რიგები საარჩევნო უბნებზე, არჩევნები პანდემიის ფონზე. ფოტოები

31 ოქტომბრის საპარლამენტო არჩევნები საქართველოში დასრულდა. არჩევნებმა საკმაოდ დაძაბულ რეჟიმში ჩაიარა.

საარჩევნო უბნებთან მთელი დღის განმავლობაში ამომრჩეველთა რიგები არ შეწყვეტილა. საბოლოოდ, 20 საათის მონაცემებით მოქალაქეთა აქტივობამ 56.11%-ს მიაღწია. რაც მეტია, ვიდრე – 2016 წლის (51.63%) და ნაკლები, ვიდრე – 2012 წლის (60.8%) იგივე მაჩვენებელი.

2020 წლის 31 ოქტომბერს მოქალაქეები მეათე მოწვევის პარლამენტს ირჩევდნენ. საქართველო საპარლამენტო ქვეყანაა, ამიტომ, ის, ვინც არჩევნებს მოიგებს, ქვეყნის მართვის უფლებასაც მოიპოვებს მომდევნო ოთხი წლის განმავლობაში.

ეს იყო პირველი არჩევნები, რომელიც პანდემიის ფონზე ჩატარდა.

JAMnews-ი გთავაზობთ ფოტოებს, რაც არჩევნების დღეს ასახავს.