სომხეთში ქვეყნის ყოფილი პრეზიდენტი რობერტ კოჩარიანი პატიმრობიდან გაათავისუფლეს

რობერტ კოჩარიანი სომხეთის პრეზიდენტი 1998-2008 წლებში იყო, მისი დაპატიმრება 2008 წლის 1-2 მარტის მოვლენებს უკავშირდება. 2008 წლის 19 თებერვლის საპრეზიდენტო არჩევნების შემდეგ ქვეყანაში მღელვარება დაიწყო – იმ პოლიტიკური ბლოკის მომხრეები, რომელსაც ქვეყნის პირველი პრეზიდენტი ლევონ ტერ-პეტროსიანი ედგა სათავეში, ირწმუნებოდნენ, რომ არჩევნებში ტერ-პეტროსიანმა გაიმარჯვა, და არჩევნების შედეგების გადახედვას ითხოვდნენ.

ცენტრალურმა საარჩევნო კომისიამ, კენჭისყრის შედეგების მიხედვით, გამარჯვებულად უკვე სერჟ სარგსიანი გამოაცხადა, თუმცა მას იმ მომენტისთვის თანამდებობრივი უფლებამოსილების აღსრულება ჯერ დაწყებული არ ჰქონდა – ქვეყნის პრეზიდენტი ჯერ ისევ რობერტ კოჩარიანი იყო. მან საგანგებო მდგომარეობა შემოიღო. 2008 წლის 1 მარტს დემონსტრაციის დარბევის დროს გამოყენებული იყო საბრძოლო იარაღი, დაიღუპა 10 ადამიანი – რავა სამოქალაქო პირი და  პოლიციის ორი თანამშრომელი.