2016 წელს სომხეთში გამართლდა 187 ადამიანი

2016 წელს სომხურმა სასამართლოებმა 160 გამამართლებელი განაჩენი გამოიტანეს, რაც 187 ბრალდებულს შეეხო.  ყველა გამართლებული ადამიანიდან 140 სრულად არის რებილიტირებული, 47- ნაწილობრივ. 76 ადამიანის მიმართ 2016 წლის 30 დეკემბრის განაჩენი უკვე ძალაშია შესული.

სრულად გამართლებული მოქალაქეების რაოდენობა, შარშანდელთან შედარებით, 30 ადამიანით გაიზარდა (19,1%).

და ეს იმ დროს, როდესაც 2007 წელს სომხეთში გამამართლებელი განაჩენის გამომტან მოსამართლეებს სჯიდნენ. კერძოდ, მართლსაჯულების საბჭოს დისციპლინურმა კომისიამ მიიღო გადაწყვეტილება პირველი ინსტანციის მოსამართლე პარგევ ოგანიანისთვის მოსამართლის უფლებამოსილების შეწყვეტის შესახებ, მიუხედავად იმისა, რომ სომხეთში მოსამართლეები სამუდამოდ ინიშნებიან.

გასული წლის სტატისტიკის თანახმად, ყველაზე ხშირად მართლდებოდნენ საშუალო სიმძიმის დანაშაულებში ბრალდებული ადამიანები.

• ნაკლებად  მძიმე დანაშაულებში ბრალდებული 41 ადამიანი გამართლდა(21,9% );
• საშუალო სიმძიმის დანაშაულებში ბრალდებული – 84 (44,9%)
• მძიმე დანაშაულებებში ბრალდებული -38 (20,3%);
• განსაკუთრებით მძიმე დანაშაულში ბრალდებული – 4 (2,2%).

ყველაზე ხშირად რეაბილიტირებულ მოქალაქეებს წარდგენილი ჰქონდათ სომხეთის სისხლის სამართლის კოდექსის შემდეგი მუხლები:

-ნაკლებად მძიმე დანაშაულები

ხულიგნობა – 4 ადამიანი;

დოკუმენტების, შტამპების, ბეჭდების, ბლანკების, სატრანსპორტო საშუალებების სარეგისტრაციო ნომრების გაყალბება, რეალიზაცია ან გამოყენება – 3 ადამიანი

-საშუალო სიმძიმის დანაშაულები

თანამდებობრივი გაყალბება – 9 ადამიანი;

ქურდობა – 8 ადამიანი;

თაღლითობა – 8 ადამიანი.

– მძიმე დანაშაულები

ქურდობა- 9 ადამიანი

ნარკოტიკების არალეგალური ბრუნვა, ფსიქოტროპული საშუალებებისა და მათი პრეკურსორების უკანონო რეალიზაცია ან წარმოება – 8 ადამიანი;

– განსაკუთრებით მძიმე დანაშაულები

სახელმწიფო ღალატი – 1 ადამიანი

მკვლელობა – 2 ადამიანი

ქრთამის აღება – 1ადამიანი

187 სრულად გამართლებული მოქალაქიდან მხოლოდ ორი არასრულწლოვანია (1,1%). 169 (90,4%) მათგანი – – მამკაცია, 18 (9,6%) – ქალი.

მათ შორის ფაქტობრივად დაპატიმრებული იყო 42 ადამიანი (22,4%).