმტკიცებული პრინციპებისა და უფლებების ინტერპრეტაცია. ამ თვალსაზრისით, მნიშვნელოვანია გამოსახლების პროცედურამ უზრუნველყოს საპირისპირო ინტერესთა სამართლიანი ბალანსი და ხელი არ შეუწყოს გამოსასახლებელ პირთა განსაკუთრებით მოწყვლად მდგომარეობაში ჩავარდნას.” – აღნიშნულია ინფორმაციაში.
სახალხო დამცველმა განსაკუთრებული ყურადღება გაამახვილა ქვეყანაში არსებულ სოციალურ-ეკონომიკურ ფონზე, რომელთა მხედველობაში მიღებითაც უნდა განხორციელდეს საქართველოს კონსტიტუციაში განმტკიცებული პრინციპებისა და უფლებების ინტერპრეტაცია. ომბუდსმენის ოფისის ცნობით, ამ თვალსაზრისით, მნიშვნელოვანია გამოსახლების პროცედურამ უზრუნველყოს საპირისპირო ინტერესთა სამართლიანი ბალანსი და ხელი არ შეუწყოს გამოსასახლებელ პირთა განსაკუთრებით მოწყვლად მდგომარეობაში ჩავარდნას.
გამოსახლებებსთან დაკავშირებული პროტესტი 24 იანვარს კეკელიძის ქუჩაზე დაიწყო, სადაც ოცი ადამიანი დააკავეს. აღსრულების ბიუროს თანამშრომლებმა ფინანსური დავალიანების გამო საკუთარი სახლიდან ხატიაშვილების ოჯახი გამოასახლეს.
სახლთან რამდენიმე ათეული ადამიანი მივიდა – ახლობლები, აქტივისტები, რიგითი გულშემატკივრები, რომლებმაც გამოსახლების შესახებ ფეისბუკით შეიტყვეს. შეკრებილები ცდილობდნენ წინააღმდეგობა გაეწიათ სამართალდამცავებისთვის, რომლებიც ბინაში შესვლას, იქედან ხატიაშვილების ოჯახის ავეჯის, ნივთების გამოტანას და ოჯახის წევრების გამოყვანას ცდილობდნენ.
აღსრულების პოლიცია ბინაში შესვლას ორ საათზე მეტხანს ცდილობდა. მათ შედუღებული დახვდათ როგორც ბინაში, ისე სადარბაზოში შესასვლელი კარები. ბინაში შესვლაში მათ დაეხმარათ საპატრულო პოლიცია და საგანგებო სიტუაციების მართვის სამსახურის ტექნიკა და თანამშრომლები. საბოლოოდ, სამართალდამცავებმა ძალის გამოყენებით დაატოვებინეს ოჯახს ბინა და მოახერხეს გასახლების პროცესის ბოლომდე მიყვანა.
კეკელიძის ქუჩაზე პროტესტის დროს სამართალდაცავებმა ლექტორები – გიორგი ხასაია და აკაკი ჩიქობავა დააპატიმრებს, რომლებიც რამდენიმე დღის შემდეგ, გირაოს სანაცვლოდ გაათავისუფლეს. ხასაიას და ჩიქობავას სახელწმიფო ქონების დაზიანებას ედავებიან.
24 იანვარს დადიანის ქუჩაზე კაკიაშვილების ოჯახის გამოსახლების პროცესი იყო ჩანიშნული, თუმცა გადაიდო. აღსრულების ბიურომ ოჯახს რამდენიმეთვიანი ვადა მისცა, რათა სესხის გადახდა შეძლონ.
