მოსახლეობის 90% მხარს უჭერს ევროკავშირში გაწევრიანებას - Edison Research-ის კვლევის მთავარი მიგნებები

Edison Research-ის კვლევა

საზოგადოებრივი აზრის გამოკითხვა ტელეკომპანია “ფორმულას” დაკვეთით ავტორიტეტულმა საერთაშორისო კვლევითმა კომპანიამ Edison Research-მა ჩაატარა. კვლევის მიხედვით საქართველოს მოსახლეობის 90% მხარს უჭერს ევროკავშირში გაწევრიანებას, ხოლო 83% საქართველოს NATO-ში გაწევრიანებას.

კვლევის ფარგლებში, პირისპირი გამოკითხვის მეთოდით, ქვეყნის მასშტაბით შემთხვევითი შერჩევით გამოიკითხა საქართველოში მცხოვრები 1500 საარჩევნო უფლების მქონე 18 წლისა და მეტი ასაკის ადამიანი.

ცდომილება არის +/- 3%, 95%-იანი სანდოობის დონისთვის. საველე სამუშაოები მიმდინარეობდა 2023 წლის 7 სექტემბრიდან 24 სექტემბრის პერიოდში.

კვლევის მთავარი მიგნებები

Edison Research-ის კვლევის თანახმად, მოსახლეობის 90% მხარს უჭერს ევროკავშირში გაწევრიანებას, წინააღმდეგია 10%. 

გამოკითხვის შედეგებით, მოსახლეობის 83% NATO-ში საქართველოს გაწევრიანებას მხარს უჭერს.

შეკითხვაზე, მხარს უჭერთ თუ ეწინააღმდეგებით საქართველოს გაწევრიანებას NATO-ში, პასუხები ასე გადანაწილდა:

• მხარს ვუჭერ – 83%
• ვეწინააღმდეგები – 17%

ამასთან, მოსახლეობის 60% ჩინეთთან სტრატეგიულ ურთიერთობას მხარს უჭერს.

კითხვაზე, “რამდენად უჭერთ მხარს ან ეწინააღმდეგებით საქართველოს სტრატეგიულ პარტნიორობას ჩინეთთან”, პასუხები ასე ნაწილდება:

• ვეწინააღმდეგები – 40%
• მხარს ვუჭერ – 60%

Edison Research-ის კვლევის თანახმად, მოსახლეობის 61%-ს მიაჩნია, რომ ქვეყანა არასწორი მიმართულებით ვითარდება. 39% მიიჩნევს, რომ ქვეყანა სწორი მიმართულებით ვითარდება.

საზოგადოებრივი აზრის გამოკითხვის შედეგებით, კითხვაზე, დღეს რომ საპარლამენტო არჩევნები ტარდებოდეს, რომელ პარტიას მისცემდით ხმას, პასუხები ასე ნაწილდება ალოკაციით მეთოდით: 

• ქართული ოცნება – 37%
• გამარჯვების პლატფორმა – 22%
• საქართველოსთვის – 10%
• გირჩი მეტი თავისუფლება/დროა – 4%
• ლეიბორისტული პარტია – 4%
• ლელო – 4%
• ხალხისთვის (ანა დოლიძე) – 4%
• გირჩი (იაგო ხვიჩია/ვახტანსგ მეგრელიშვილი) – 4%
• კონსერვატიული მოძრაობა ალტ-ინფო – 3%
• მოქალაქეები – 2%
• ევროპული საქართველო – მოძრაობა თავისუფლებისთვის – 1%
• პატრიოტთა ალიანსი – 1%
• სხვა – <1%

ალოკაცია – ნიშნავს მეთოდს, რომლითაც მკვლევრები სხვა კითხვებზე მიღებული პასუხებიდან გამომდინარე ვარაუდობენ, თუ ვის მისცემენ ხმას რესპონდენტები, რომლებიც არ პასუხობენ კითხვას, თუ ვის უჭერენ მხარს.

კვლევის მიხედვით, კითხვაზე, დღეს რომ საპარლამენტო არჩევნები ტარდებოდეს, რომელ პარტიას მისცემდით ხმას, პასუხები ასე ნაწილდება ალოკაციის გარეშე:

• ქართული ოცნება – 25%
• გამარჯვების პლატფორმა – 15% 
• საქართველოსთვის – 6.8%
• გირჩი მეტი თავისუფლება/დროა – 3%
• ლეიბორისტული პარტია – 2.9%
• ლელო – 3.9%
• ხალხისთვის (ანა დოლიძე) – 2.9%
• გირჩი (იაგო ხვიჩია/ვახო მეგრელიშვილი) – 2.6%
• კონსერვატიული მოძრაობა ალტ-ინფო – 2%
• ხალხის ძალა – 1.9%
• მოქალაქეები – 1.2%
• ევროპული საქართველო – მოძრაობა თავისუფლებისთვის – 0.9%
• პატრიოტთა ალიანსი – 0.8%
• სხვა – 0.4%
• არ ვიცი/უარი პასუხზე – 31.8%

მოსახლეობის 69%-ს სმენია იმის შესახებ, რომ 2024 წლის საპარლამენტო არჩევნების დროს საქართველოში მყოფ ამომრჩეველს ელექტრონული ტექნოლოგიებით ხმის მიცემის შესაძლებლობა ექნება. 31%-ს ამის შესახებ არ გაუგია.

ამავე კვლევის მიხედვით, მოსახლეობის 81% ელექტრონული ხმის მიცემის ტექნოლოგიების შემოღებას საქართველოში მიესალმება, ხოლო 19% არ მიესალმება.

88% ემხრობა ელექტრონული ხმის მიცემის სისტემას შექმნას, რის შედეგადაც ქართველი ემიგრანტები შეძლებენ ხმა მისცენ ელექტრონულად, 12% კი ეწინააღმდეგება.

● ევროკომისიის პრეზიდენტი: უკრაინის, დასავლეთ ბალკანეთის ქვეყნების, მოლდოვის და, პერსპექტივაში, საქართველოს ადგილი ევროკავშირშია
● პაატა ზაქარეიშვილის კომენტარი: ხელისუფლებაში ყველაფერს აკეთებენ, რათა კანდიდატის სტატუსის მიღების ყოველგვარი შანსი მოანგრიონ
● 85% ნატოში გაწევრიანებას უჭერს მხარს, 90% ევროკავშირში. Edison Research-ის კვლევის მთავარი მიგნებები

Edison Research-ის საზოგადოებრივი აზრის გამოკითხვის შედეგებით, მოსახლეობის 58% ფიქრობს, რომ პრეზიდენტმა მიხეილ სააკაშვილი უნდა შეიწყალოს. 42% კი ფიქრობს, რომ ზურაბიშვილმა მიხეილ სააკაშვილი არ უნდა შეიწყალოს.

ივნისში ჩატარებული კვლევის შედეგებით, მოსახლეობით 57% ფიქრობდა, რომ სალომე ზურაბიშვილმა მიხეილ სააკაშვილი უნდა შეიწყალოს. 43% კი ფიქრობდა, რომ პრეზიდენტმა მიხეილ სააკაშვილი არ უნდა შეიწყალოს. 

კვლევის თანახმად, მოსახლეობის 50% თვლის, რომ 2023 წლის ოქტომბერში საქართველო კანდიდატის სტატუსს ვერ მიიღებს.

კითხვაზე, “როგორია თქვენი მოლოდინი იმასთან დაკავშირებით, რომ 2023 წლის შემოდგომაზე საქართველო ევროკავშირის წევრობის კანდიდატის სტატუსს მიიღებს”, პასუხები ასე ნაწილდება:

• მიიღებს – 50%
• არ მიიღებს – 50%

● ორი აზრი: უნდა მისცენ თუ არა საქართველოს ევროკავშირის წევრობის კანდიდატის სტატუსი “ქართული ოცნების” პირობებში?

აღსანიშნავია, რომ საზოგადოებრივი აზრის გამოკითხვის შედეგებით, მოსახლეობის უმრავლესობას, 67%-ს პარლამენტში მმართველად ახალი პარტია(ები) ურჩევნია.

კითხვაზე, მომავალი საპარლამენტო არჩევნების შედეგად, გსურთ, რომ მმართველი პარტია “ქართული ოცნება” დარჩეს უმრავლესობაში, თუ გირჩევნიათ, რომ ახალი პარტია(ები) იხილოთ პარლამენტის მმართველის როლში, პასუხები ასე გადანაწილდა:

• ახალი პარტია(ები) პარლამენტის მმართველის როლში – 67%
• ქართული ოცნება დარჩეს უმრავლესობაში – 33%

● რა სჭირს ქართულ ოპოზიციას?

Edison Research-ის საზოგადოებრივი აზრის გამოკითხვის შედეგებით, მოსახლეობის 62% საქართველოს პრეზიდენტის, სალომე ზურაბიშვილის იმპიჩმენტს ეწინააღმდეგება.

კითხვაზე, “რამდენად ემხრობით ან ეწინააღმდეგებით პრეზიდენტ სალომე ზურაბიშვილის იმპიჩმენტს”, პასუხები ასე ნაწილდება:

• ვეწინააღმდეგები – 62%
• ვემხრობი – 38%

● შეძლებს თუ არა “ოცნება” პრეზიდენტის იმპიჩმენტს და რატომ წავიდა ამაზე მმართველი პარტია?

საზოგადოებრივი აზრის გამოკითხვის შედეგებით, მოსახლეობა ფიქრობს, რომ “ქართულ ოცნებასა” და ოპოზიციურ პარტიებს შორის, ოპოზიციური პარტიები უკეთ გაუმკლავდებიან უკრაინის მხარდაჭერას, კრიმინალს, ევროკავშირში გაწევრიანებას, რუსების მიგრაციას საქართველოში.

კითხვაზე, ქართულ ოცნებასა და ოპოზიციურ პარტიებს შორის, რომელს მიიჩნევთ, რომ უკეთესად გაუმკლავდება, პასუხები ასე გადანაწილდა:

• უკრაინის მხარდაჭერა – ოპოზიცია 53%, ქართული ოცნება 47%
• კრიმინალი –  ოპოზიცია 52%, ქართული ოცნება 48%
• ევროინტეგრაცია – ოპოზიცია 52%, ქართული ოცნება 48%
• რუსების მიგრაცია საქართველოში – ოპოზიცია 51%, ქართული ოცნება 49%
• მაღალი ფასები – ოპოზიცია 49%, ქართული ოცნება 51%
• უმუშევრობა – ოპოზიცია 47%, ქართული ოცნება 53%
• საქართველოს ოკუპირებული ტერიტორიები – ოპოზიცია 47%, ქართული ოცნება 53%
• განათლება – ოპოზიცია 46%, ქართული ოცნება 54%
• კლიმატის ცვლილება – ოპოზიცია 45%, ქართული ოცნება 55%
• ჯანდაცვა – ოპოზიცია 43%, ქართული ოცნება 57%

აღსანიშნავია, მოსახლეობის 54% ფიქრობს, რომ საქართველოში უფრო მეტად თავისუფალი და დამოუკიდებელი არჩევნების ჩატარებას ამომრჩევლის მოსყიდვა უშლის ხელს.

კითხვაზე, საქართველოში უფრო მეტად თავისუფალი და დამოუკიდებელი არჩევნების ჩატარებას რა ფაქტორები უშლიან ხელს, პასუხები შემდეგნაირად გადანაწილდა:

• ამომრჩეველთა მოსყიდვა – 54%
• კრიმინალების ჩართულობა – 35% 
• სუს-ის მიერ ამომრჩევლის დაშინება – 30%
• ადმინისტრაციული რესურსის გამოყენება – 28%
• არათანაბარი გარემო კამპანიის ჩასატარებლად – 27% 
• ცესკოს დამოუკიდებლობა – 26%
• მედიის კონტროლი – 25%
• დამოუკიდებელი დამკვირვებლების რაოდენობა – 20%
• არცერთი – 22%

● ოპოზიციური პარტიები და NGO-ები ღარიბაშვილის წინააღმდეგ იმპიჩმენტის პროცედურების და გამოძიების დაწყებას აპირებენ