FB-სტატუსების გამო სასამართლოში დაიბარეს ჟურნალისტები, აქტივისტები და პოლიტიკოსები
FB-სტატუსების გამო სასამართლოში დაბარება
“ქართულმა ოცნებამ” მოქალაქეების, პოლიტიკოსების, ჟურნალისტებისა და აქტივისტების Facebook-ზე გამოქვეყნებული პოსტების გამო სასამართლოში დაბარება დაიწყო. ოცნების წარმომადგენლები მათ შეურაცხყოფას ედავებიან და შინაგან საქმეთა სამინისტროში უჩივიან.
“ადმინისტრაციული სამართალდარღვევის შესახებ ფრაქცია „ქართული ოცნების“ თავმჯდომარის 2025 წლის 6 ივნისს წარმოდგენილი განცხადება/საჩივრის საფუძველზე, საქართველოს შინაგან საქმეთა სამინისტრომ დაიწყო ადმინისტრაციული საქმის წარმოება“, – აცხადებენ შსს-ში.
სასამართლოში დაბარებულები არიან:
- ნანუკა ჟორჟოლიანი – ჟურნალისტი;
- ვახო სანაია – ჟურნალისტი;
- ვიკა ბუკია – ჟურნალისტი;
- ეკა მიშველაძე – ჟურნალისტი;
- მიშა მშვილდაძე – ჟურნალისტი;
- თამარ ჩერგოლეიშვილი – პოლიტიკოსი;
- ლევან ხაბეიშვილი – პოლიტიკოსი;
- ელენე ხოშტარია – პოლიტიკოსი;
- ალეკო ელისაშვილი – პოლიტიკოსი;
- ანა სუბელიანი – აქტივისტი;
- ბაია პატარაია – აქტივისტი;
- დავით ქაცარავა – აქტივისტი;
- გიორგი ქადაგიძე – აქტივისტი;
- ქეთი მოლაშვილი – აქტივისტი.
ჟურნალისტებს, აქტივისტებსა და პოლიტიკოსებს FB სტატუსების გამო 1500 ლარიდან 4000 ლარამდე ჯარიმა ან 45 დღემდე პატიმრობა ემუქრებათ. ადმინისტრაციულ სამართალდარღვევათა კოდექსი “ქართულმა ოცნებამ“ პროევროპული აქციების პარალელურად გაამკაცრა.
“ქართული ოცნების“ ერთ-ერთმა ლიდერმა, ირაკლი კირცხალიამ 6 ივნისს თქვა, რომ პარტია უჩივლებდა ყველას, ვინც “ლანძღავს, შეურაცხყოფს, ემუქრება და აბულინგებს“. მაშინ მან არ დააკონკრეტა სახელები და გვარები.
