ანიტა ჰიპერი: "ოცნების“ განცხადებები აშკარად რუსული პროპაგანდის სახელმძღვანელოდანაა შთაგონებული
ანიტა ჰიპერის განცხადება
ევროკომისიის პრესსკიპერმა საგარეო ურთიერთობათა და უსაფრთხოების პოლიტიკის საკითხებში, ანიტა ჰიპერმა ბრიფინგზე განაცხადა, რომ “ოცნების“ განცხადებები “აშკარად” რუსული პროპაგანდის სახელმძღვანელოდანაა შთაგონებული.
რას ამბობს ევროკომისია
„ქართული ოცნების“ განცხადებები კონტექსტისა და ქმედებების კუთხით აშკარად რუსული პროპაგანდის სახელმძღვანელოდან არის შთაგონებული. როდესაც ვუყურებთ, რა ხდება საქართველოში, ვხედავთ, რომ ფაქტები სიტყვებზე ხმამაღლა ლაპარაკობენ.
როდესაც გჭირდება ოპოზიციის ლიდერთა ციხეში ჩასმა, როდესაც დევნი დამოუკიდებელ მედიას, როდესაც მიზანში იღებ სამოქალაქო საზოგადოებას, როდესაც გჭირდება კანონების შეცვლა, რომ შენი მმართველი პარტია უპირატესობით სარგებლობდეს — ამ დროს შენ დემოკრატის ენაზე არ საუბრობ.
ეს არის ქმედებები, რომლებსაც ჩვენი მხრიდან ყოველთვის ვგმობთ. მკაფიოდ ვეწინააღმდეგებით ნებისმიერი ფორმის ძალადობას, ვერბალური თავდასხმების ჩათვლით. რასაც ვისმენთ „ქართული ოცნების“ მხრიდან, არის რეპრესიული რეჟიმის შენიღბვის სასოწარკვეთილი მცდელობა.
