ირანელებმა სომხეთში ძროხები, კომბაინები და კანფეტები ჩამოიტანეს
დღეს ერევანში ირანული პროდუქციის გამოფენა გაიხსნა. წარმოდგენილია სრულიად სხვადასხვა საქონელი: საყოფაცხოვრებო და სასოფლო-სამეურნეო ტექნიკა, ტექსტილი და ტკბილეულიც კი.
ირანიდან სომხეთში ჩამოსული 49 კომპანიის წარმომადგენლების გარდა, გამოფენის გახსნაში ირანის მაღალი რანგის ჩინოვნიკები და მათი სომეხი კოლეგებიც მონაწილეობდნენ; სომხურმა და ირანულმა მხარეებმაც ამგვარი გამოფენების გამართვის მნიშვნელოვნება აღნიშნეს – ორივე ქვეყანაში.
„ეს გამოფენა – სავაჭრო-ეკონომიკურ სფეროში სომხურ-ირანული ურთიერთობების განვითარებისთვის მნიშვნელოვანი მოვლენაა. ირანელ პარტნიორებთან ერთად არაერთხელ აღგვინიშნავს, რომ საქონელბრუნვის თვალსაზრისით, სომურ-ირანული ურთიერთობა დამაკმაყოფილებლად არ შეიძლება მივიჩნიოთ, არსებობს დიდი არარეალიზებული პოტენციალი. ყველა ღონე უნდა ვიხმაროთ, რომ ამ სფეროში ურთიერთობის დონე ჩვენი მეგობრული ურთიერთობების დონემდე ავამაღლოთ“, – თქვა სომხეთის ეკონომიკური განვითარების და ინვესტიციებისა მინისტრმა სურენ კარაიანმა.
მისი აზრით, სომხეთსა და ირანს შუძლიათ ერთობლივი საწარმოები დააფუძნონ და ბიზნეს-თანამშრომლობა კიდევ უფრო მეტად განავითარონ.
საქონელბრუნვის მოცულობის გაზრდის აუცილებლობასა და სამომავლო მოლოდინებზე ლაპარაკისას, სურენ კარაინმა ისიც აღნიშნა, რომ მხოლოდ ამ წლის პირველი 7 თვის განმავლობაში ორმხრივი სავაჭრო-ეკონომიკური ბრუნვა 40%-ით გაიზარდა.
ორ ქვეყანას შორის უფრო მჭიდრო ეკონომიკური კავშირების დამყარების აუცილებლობაზე ირანის ოფიციალურმა პირებმაც ილაპარაკეს. სომხეთში ირანის ისლამური რესპუბლიკის საგანგებო და სრულუფლებიანმა ელჩმა სეიედ კაზემ საჯადიმ თქვა:
„ჩვენ სომურ-ირანული საქონელბრუნვა არ გვაკმაყოფილებს. მაგრამ თუ ამას ირანსა და სხვა ქვეყნებს შორის არსებულ საქონელბრუნვას შევადარებთ, მაშინ ჩვენთვის ეს შედეგები, ნებისმიერ შემთხვევაში, დამაკმაყოფილებელია“.
