Amnesty International: ანალიზი ადამიანის უფლებათა სისტემურ, სახელმწიფოს მიერ ნებადართულ დარღვევებზე მიუთითებს

Amnesty International-ის ანგარიში

Amnesty International-ის ანგარიშს აქვეყნებს, რომელშიც ვკითხულობთ, რომ მათ მიერ მოკვლეული ანალიზი ადამიანის უფლებათა სისტემურ, სახელმწიფოს მიერ ნებადართულ დარღვევებზე მიუთითებს. ორგანიზაცია მოუწოდებს საქართველოს ხელისუფლებას, რომ დაასრულოს ძალადობა, გაათავისუფლოს დაკავებულები, ჩაატაროს სრულყოფილი გამოძიება.

Amnesty International-ი წერს, რომ გავრცელებული ინფორმაციით, 300-ზე მეტი მომიტინგე, ანუ დაკავებულთა უმრავლესობას ექვემდებარება წამებას და სხვა არასათანადო მოპყრობას პოლიციის სპეცრაზმის მიერ – ბევრი შემთხვევა წამებას უტოლდება. 80-ზე მეტი ადამიანი საავადმყოფოში გადაიყვანეს მძიმე დაზიანებებით, მათ შორის სახის და სხვა ძვლების მოტეხილობით და თავის დაზიანებებით.

ორგანიზაცია განმარტავს, რომ ანგარიშში დოკუმენტირებულია ადამიანის უფლებათა დარღვევის შემთხვევების შესწავლა და ანალიზი, დაშავებული მომიტინგეების და ჟურნალისტების ჩვენებებზე, ცნობების ანალიზსა და ქართველი უფლებადამცველების ინტერვიუების, საპროტესტო აქციების ვიდეო და ფოტო მასალის საფუძველზე

პროევროპული პროტესტის 300-ზე მეტი მონაწილე ნაცემი და დაკავებულია. აქ მათ ისტორიებს ვაგროვებთ. განახლებადი

აქ გიყვებით პროევროპულ აქციაზე სასტიკად ნაცემი, დაკავებული და დაშავებული ადამიანების ისტორიებს

რა წერია ანგარიშში

● საქართველოს დედაქალაქ თბილისში 29 ნოემბრიდან მასობრივი აქციები დაიწყო, რამდენიმე ათასი ადამიანი პარლამენტის წინ და რამდენიმე ცენტრალურ ქუჩაზე აპროტესტებდა, აქციები დაიწყო ქვეყნის მასშტაბითაც. პოლიციამ საპასუხოდ წლის ჭავლი, ცრემლსადენი გაზი და რეზინის ტყვიები გამოიყენა, რასაც ესკალაცია მოჰყვა.

● წარმოქმნილი ძალადობისა და დაპირისპირებების შედეგად მრავალი ადამიანი დაშავდა, ვიდეომასალაში კი მშვიდობიანი მომიტინგეებისა და ჟურნალისტების სასტიკი ცემა არის აღბეჭდილი. პოლიცია აქციის მონაწილეებს აქციების ტერიტორიის გარეთაც დევნიდა, მათ სახლებსა და ოფისებში ჩხრეკას და დაკავებებს ახორციელებდა. ამ დროისთვის, 460-ზე მეტი ადამიანი არის დაკავებული, მათ შორის, 430-ის წინააღმდეგ ადმინისტრაციული საქმე, 30-ის წინააღმდეგ კი სისხლის სამართლის საქმეა აღძრული

პოლიციის მიერ გამოყენებული უკანონო ძალის, წამებისა და სხვა არასათანადო მოპყრობის მასშტაბები მიუთითებს იმაზე, რომ ისინი მოქმედებენ მთავრობის ნებადართული დირექტივებით და გათამამებულნი არიან დაუსჯელობით. სასამართლოები ძირითადად უგულებელყოფენ წამებისა და სამართლიანი სასამართლოს უფლებების დარღვევის მზარდ მტკიცებულებებს.

● ჯარიმა დაეკისრა და ადმინისტრაციული წესით პატიმრობა მიესაჯა 160-ზე მეტ ადამიანს. პოლიცია და მთელი სისხლის სამართლის სისტემა, როგორც ჩანს, დემონსტრანტების დასაშინებლად, შევიწროებისა და დარბევისთვის და მშვიდობიანი განსხვავებული აზრის ჩასახშობად გამოიყენება, რაც ასახავს ინსტიტუციონალიზებულ რეპრესიებს.

● Amnesty International ღრმად შეშფოთებულია საქართველოში პროტესტის ესკალაციის გამო და მოუწოდებს საქართველოს მთავრობას დაიცვას და უზრუნველყოს ყველა ადამიანის უფლებები ქვეყანაში, გამოხატვის თავისუფლებისა და მშვიდობიანი შეკრების უფლებების ჩათვლით. ჩვენ ასევე, მოვუწოდებთ საერთაშორისო საზოგადოებას, გამოიჩინოს სოლიდარობა იმ ადამიანების მიმართ, რომლებიც მშვიდობიანად ახორციელებენ თავიანთ უფლებებს საქართველოში.

ახალი პარლამენტის ინიციატივები. სპოილერი – აკრძალვები, შეზღუდვები და გაზრდილი ჯარიმები

უფლებადამცველების თქმით, ეს არის „ქართული ოცნების“ მცდელობა, გააძლიეროს ქვეყანაში ავტორიტარიზმი

● ორგანიზაცია მოუწოდებს ხელისუფლებას დაასრულოს ძალადობა: დაუყოვნებლივ შეაჩეროს ძალადობა პოლიციისა და უცნობი ჯგუფების მხრიდან, რომლებიც მოქმედებენ პოლიციის თანამონაწილეობით. დაიცვას და უზრუნველყოს ადამიანის უფლებების პატივისცემა: მხარი დაუჭიროს და უზრუნველყოს ქვეყანაში ყველა ადამიანის უფლებების პატივისცემა, მათ შორის გამოხატვის თავისუფლების, მშვიდობიანი შეკრებისა და გაერთიანების უფლებას.

● გამოიძიოს ძალის უკანონო გამოყენების ფაქტები: ჩაატაროს სწრაფი, საფუძვლიანი, დამოუკიდებელი, მიუკერძოებელი, გამჭვირვალე და ეფექტური გამოძიება უკანონო ძალის გამოყენებასთან დაკავშირებულ ბრალდებებზე, მათ შორის ცრემლსადენი გაზის, წყლის ჭავლისა და ხელკეტების ბოროტად გამოყენებაზე, გამოიძიოს წამების და სხვა არასათანადო მოპყრობის ფაქტები.

4 ოპოზიციური პარტია კაია კალასს მიმართავს და რეაგირებისკენ მოუწოდებს

“რეჟიმის გადაწყვეტილება ევროკავშირში გაწევრიანების პროცესის შეჩერების შესახებ შოკისმომგვრელი ღალატი”

საქართველოში საპროტესტო ტალღა აგორდა  პრემიერ-მინისტრის ირაკლი კობახიძის განცხადების შემდეგ, რომ ქვეყანა აჩერებს ევროკავშირთან მოლაპარაკებების გახსნას.

საქართველოს ქალაქებში დაიწყო მასშტაბური საპროტესტო აქციები. პარალელურად, გაჩნდა დაუმორჩილებლობისა და პროტესტის სხვა მცირე კერებიც.