აფხაზეთში ელექტროენერგიის მცოცავი გრაფიკი დღეში 6 საათამდე გაიზარდა – ახლა აფხაზეთში დენი ორი საათით მეტი ხნითაა, ვიდრე ადრე. ელექტროენერგიის დეფიციტი გამოწვეულია იმით, რომ ენგურის კაშხალზე წყლის დონე კრიტიკულ დონემდე დაეცა და მთავრობას არ აქვს ფული რუსეთიდან ელექტროენერგიის შესაძენად.
აფხაზეთი უკვე ხუთი წელია ელექტროენერგიის მწვავე დეფიციტს განიცდის. ამ პერიოდში მოხმარებული ენერგიის წლიური რაოდენობა 2-დან 3 მილიარდ კვტ/სთ-მდე გაიზარდა. ასეთი მკვეთრი ნახტომი გამოწვეულია უკანონო მაინინგით, რომელსაც ხელისუფლება წარუმატებლად ებრძოდა მთელი ამ წლების განმავლობაში.
აფხაზეთის ომის დასრულებისთანავე დადებული ჯენტლმენური ხელშეკრულების თანახმად, აფხაზეთი 40%-ს იღებს კონფლიქტის ზონაში მდებარე ენგურის ჰიდროელექტროსადგურიდან (დარჩენილი 60% ქართულ მხარესთნ მიდის). მაგრამ ბოლო წლებში სოხუმი აშკარად ჩამორჩა ამ კვოტას.
ბოლო დრომდე დეფიციტის ნაწილი იფარებოდა რუსეთიდან ელექტროენერგიის ჰუმანიტარული მიწოდებით, ნაწილი კი რუსეთიდან შესყიდვებით.
მაგრამ ჯერ კიდევ არ არის საკმარისი ელექტროენერგია.
მას შემდეგ, რაც რუსეთმა 2023 წლის ნოემბერში უარი თქვა იმაზე, რომ აფხაზეთს ჰუმანიტარული ელექტროენერგია მიაწოდოს, პრობლემა კიდევ უფრო გაღრმავდა.
აფხაზეთის ხელისუფლება იმედოვნებს, რომ ენერგომომარაგების პრობლემა აპრილის ბოლომდე გადაწყდება, როცა მთაში თოვლის დნობა დაიწყება და შესაბამისად, ენგურის კაშხალზე წყლის დონეც მოიმატებს.
სტატია მომზადებულია სოხუმის რედაქციის მიერ და პროექტის პირობების თანახმად, დაბეჭდილია უცვლელად. ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო
