2016 წელს სომხეთის სახელმწიფო ვალი დაახლოებით 900 მილიონი დოლარით გაიზარდა

სომხეთის სახელმწიფო ვალმა, 2016 წლის 31 დეკემბრის მონაცემებით, 5, 93 მილიარდი დოლარი შეადგინა. გასული წლის იმავე პერიოდში ის 5,07 მილიარდ დოლარს შეადგენდა. ანუ 2016 წლის განმავლობაში სახელმწიფო ვალი დაახლოებით 900 მილიონი დოლარით(16,9%) გაიზარდა. ამავდროულად, ახალი მთავრობის მუშაობის პერიოდში – 2016 წლის 30 სექტემბრიდან, ვალი 373 მილიონი დოლარით გაიზარდა. ყველა ციფრი ფინანსთა სამინისტრომ წარმოადგინა.

2016 წლის ბოლოს სომხეთის სახელმწიფო ვალიდან  საგარეო ვალის წილი 4,79 მილიარდ დოლარს 80,85%-ს შეადგენდა.

მიუხედავად იმისა, რომ სახელმწიფო ვალი არ აჭარბებს შიდა მოხმარების პროდუქტთან მიმართებით  დასაშვებ ნორმას – 60%, საერთაშორისო სავალუტო ფონდის მონაცემებით, სახელმწიფო ვალთან დაკავშირებული საფრთხის შეფასების უმთავრესი მაჩვენებელი მაინც მისი ექსპორთან შესაბამისობაა. ამ მჩვენებლის მიხედვით კი, სომხეთმა უკვე დიდი ხნის წინ გადაკვეთა სტაბილურობის ზღვარი. 2016 წელს საგარეო ვალისა და სომხეთის ექსპორტის მოცულობის თანაფარდობამ  295% შეადგინა, დასაშვები 200%-ის ნაცვლად.

გამოცემა Lragir.am წერს, რომ 2016 წელი სომხეთისთვის არცთუ წარმატებულად წარიმართა: ეკონომიკურმა ზრდამ,  გათავლისწინებული 2, 1%-ის ნაცვლად, 0,5% შეადგინა, წლის განმავლობაში შემცირდა საზღვარგარეთიდან ფულადი გადარიცხვები (ტრანსფერტები) და უცხოური ინვესტიციები, სახელმწიფო ვალი კი გაიზარდა – ძირითადად ქვეყნის შიგნიდნ მომავალი ნეგატიური იმპულსების გამო.

საგარეო ვალის უდიდესი ნაწილი – 84% – საერთაშორისო ორგანიზაციების კრედიტებზე მოდის. 2016 წელს ყველაზე მსხვილი კრედიტორია საერთაშორისო განვითარების ასოციაცია (IDA), რომლის წილიც სომხეთის საგარეო ვალის 32%-ს შეადგენს.

გარდა ამისა, სომეთს მართებს – რეკონსტრუქციისა და განვითარების საერთაშორისო ბანკის (17,7%), განვითარების აზიური ბანკის (14,9%), ასევე – საერთშორიოსო სავალუტო ფონდის (3,8%).

ამ ორგანიზაციებიდან მიღებული სახსრები მოხმარდა ადგილობრივი ეკონომიკისა და ინფრასტრუქტურის განვითარებას, ენერგეტიკის სისტემის გაჯანსაღებას,  რეგიონული მნიშვნელობის  სომხეთ-საქართველოს  სასაზღვრო გზის მონაკვეთის შეკეთებას, სახელმწიფოთაშორისი გზების მშენებლობას, ქალაქ  გიუმრის ქუჩების შეკეთებას, ვედის წყალსაცავის მშენებლობას.

ქვეყნებიდან სომხეთის უმსხვილესი კრედიტორია – იაპონია, რომლის წილიც სომხეთის დავალიანების 7,1%-ს შეადგენს. კრედიტორი ქვეყნების რიცხვშია ასევე – გერმანია (3%), საფრანგეთი(2,4%), რუსეთის ფედერაცია (1,5%), და ამერიკის შეერთებული შტატები (0,6%).