აფხაზეთის მართლმადიდებელი ეკლესიის მეთაურმა რუსეთის მართლმადიდებლურ ეკლესიას ულტიმატუმი წაუყენა
აფხაზეთის მართლმადიდებლური ეკლესია
აფხაზეთის მართლმადიდებელი ეკლესიის მეთაურმა, მამა ვისარიონ აპლიამ რუსეთის მართლმადიდებელ ეკლესიას ულტიმატუმი წაუყენა და მოითხოვა აფხაზეთის რუსეთის ეკლესიის მფარველობის ქვეშ მოხვედრა, კანონიკური სტრუქტურის საკითხის მოგვარება და აფხაზური დიასპორისთვის მოსკოვში ტაძრის გამოყოფა, წინააღმდეგ შემთხვევაში ის რუსეთის მართლმადიდებლური ეკლესიის მღვდელმსახურებს, რომლებიც ადგილობრივ ეკლესიებში მსახურობენ, აფხაზეთიდან განდევნით ემუქრება. ყველა ეს მოთხოვნა მამა ვისარიონმა მაისის ბოლოს მოსკოვისა და სრულიად რუსეთის პატრიარქ კირილს წერილით აცნობა.
ოფიციალურად, აფხაზეთი საქართველოს მართლმადიდებელი ეკლესიის კანონიკური ტერიტორიის ნაწილია, მაგრამ აფხაზეთის ომის დასრულების შემდეგ, ადგილობრივი სასულიერო პირები და მრევლი არ ცნობენ ქართული ეკლესიის ძალაუფლებას.
აფხაზეთში მართლმადიდებლური სტრუქტურების სახით ფუნქციონირებს ორი არაღიარებული ეკლესია – აფხაზეთის მართლმადიდებლური ეკლესია მამა ვისარიონ აპლიას მეთაურობით და აფხაზეთის წმინდა მიტროპოლია არქიმანდრიტ დოროფეი დბარის მეთაურობით.
- მეუფე შიო: ამ კანონის მომხრეთა და მოწინააღმდეგეთა შორისაც არიან ეკლესიის წევრები
- უკრაინა რუსულ მართლმადიდებლურ ეკლესიას აძევებს – დეტალები და კონტექსტი
ეს ორი სასულიერო პირი ერთმანეთთან კონფლიქტშია და განსხვავებული შეხედულებები აქვთ აფხაზეთის საეკლესიო პრობლემების გადაჭრის გზებსა და მეთოდებზე, რომელთაგან მთავარია ეპისკოპოსის არარსებობა და, შესაბამისად, ადგილობრივი მღვდლების ხელდასხმის შესაძლებლობა.
მამა ვისარიონი ყურადღებას ამახვილებს რუსეთის მართლმადიდებლურ ეკლესიაზე, რომელშიც მას დიდი კავშირები აქვს. ხოლო მისი მოწინააღმდეგე არქიმანდრიტი დოროთეოსი, რომელმაც მიიღო წოდება კონსტანტინოპოლის მართლმადიდებლური ეკლესიისგან, დიდი ხანია ეძებს მსოფლიო პატრიარქის აღიარებას.
2024 წლის მაისის დასაწყისში ვისარიონ აპლია შეხვდა პატრიარქ კირილს და, როგორც ჩანს, დაჰპირდა დახმარებას სოხუმის ოფიციალური ხელისუფლების მიმართვის საფუძველზე.
თუმცა, როდესაც მამა ვისარიონი, რომელსაც აქვს ძლიერი გავლენა აფხაზეთის ხელისუფლებაზე, მოსკოვში აფხაზეთის პრეზიდენტ ასლან ბჟანიასთან და პარლამენტის თავმჯდომარე ლაშა აშუბასთან ერთად აპირებდა გამგზავრებას კირილთან შესახვედრად, აუდიენცია რუსეთის მართლმადიდებლური ეკლესიის ბრძანებით გაუქმდა.
ამის შემდეგ მამა ვისარიონმა გადაწყვიტა, ოფიციალური წერილი მიეწერა პატრიარქ კირილისთვის, რათა დასახულიყო მისი მოთხოვნები.
სტატია მომზადებულია სოხუმის რედაქციის მიერ და პროექტის პირობების თანახმად, დაბეჭდილია უცვლელად. ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო
