85% ნატოში გაწევრიანებას უჭერს მხარს, 90% ევროკავშირში. Edison Research-ის კვლევის მთავარი მიგნებები
Edison Research-ის ახალი კვლევა
Edison Research-ის საზოგადოებრივი აზრის გამოკითხვის შედეგებით, მოსახლეობის 85% NATO-ში საქართველოს გაწევრიანებას მხარს უჭერს, ხოლო 90% ევროკავშირში.
საზოგადოებრივი აზრის გამოკითხვა ტელეკომპანია ფორმულას დაკვეთით ავტორიტეტულმა საერთაშორისო კვლევითმა კომპანიამ Edison Research-მა ჩაატარა.
კვლევის ფარგლებში, პირისპირი გამოკითხვის მეთოდით, ქვეყნის მასშტაბით შემთხვევითი შერჩევით გამოიკითხა საქართველოში მცხოვრები 1500 საარჩევნო უფლების მქონე 18 წლისა და მეტი ასაკის ადამიანი (ოკუპირებული ტერიტორიების გარდა). ცდომილება არის +/- 3%.
საველე სამუშაოები მიმდინარეობდა 25 მაისი-14 ივნისის პერიოდში.
შეკითხვაზე, მხარს უჭერთ თუ ეწინააღმდეგებით საქართველოს გაწევრიანებას NATO-ში, პასუხები ასე გადანაწილდა:
- მხარს ვუჭერ – 85%
- ვეწინააღმდეგები – 15%
Edison Research-ის კვლევის თანახმად, მოსახლეობის 90% მხარს უჭერს ევროკავშირში გაწევრიანებას, წინააღმდეგია 10%.
● მოსახლეობის 81 პროცენტი მხარს უჭერს საქართველოს ევროკავშირში გაწევრიანებას – CRRC საქართველოს კვლევა
● NATO-ს მხარდაჭერა სტაბილურად მაღალია – NDI-ს კვლევის მთავარი მიგნებები
გამოკითხვის შედეგებით, პასუხები კითხვაზე, დღეს რომ საპარლამენტო არჩევნები ტარდებოდეს, რომელ პარტიას მისცემდით ხმას, პასუხები ასე ნაწილდება:
- ქართული ოცნება – 37%
- ერთიანი ნაციონალური მოძრაობა – 25%
- საქართველოსთვის – 6%
- ლეიბორისტული პარტია – 5%
- ლელო – 4%
- გირჩი – მეტი თავისუფლება (ზურაბ ჯაფარიძე) – 4%
- სტრატეგია აღმაშენებელი – 3%
- ხალხისთვის (ანა დოლიძე) – 3%
- გირჩი (იაგო ხვიჩია) – 3%
- დროა – 2%
- ალტ ინფო – 2%
- მოქალაქეები – 2%
- ხალხის ძალა – 2%
- ევროპული საქართველო – 1%
- პატრიოტთა ალიანსი – 1%
● რა გეგმა აქვს ოპოზიციას ხელისუფლების შესაცვლელად?
კვლევის თანახმად, მოსახლეობის 64%-ს მიაჩნია, რომ ქვეყანა არასწორი მიმართულებით ვითარდება. 36% მიიჩნევს, რომ ქვეყანა სწორი მიმართულებით ვითარდება.
ასევე, მოსახლეობის 64% მიიჩნევს, რომ ქართული ოცნება არ აკეთებს საკმარისს ევროკომისიის მოთხოვნების შესასრულებლად.
ამავე კვლევაში აღნიშნულია, რომ 94% ფიქრობს, რომ მოსახლეობა/ქართველი ხალხი იმსახურებს იმას, რომ საქართველომ მიიღოს ევროკავშირის კანდიდატის სტატუსი.
გარდა ამისა, კვლევაში ვკითხულობთ, რომ მოსახლეობის 51%-ის მოლოდინია, რომ 2023 წლის შემოდგომაზე საქართველო ევროკავშირის წევრობის კანდიდატის სტატუსს მიიღებს. 28% ფიქრობს, რომ საქართველო დანამდვილებით მიიღებს სტატუსს, ხოლო 21% – დანამდვილებით ვერ მიიღებს.
აღსანიშნავია, რომ მოსახლეობის 57% ფიქრობს, რომ პრეზიდენტმა მიხეილ სააკაშვილი უნდა შეიწყალოს. 43% კი ფიქრობს, რომ ზურაბიშვილმა მიხეილ სააკაშვილი არ უნდა შეიწყალოს.
● მიხეილ სააკაშვილი: ვაპირებ, ძალიან აქტიურად ჩართვას ქართულ პოლიტიკაში
Edison Research-ის კვლევის თანახმად, მოსახლეობის 61% ფიქრობს, რომ აშშ-ის მიერ ქართველი მოსამართლეების სანქცირება სამართლიანია. კვლევის თანახმად, 39%-ს ეს არასამართლიანად მიაჩნია.
● როგორ მივიდა საქართველოს სასამართლო სისტემა დასავლურ სანქციებამდე
ასევე, მოსახლეობის 63% ფიქრობს, რომ დასავლეთის მიერ რუსეთის წინააღმდეგ დაწესებული სანქციები ძალიან ან ნაწილობრივ ეფექტიანია. ამ კითხვაზე პასუხები დეტალურად ასე გადანაწილდა:
- ძალიან ეფექტურია/შედეგიანია – 18%;
- ნაწილობრივ ეფექტიანია/შედეგიანია – 45%;
- არ არის ეფექტური/შედეგიანი – 37%.
Edison Research-ის საზოგადოებრივი აზრის გამოკითხვის შედეგებით, მოსახლეობის უმრავლესობას, 63%-ს პარლამენტში მმართველად ახალი პარტია(ები) ურჩევნია.
კითხვაზე, მომავალი საპარლამენტო არჩევნების შედეგად, გსურთ, რომ მმართველი პარტია “ქართული ოცნება” დარჩეს უმრავლესობაში, თუ გირჩევნიათ, რომ ახალი პარტია(ები) იხილოთ პარლამენტის მმართველის როლში, პასუხები ასე გადანაწილდა:
- ახალი პარტია(ები) პარლამენტის მმართველის როლში – 63%
- ქართული ოცნება დარჩეს უმრავლესობაში – 37%
Edison Research-ის საზოგადოებრივი აზრის გამოკითხვის შედეგებით, მოსახლეობა ფიქრობს, რომ ქართულ ოცნებასა და ოპოზიციურ პარტიებს შორის, ოპოზიციური პარტიები უკეთ გაუმკლავდებიან უკრაინის დახმარებას, კრიმინალს, ევროკავშირში გაწევრიანებას, ფასების ზრდას.
კვლევის შედეგების თანახმად, მოსახლეობის ხმები თანაბრად ნაწილდება უმუშევრობასა და რუსების მიგრაციაზე. დარჩენილ საკითხებში (ოკუპირებული ტერიტორიები, გარემო, ჯანდაცვა) უპირატესობა მმართველ გუნდს აქვს.
კითხვაზე, ქართულ ოცნებასა და ოპოზიციურ პარტიებს შორის, რომელს მიიჩნევთ, რომ უკეთესად გაუმკლავდება, პასუხები ასე გადანაწილდა:
- უკრაინის დახმარებას – ოპოზიცია 57%, ქართული ოცნება 43%
- კრიმინალს – ოპოზიცია 56%, ქართული ოცნება 44%
- ევროკავშირში გაწევრიანებას – ოპოზიცია 55%, ქართული ოცნება 45%
- ფასების ზრდას – ოპოზიცია 53%, ქართული ოცნება 47%
- უმუშევრობას – ოპოზიცია 50%, ქართული ოცნება 50%
- რუსების მიგრაციას – ოპოზიცია 50%, ქართული ოცნება 50%
- განათლებას – ოპოზიცია 49%, ქართული ოცნება 51%
- საქართველოს ოკუპირებულ ტერიტორიებს – ოპოზიცია 49%, ქართული ოცნება 51%
- გარემოს – ოპოზიცია 47%, ქართული ოცნება 53%
- ჯანდაცვას – ოპოზიცია 45%, ქართული ოცნება 55%
ამავე გამოკითხვით, მოსახლეობის 53% ფიქრობს, რომ საქართველოში უფრო მეტად თავისუფალი და დამოუკიდებელი არჩევნების ჩატარებას ამომრჩევლის მოსყიდვა უშლის ხელს.
კითხვაზე, საქართველოში უფრო მეტად თავისუფალი და დამოუკიდებელი არჩევნების ჩატარებას რა ფაქტორები უშლიან ხელს, პასუხები შემდეგნაირად გადანაწილდა:
- ამომრჩეველთა მოსყიდვა – 53%
- კრიმინალების ჩართვა – 35%
- ადმინისტრაციული რესურსის გამოყენება – 29%
- ცესკოს დამოკიდებულება მმართველ პარტიაზე – 28%
- სუს-ის მიერ ამომრჩევლის დაშინება – 27%
- არათანაბარი გარემო პოლიტიკური კამპანიის წარმოებისთვის – 27%
- ხელისუფლების მხრიდან მედიის კონტროლი – 25%
- არჩევნების პროცესში დამოუკიდებელი დამკვირვებლების მცირე რაოდენობა – 18%
- არცერთი – 19%
Edison Research-ის საზოგადოებრივი აზრის გამოკითხვის შედეგებით, მოსახლეობის 61% არ ეთანხმება მოსაზრებას, რომ დასავლეთი ცდილობს საქართველოს ომში ჩართვას. მოსახლეობის 39% ეთანხმება, რომ დასავლეთი ცდილობს საქართველოს ომში ჩართვას.
