ფიფას მსოფლიოს ოქროს თასი სომხეთში პირველად ჩაიტანეს

სომხეთში ფიფას მსოფლიოს ოქროს თასი პირველად ჩაიტანეს.

2006 წლიდან ფეხბურთის ყველა ჩემპიონატის წინ, ფიფას ორგანიზებით, თასის ტურნე ტარდება. ცნობილ თასს, რომელიც  6,2 კგ-ს იწონის, სხვადასხვა ქვეყნის ფეხბურთის ფანებს წარუდგენენ. წელს თასი 50 ქვეყანას მოივლის, 24 მათგანში კი მას პირველად წარადგენენ.

სომხეთში თასი მადრიდის „რეალის“ ყოფილმა მოთამაშემ და საფარნგეთის ნაკრებში 1998 წლის მსოფლიოს ჩემპიონმა კრისტიან კარემბუმ ჩამოიტანა.

„20 წლის წინ საფრანგეთის ეროვნული ნაკრების წევრ ჩემს თანაგუნდელებთან ერთად მე ეს თასი მოვიპოვე. ვფიქრობ, იცით, რომ ამ გუნდში სომხებიც თამაშობდნენ – იური ჯორკაეფი და ალენ ბოგოსიანი. ძალიან მიხარია, რომ ამ თასს წარმოგიდგენთ“,  – თქვა კრისტიან კარემბუმ.

თასი ზუსტად ერთი საათის განმავლობაში იდგა ერევნის თავისუფლების მოედანზე. ფეხბურთის გულშემატკივრებს მისი ნახვა შეეძლოთ, მაგრამ მისთვის ხელით შეხების ნებას არავის აძლევდნენ. ამის უფლება მხოლოდ მსოფლიოს ჩემპიონებსა და ქვეყნების მეთაურებს აქვთ.