ფრედერიკ სტარი: პუტინი იმაზე მალე წავა, ვიდრე გვგონია და როგორც კი ეს მოხდება, ბატონი ივანიშვილიც წავა 

ფრედერიკ სტარის მოსაზრება

ის [პუტინი] იმაზე მალე წავა, ვიდრე გვგონია და როგორც კი ეს მოხდება ბატონი ივანიშვილიც წავა – მიუხედავად იმისა, რომ მან ფული რუსეთიდან გამოიტანა – და საქართველოში მთელი სიტუაცია შეიცვლება – ამის შესახებ განაცხადა ცენტრალური აზია-კავკასიის ინსტიტუტის დამფუძნებელმა თავმჯდომარემ, ამერიკელმა ავტორმა ფრედერიკ სტარმა აშშ-ს სენატში ევროპისა და რეგიონული უსაფრთხოების თანამშრომლობის ქვეკომიტეტის წინაშე ჩვენების მიცემისას.

მოსაზრება: "ოცნება" არის საქართველოს დამოუკიდებლობის ისტორიაში ყველაზე ცუდი ხელისუფლება

გიორგი შაიშმელაშვილი: “შევარდნაძეს და მის პატარა ოლიგარქებს არც კი დაესიზმრებოდათ სახელმწიფო რესურსების ასეთი მასშტაბით მიტაცება”

აშშ-ს სენატის საგარეო საქმეთა კომიტეტში გამართული განხილვა შავი ზღვის რეგიონში აშშ-ს სამომავლო სტრატეგიის საკითხს ეხებოდა.

ფრედერიკ სტარი: “პირველ რიგში, ჩემი პატივისცემა ქართველებს იმისთვის, რასაც მათ მიაღწიეს დამოუკიდებლობიდან ათწლეულების შემდეგ. ეს არ ყოფილა მარტივი გზა. გაიხსენეთ, რომ პუტინი მათ თავს დაესხა 2008-ში და ჩვენ თითქმის არაფერი გავაკეთეთ. ამ უყურადღებობით ჩვენი ავტორიტეტი იქ დაკნინდა ისევე როგორც უკრაინაში დაკნინდა ჩვენი უმოქმედობით მას შემდეგ, რაც პუტინმა უკრაინა მოიპარა 2014-ში.

მაგრამ, ზოგადად, მიმაჩნია, რომ ჩვენ ოდნავ ოპტიმისტურები შეგვიძლია ვიყოთ საქართველოსთან მიმართებით ვიდრე ეს თქვენს შეკითხვაში იგულისხმება.

ციხე, ემიგრაცია, საავადმყოფო – როგორ ანადგურებს ივანიშვილი საკუთარ გარემოცვას

ამ სტატიში ვიხსენებთ მათ, ვინც ერთ დროს ივანიშვილის გვერდით იდგა, ახლა კი მისი მტრების სიაშია

რატომ ვამბობ ამას? პუტინი არ არის ხანგრძლივი ფიგურა, ეს დასრულებულია. ზუსტად როდის და როგორ დასრულდება… ეს დასრულდა. მას არ გააჩნია რესურსები, მას არ აქვს ადამიანური რესურსი, მას აღარ აქვს ექსპორტი, რომელიც წარსულში ჰქონდა და მას ჰყავს საზოგადოება, რომელიც ღრმად გაუცხოებულია არა ომის მიერ, არამედ ეკონომიკური გაჭირვების გამო, რასაც ახლა ორ უდიდეს ქალაქს მიღმა მცხოვრები ყველა ადამიანი გრძნობს.

ის [პუტინი] იმაზე მალე წავა, ვიდრე გვგონია და როგორც კი ეს მოხდება ბატონი ივანიშვილიც წავა – მიუხედავად იმისა, რომ მან ფული რუსეთიდან გამოიტანა – და საქართველოში მთელი სიტუაცია შეიცვლება. ჩემი აზრით, ყურადღება იმაზე უნდა გავამახვილოთ, თუ რა ხდება რუსეთში.” [“ტაბულას” თარგმანი]

ბენჟამინ ჰადადი: უკრაინაში, მოლდოვაში, საქართველოს ქუჩებში – ბავშვები სამიზნე ხდებიან იმის გამო, რომ ევროპულ დროშებს აფრიალებენ

“ევროპის სული ზოგჯერ კანდიდატ ქვეყნებში უფრო გხვდება, ვიდრე ბრიუსელის ოფისებში”