ჩრდილოეთ ოსეთი აფხაზეთს შამილ ბასაევის დეჰეროიზაციისკენ მოუწოდებს
ბასაევის პორტრეტი
ჩრდილოეთ ოსეთის ომბუდსმენმა, ტამერლან ცგოევმა თავის აფხაზ კოლეგას, ანა ქიშმარიას მიმართა ოფიციალური მოწოდებით, “დეჰეროიზაცია მოახდინოს ტერორისტი შამილ ბასაევის“, რომლის პორტრეტიც კიდია აფხაზეთის სახელმწიფო მუზეუმში. ცგოევმა ასევე მოითხოვა ბასაევის საპატიო წოდებებისა და ჯილდოების, მათ შორის აფხაზეთის გმირის წოდების ჩამორთმევა.
ბასაევის პორტრეტი გამოფენილია თანამედროვე ისტორიის დარბაზში “აფხაზეთის გმირების” ფარგლებში. უფრო მეტიც, ის იქ გუშინ არ გამოჩენილა, პორტრეტი 2012 წლიდან არის ჩამოკიდებული.
ჩრდილოეთ ოსეთში ბასაევის განდიდება ძალიან მტკივნეულად აღიქმება, რადგან სწორედ მან მოაწყო 2004 წლის 1 სექტემბერს ჩრდილოეთ ოსეთის ქალაქ ბესლანის სკოლის ტრაგედია.
„ბასაევის პორტრეტის არსებობა მუზეუმში არა მხოლოდ მორალურად მიუღებელია, არამედ არღვევს ტერორისტული თავდასხმების შედეგად დაზარალებული რუსი მაცხოვრებლების უფლებებს“, – ამბობს ომბუდსმენი ტამერლან ცგოევი.
ის დასძენს, რომ ეს ასევე ეწინააღმდეგება საერთაშორისო კონტრტერორისტულ კონვენციებს და ქმნის დაუსჯელობის კლიმატს მათთვის, ვინც ჩადენს ძალადობრივ აქტებს.
აფხაზეთის ომბუდსმენი მოწოდებას ჯერ არ გამოხმაურებია, ხოლო მუზეუმის ადმინისტრაციამ განაცხადა, რომ პორტრეტს მხოლოდ სასამართლოს ოფიციალური გადაწყვეტილების ან ბასაევის გმირის წოდების ჩამორთმევის შემდეგ ჩამოხსნის.
- ივანიშვილის შემდეგი ნაბიჯი უნდა იყოს ბოდიშის მოხდა აფხაზებისთვის. მოსაზრება
- 1992 წელი – ანუ როგორ იწყებოდა ომი აფხაზეთში
- ვლადიკავკაზში ქართულ-რუსული დახურული შეხვედრა გაიმართა. რას ამბობენ ამის შესახებ ცხინვალში
სტატია მომზადებულია ცხინვალის რედაქციის მიერ და პროექტის პირობების თანახმად, დაბეჭდილია უცვლელად.ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო
