აფხაზეთში მომხდარმა წალდიდობამ ბევრი გზა და სახლი მახედ აქცია. ვიდეოგამოძიება

ივნისის შემდეგ აფხაზეთში თითქმის ერთმანეთის მიყოლებით სამი ძლიერი წყალდიდობა მოხდა, რამაც რესპუბლიკაში სერიოზული პრობლემები შექმნა. ადგილობრივების თქმით, წყალდიდობები წარმოუდგენლად დიდი რაოდნობის ნალექმა, კოკისპირულმა წვიმებმა გამოიწვია. მაგალითად, 3-4 აგვისტოს ღამით, სამი საათის განმავლობაში 240 მილიმეტრი ნალექი მოვიდა – არადა, საშუალო თვიური მაჩვენებელი 120 მილიმეტრია.

ქრონოლოგიურად, უკანასკნელი წყალდიდობა 23 სექტემბერს მოხდა.

“სოხუმში იმდენად ძლიერი წვიმა მოვიდა, წვიმის წვეთები ისეთი სიძლიერით ეხეთქებოდა მინებს, რომ წყალმა ორმაგი “მინაპაკეტი”  გაარღვია. თითქოს ფანჯრის იქით სახანძრო ბრანდსპოიტი მუშაობდა,” – იუწყებიან JAMnews-ის ჟურნალისტები.

სოხუმისა და სოხუმის რაიონის ბევრი მდინარე რამდენჯერმე ადიდდა. საბედნიეროდ, არავინ დაღუპულა და არავინ დაშავებულა, მაგრამ წალმა კერძო სახლების სარდაფები და პირველი სართულები დააზიანა. წვიმამ გზები და ქუჩები გადარეცხა.

მოქალაქეებისგან ათასამდე განცხადება შევიდა მოთხოვნით, რომ გაიწმინდოს იმ მდინარის კალაპოტი, რომელიც ყოველი ძლიერი წვიმის შემდეგ ტბორავს ქალაქს.

მაგრამ სოხუმის მერი, ადგურ ხარაზია ამბობს, რომ ადგილობრივები უნდა ხვდებოდნენ, რომ წყალდიდობა და ნგრევა დიდწილად თავად მოსახლეობის ბრალია.

“კომუნალური გადასახადების თვიური მოსაკრებელი  სულ რაღაც 76 რუბლია [ერთ დოლარზე ოდნავ მეტი], მაგრამ ამ თანხას მოსახლეობის მხოლოდ 5 პროცენტი იხდის. ამასთან, ხალხი ნაგავსა და სხვადასხვა სახის საყოფაცხოვრებო ნარჩენებს პირდაპირ მდინარეში ყრის.”

ვინ არის დამნაშავე, სხვა საკითხია. ახლა, როდესაც სახლებში ცხოვრება ჭირს, გზებზე კი შეუძლებელია გავლა, ადამიანებისთვის ყველაზე მნიშვნელოვანია შეკითხვაა: “რა უნდა გაკეთდეს და, რაც მთავარია, როდის გაკეთდება.” ზოგი  იძლებულია, საკუთარ სახლში ოთხად მოკეცილი შევიდეს.

სტატიაში გამოთქმული მოსაზრებები, ტერმინები და პოზიცია მთლიანად ავტორს ეკუთვნის და, შესაძლოა, რედაქციის აზრს არ ემთხვეოდეს. 

გამოქვეყნებულია: 4.10.2016