სომხეთის პრემიერ-მინისტრად არჩეულია ხავერდოვანი რევოლუციის ლიდერი
13:33, 8 მაისი
კენჭისყრის შედეგების მიხედვით, სომხეთის რესპუბლიკური პარტიის ხელისუფლების საწინააღმდეგო მოძრაობის ლიდერი ნიკოლ ფაშინიანი სომხეთის პრემიერ-მინისტრი გახდა. მის სასარგებლოდ ხმა 59 დეპუტატმა მისცა, წინააღმდეგი იყო – 42. მისი არჩევისთვის აუცილებელი იყო 53 ხმა. არჩევნების მეორე ტურში ნიკოლ პაშინიანს ხმა ყოფილი მმართველი რესპუბლიკური პარტიის დეპუტატებმაც მისცეს.
რესპუბლიკელების ფრაქციის ხელმძღვანელი არჩევნებამდე ფაშინიანისა და მისი მომხრეების მისამართით მკვეთრი კრიტიკით გამოვიდა. ბაგრამ ბაღდასარიანმა განაცხადა, რომ პარტია თავისი პირობის ერთგული დარჩება და ოპოზიციის ლიდერის არჩევას ხელს შეუწყობს, მიუხედავად იმისა, რომ ისინი ისევ საკუთარ აზრზე რჩებიან – ფაშინიანის კანდიდატურას ეწინააღმდეგებიან.
თავის დასკვნით სიტყვაში ნიკოლ ფაშინიანმა მადლობა გადაუხადა ყველა პოლიტიკურ ძალას მისი არჩევის საკითხში დაკავებული პოზიციისთვის და გამოსვლა შემდეგი სიტყვებით დაასრულა „ვემსახურები სომხეთის რესპუბლიკას, ვემსახურები სომეხ ხალხს“.
12:00, 8 მაისი
პარლამენტის სხდომა დაიწყო. სავაუდოდ, ამჯერად ის საათების განმავლობაში არ გაგრძელდება, რადგან პრემიერ-მინისტრობის კანდიდატ ნიკოლ ფაშინიანს არჩევნების პირველი ტურის დროს დეპუტატებმა უკვე ყველა შეკითხვა დაუსვეს – და უკვე ყველა პასუხი მიიღეს.
09:25, 8 მაისი
დღეს სომხეთში 12:00 სომხეთის პრემიერ-მინისტრის არჩევნების მეორე ტურია დანიშნული. არსებობს ყველა საპარლამენტო ძალის წინასწარი მოლაპარაკება იმის თაობაზე, რომ ამჯერად პრემიერს აირჩევენ. როგორც პირველ ტურში იყო, ახლაც ერთადერთი კანდიდატი ოპოზიციური ფრაქცია „ელკის“ ხელმძღვანელი ნიკოლ ფაშინიანია.
23 აპრილს სომხეთის რესპუბლიკური პარტიის ლიდერი სერჟ სარსიანი, რომლის პარტიაც პარლამენტში უმრავლესობას წარმოადგენს, გადადგა. მან ამ თანამდებობაზე ერთ კვირაზე ნაკლები დაჰყო. მის გადადგომას ითხოვდა ოპოზიციური მოძრაობა, რომელმაც ძალის და ათასობით მომხრეს მოკრება 13 აპრილს დაიწყო. სერჟ სარგსიანის გადაგომის შემდეგ დაუმორჩილებლობის მოძრაობა მოქმედი ხელისუფლების წინააღმდეგ ბრძოლას აგრძელებდა, და პრემიერ-მინისტრის თანამდებობაზე საკუთარი ლიდერის, პარლამენტის დეპუტატისა და ოპოზიციური ფრაქცია „ელკის“ ხელმძღვანელის, ნიკოლ ფაშინიანის დანიშვნას მოითხოვს.
არჩევნების პირველი ტური 1 მაისს ჩატარდა. კანდიდატს, რომელსაც სახალხო მოძრაობა უჭერდა მხარს, პარლამენტში წარმოდგენილი ოთხი პოლიტიკური ძალიდან სამმა ხმა მისცა. მაგრამ მათი ხმების რაოდენობა საკმარისი არ აღმოჩნდა. საპარლამენტო უმრავლესობამ ფაშინიანის არჩევა ჩაშალა.
საპასუხოდ, მოძრაობის მონაწილეებმა დედაქალაქში საგზაო მოძრაობა ისევ გადაკეტეს – როგორც ეს პროტესტის დასაწყისში ხდებოდა. მაგრამ ამჯერად გადაიკეტა სახელმწიფოთაშორისი გზები, და მუშაობა შეწყვიტა აეროპორტმა. 2 მაისს სომხეთის რესპუბლიკურმა პარტიამ განაცხადა, რომ ქვეყანაში სტაბილურობის შენარჩუნების გამო, მზად არის პროტესტების ლიდერ ფაშინიანს მხარი დაუჭიროს.
პარლამენტის ვიცე-სპიკერმა და მმართველი რესპუბლიკური პარტიის პრეს-მდივანმა ედუარდ შარმაზანოვმა წინა დღეს განაცხადა:
„ჩვენ, რესპუბლიკური პარტია, სომხეთის პრემიერ-მინისტრობის კანდიდატთან დაკავშირებით ისევ საკუთარ აზრზე ვრჩებით. მაგრამ ჩვენ ხელს შევუწყობთ პაშინიანის არჩევას. სომხეთს ხვალ პრემიერ-მინისტრი ეყოლება – ყოველ შემთხვევაში, სომხეთის რესპუბლიკური პარტია, თავის მხრივ, ამას უზრუნველყოფს. რესპუბლიკური პარტიის მხრიდან საკმარისი ხმები დაემატება, რათა სახალხო კანდიდატი სომხეთის პრემიერ-მინისტრი გახდეს“.
მას არ დაუზუსტებია, თუ კონკრეტულად ვინ დაუჭერს მათი პარტიიდან მხარს ოპოზიციონერ კანდიდატს. მაგრამ სომხეთის მედიაში ნათქვამი იყო, რომ ფაშინიანს მხოლოდ ის დეპუტატები მისცემენ ხმას, ვინც მანამდე მისი მისამართით პრინციპული კრიტიკით არ გამოსულა.
საპროტესტო მოძრაობის ლიდერის ასარჩევად საჭიროა 53 ხმა. ოპოზიციური ფრაქციები „ელკი“, „ცარუკიანი“ და მათთან შეერთებული პარტია „დაშნაკცუტიუნი“ ერთად 47 ხმას აგროვებენ.
თავად ფაშინიანმა განაცხადა, რომ მეორე ტურში მისი არჩევის ალბათობა 90 პროცენტზე მაღალია. თუმცა, მან თავის მომხრეებს არჩევნების დაწყებამდე ერთი საათით ადრე ერევნის მთავარ მოედანზე შეკრებისა და მისი მხარდაჭერისკენ მოუწოდა, ისევე როგორც პირველ ტურში. ფაშინიანმა არჩევნების დღე, 8 მაისი, არასამუშაო დღედ გამოაცხადა:
„მეკითხებიან ვაპირებთ თუ არა ხვალ ისევ გაფიცვის გამოცხადებას. გპასუხობთ: არა. მაგრამ ხვალინდელ დღეს არასამუშაოდ ვაცხადებ“.
საკუთარი პროგრამის დეტალებს ფაშინიანი ჯერ არ ამხელს. თუმცა, უკვე არაერთხელ განაცხადა, რომ მისი არჩევის შემთხვევაში, მთავრობაში არ იქნებიან ოლიგარქები, და რომ ის რომელიმე სახის ბიზნესში მონოპოლიების არსებობას არ დაუშვებს.
მოძრაობის ლიდერი აცხადებს, რომ ყოფილი ხელისუფლების მიმართ ანგარიშსწორება არ იქნება, თუმცა პირობას დებს, რომ ის, ვინც კანონი დაარღვია, დაისჯება.
ფაშინიანის თქმით, მინისტრთა ახალი კაბინეტი ეროვნული თანხმობის ხელისუფლებას უნდა წარმოადგენდეს. და, შესაძლოა, მასში სომხეთის რესპუბლიკური პარტიის წარმომადგენლებიც შევიდნენ.
მოქმედმა პარტიამ კი უკვე განაცხადა, რომ პრემიერ-მინისტრის არჩევნების შემდეგ მზად არის ოპოზიციად იქცეს.
ამავდროულად, რესპუბლიკელები არ გამორიცხავენ ახალი მთავრობის პროგრამის უარყოფას, რაც სომხეთის პარლამენტის დათხოვნას გამოიწვევს. სომხეთის რესპუბლიკური პარტიის ხელმძღვანელმა ჟურნალისტებს უთხრა:
„თქვენ ეს პროგრამა გინახავთ? არც ჩვენ გვინახავს. წარმოადგენს, და ვნახოთ“.
