ყარაბაღისა და აზერბაიჯანის გამყოფ ზოლზე გადამღებ ჯგუფს ცეცხლი გაუხსნეს, დაჭრილია სომხური ტელეკომპანიის ოპერატორი

ყარაბაღისა და აზერბაიჯანის გამყოფი ზოლის ჩრდილოეთ ნაწილში გუშინ საღამოს სროლაში მოჰყვა ერევნის ტელეკომპანია „შანტის“ გადაცემა „დირკერუმის“ („პოზიციებზე“) გადამღები ჯგუფის მანქანა. ამის შესახებ სომხური მედია იუწყება.

ტელეკომპანიის ავტომობილს მსხვილკალიბრიანი იარაღიდან გაუხსნეს ცეცხლი, რის შედეგადაც პროგრამის ოპერტორი დავიდ ატოიანი დაიჭრა. სხვა არავინ დაშავებულა.

დილით ოპერატორს სტეფანაკერტის ჰოსპიტალში ოპერაცია ჩაუტარდა.

გადაცემის ავტორის, არშაკ ზაქარიანის თქმით, დავიდ ატოიანი ფეხში დაიჭრა. ოპერაციის შემდეგ მისი მდგომარეობა შეფასებულია, როგორც ნორმალური.