მოსამართლეები პიჟამებით გამოცხადდნენ

“ნატიკი დაახლოებით 22:30-ზე დააკავეს და გენპროკურატურის მძიმე დანაშაულების საგამოძიებო სამმართველოში მიიყვანეს, – ამბობს ნატიკ ჯაფარლის ადვოკატი, ჯავად ჯავადლი, – დაახლოებით შუაღამისას კი გადაიყვანეს მძიმე დანაშაულების სასამართლოში, სადაც განსასჯელს ნაჩქარევად მიუსაჯეს ოთხთვიანი პატიმრობა. პროცესზე მოსამართლეები პიჟამებით გამოცხადდნენ.”

12-13 აგვისტოს ღამით ცნობილი ეკონომისტი, და საზოგადოებრივ-პოლიტიკური მოძრაობა “რე-ალის” მმართველობითი ორგანოს წევრი, ნატიკ ჯაფარლი დააკავეს.

ადვოკატის თქმით, პოლიტიკოსსა და ეკონომისტს წარედგინა ბრალდება 192-ე მუხლის პირველი პუნქტისა (უკანონო სამეწარმეო საქმიანობა) და 308-ე მუხლის მეორე პუნქტის (თანამდებობრივი მდგომარეობის ბოროტად გამოყენება, რომელსაც მძიმე შედეგები მოჰყვა, ან არჩევნებისა თუ რეფერენდუმის შედეგზე ზეგავლენის მიზნით) მიხედვით: “პატიმრობის ასეთი ვადები მძიმე დანაშაულების შემთხვევებში ინიშნება, მუხლი № 192.1 კი საერთოდ დეკრიმინალიზებულია, – ამბობს ადვოკატი, – ამ გადაწვეტილების შეცვლას სააპელაციო სასამართლოში შევეცდებით.”

მისი თქმით, ამჟამად ნატიკ ჯაფარლი ქიურდახანის №1 საგამოძიებო იზოლატორში იმყოფება. ჯაფარლის ადვოკატი და კოლეგები მიიჩნევენ, რომ ჯაფარლის დაკავებას სინამდვილეში პოლიტიკური მიზეზები აქვს.

“ნატიკი ცნობილია კრიტიკული ინტერვიუებითა და სოციალურ ქსელებში გამოქვეყნებული სტატიებით, სადაც ის ბევრს მსჯელობდა კორუფციაზე, ნავთობის ფასის დაცემასა და მანათის დევალვაციაზე. შესაძლოა, მისი დაპატიმრების მიზეზი სწორედ ეს იყოს,” – ამბობს ნატიკის თანამებრძოლი, “რე-ალის” წევრი, ნიჯათ მელიქოვი.

“ილგარ მამედოვი, “რე-ალის” ხელმძღვანელი, უკვე ოთხი წელია, ციხეში იმყოფება. მცირე ხნის წინათ სამწლიანი პატიმრობის შემდეგ, მოძრაობის მმართველობითი უწყების ერთ-ერთი წევრი, რასულ ჯაფაროვი გათავისფლდა, ახლა კი ნატიკ ჯაფაროვი დააპატიმრეს, – ამბობს ორგანიზაციის მმართველობითი ორგანოს კიდევ ერთი წევრი, ერქინ ჰადირლი, – რეფერენდუმის საკითხთან დაკავშირებით საინიციატივო ჯგუფის შესაქმნელად “რე-ალმა” 45 ათასზე მეტი ხელმოწერა მოაგროვა. ნატიკის დაპატიმრება კიდევ უფრო მეტ ადამიანს შეკრებს “რე-ალის” გარშემო.”

“დასაპატიმრებლად მრავალი მიზეზი არსებობს, – ამბობს რასულ ჯაფაროვი, – პირველ რიგში, უნდა აღინიშნოს ის, რომ ნატიკი, როგორც აქტივისტი, დიდ დახმარებას უწევდა საპატიმროში მყოფ ილგარს და “რე-ალის” ყველაზე მნიშვნელოვან პროექტებზე აგებდა პასუხს. ამას გარდა, ის, როგორც ეკონომისტი, კრიტიკულ სტატიებსაც წერდა. მესამე მიზეზია დაგეგმილი რეფერენდუმი. სწორედ ის იყო პასუხისმგებელი იმ აგიტაციაზე, რომელიც ცენტრალურ საარჩევნო კომისიაში დარეგისტრირებულიდა. რაც შეეხება უკანონო მეწარმეობასთან დაკავშირებულ ბრალდებას, ეს საქმე ჯერ კიდევ ერთი წლის წინათ იყო აღძრული და, როგორც ჩანს, ხელისუფლებას იმედი ჰქონდა, რომ ნატიკი გაჩერდებოდა.”

პარტია “აზერბაიჯანის ეროვნული ფრონტის” ხელძღვანელმა, ალი ქერიმლიმ სოციალურ ქსელში, საკუთარ გვერდზე ასეთი “პოსტი” დაწერა: “დარწმუნებული ვარ, რომ ნატიკის დაპატირება მის საზოგადოებრივ-პოლიტიკურ მოღვაწეობასთანაა დკავშირებული. ვფიქრობ, რომ ეს გადაწყვეტილება პოლიტიკური რეპრესიების აქტია და მის გათავისფლებას მოვითხოვ.”

მმართველმა პარტიამ – “ახალი აზერბაიჯანი” – ეკონომისტის დაპატიმრებაზე კომენტარი საერთოდ არ გააკეთა. ამ მოვლენებამდე რამდენიმე ხნით ადრე საგარეო საქმეთა სამინისტროსა და პრეზიდენტთან არსებული საზოგადოებრივი ურთიერთობების განყოფილების უფროსს არაერთხელ განუცხადებიათ, რომ აზერბაიჯანში პოლიტპატიმრები საერთოდ არ არიან.

სოციალურ ქსელებში ამ ამბავს მხოლოდ პოლიტიკურად გამოწრთობილი მომხმარებლები განიხილავენ. ისინი თანაგრძნობასა და შავ იმორს გვერდს ვერ უვლიან. ზოგჯერ განხილვისა და დისკუსიის საგნად თავად მოძრაობა “რე-ალი” იქცევა ხოლმე; სხვათა შორის, მისი წევრების დაპატიმრებების წყალობით, ის სულ უფრო მეტად იხვეჭს სახელს.

“როგორც ჩანს, “რე-ალი” ჯერჯერობით არც ისე ცნობილი ორგანიზაციაა, და ჩვენი ძვირფასი ნატიკის დაპატიმრება გახდა საჭირო იმის მისახვედრად, რომ:
1. “რე-ალი” მართლაც რეალური ალტერნატივაა;
2. რეფორმები არ განხორციელდება და საჭიროა ბოლომდე დგომა, პოზიციების გამაგრება და ლოდინი იქამდე, როდესაც ყველაფერი თავისით დაინგრევა.”

“ფეისბუკში საკუთარი გვერდი აქვს გახსნილი. არ არის გამორიცხული, რომ უკანონო მეწარმეობაში დამდონ ბრალი და ციხეში ჩასვან.”

“ჩვენ ამას მივეჩვიეთ და ჩვეულებრივ მოვლენად აღვიქვამთ. ვხვდებით, რომ ამ გზაზე დაპატიმრებები და ძალადობა გარდაუვალია. “რე-ალის” წევრებო, გამაგრდით. დღეს ერთიანობა განსაკუთრებით გჭირდებათ.”

საზოგადოებრივი ორგანიზაცია “რე-ალი” 26 სექტემბრისთვის დაგეგმილი რეფერენდუმის საწინააღმდეგო აგიტაციის დაწყებას აპირებს. მოძრაობაში მიაჩნიათ, რომ მოსალოდნელი რეფორმები პრეზიდენტის ძალაუფლებას გააძლიერებს და საზოგადოებას უკანასკნელ თავისუფლებებს წაართმევს. ნატიკ ჯაფარლის არაერთხელ განუცხადებია, რომ ამ ცვლილებებს ეწინააღმდეგება.

უკვე 4 წელია, რაც მოძრაობის ხელმძღვანელი, ილგარ მამედოვი დაპატიმრებულია. მას ისმაილის რაიონში არეულობის ორგანიზება ედება ბრალად. მიუხედავად იმისა, რომ ადამიანის უფლებათა ევროპულმა სასამართლომ გადაწყვეტილება შეცვალა, მამედოვი მაინც ციხეში რჩება. Amnesty International-მა ილგარ მამედოვი სინდისის პატიმრად აღიარა. ევროპის საბჭოს გენერალურმა მდივანმა, ტორბიორნ იაგლანდმა აზერბაიჯანი გაკიცხა იმის გამო, რომ ეს ქვეყანა გათავისფლების ვალდებულებას არ ასრულებს.

გამოქვეყნდა: 14.08.2016