აფხაზური ოპოზიცია რუსეთს საქართველოსთან თანამშრომლობის გამო აკრიტიკებს

აფხაზური ოპოზიცია რუსეთს აკრიტიკებს

აფხაზური ოპოზიცია რუსეთს საქართველოსთან თანამშრომლობის გამო აკრიტიკებს. კერძოდ, საქართველოს მოქალაქეებისთვის ვიზების გაუქმებისა და აფხაზეთის აზრის გაუთვალისწინებლობის გამო ფრენების აღდგენასთან დაკავშრებით. შესაბამის განკარგულებებს ხელი 10 მაისს, რუსეთის პრეზიდენტმა ვლადიმირ პუტინმა მოაწერა.

„კრემლი თბილისთან ასეთ თანამშრომლობაზე წინასწარ სოხუმთან უნდა შეთანხმებულიყო“, – განაცხადა აფხაზური ოპოზიციის ლიდერმა ადგურ არძინბამ.

სოციალურ ქსელში არძინბა ეხება რუსეთ-აფხაზურ შეთანხმებას „ალიანსისა და სტრატეგიული პარტნიორობის შესახებ“, რომლის მიხედვითაც მხარეებმა კოორდინირებული საგარეო პოლიტიკა უნდა გაატარონ.

„არავინ ამბობს, რომ რუსეთის ფედერაციამ კოორდინირება უნდა გაუწიოს აფხაზეთის ურთიერთობას ჩინეთთან ან კოლექტიურ დასავლეთთან, მაგრამ როდესაც საქმე ეხება სახელმწიფოს, რომელთანაც აფხაზეთი ომშია, დარწმუნებული ვარ, რომ ჩვენი აზრი აქ გასათვალისწინებელია“, – წერს არძინბა.

• მოსაზრება აფხაზეთიდან: რუსეთსა და საქართველოს შორის „ურთიერთქმედება დიპლომატიური ურთიერთობების გარეშე“
• მოსაზრება აფხაზეთიდან: რა დგას თბილისში საპროტესტო აქციების უკან და იქნება თუ არა „მეორე ფრონტი“
• რუსეთი აუქმებს სავიზო რეჟიმს საქართველოსთან. რას ნიშნავს ეს ევროკავშირის გზაზე მდგომი ქვეყნისთვის. შეფასებები

ამავდროულად, მას მიაჩნია, რომ ბრალის მნიშვნელოვანი წილი თავად აფხაზეთის ხელისუფლებას ეკისრება – ამბობენ, რომ ის ზედმეტად ინერტულია კრემლთან ურთიერთობაში და არანაირად არ რეაგირებს იმაზე, რომ რუსული ავიაკომპანია Azimuth-ის ვებგვერდზე, რომელიც საქართველოში ფრენებს იწყებს, ამოღებულია “ქვეყანა” აფხაზეთი და სამხრეთ ოსეთი.

„აფხაზეთის ხელმძღვანელობის მდუმარე პოზიცია ამ საკითხთან დაკავშირებით გაუგებარია. ზოგადად, უნდა ითქვას, რომ ბოლო სამი წლის განმავლობაში ჩვენს ქვეყნებს შორის ურთიერთობა, რბილად რომ ვთქვათ, არ გაუმჯობესებულა – მხოლოდ ერთი სამიტის შეხვედრა, მთავრობის მეთაურის მხოლოდ ერთი ვიზიტი მოსკოვში, წარუმატებლობა კანონმდებლობის ჰარმონიზაციის გეგმაში და ა.შ. [აფხაზეთის პრეზიდენტი] ასლან ბჟანია მოსკოვში, 9 მაისს გამარჯვების აღლუმზეც კი არ იყო მიწვეული.” – წერს არძინბა.

სტატია მომზადებულია სოხუმის რედაქციის მიერ და პროექტის პირობების თანახმად, დაბეჭდილია უცვლელად. ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო