სომხეთში არალეგალურად შეიტანეს აზერბაიჯანული ვაშლი. აღძრულია სისხლის სამართლის საქმე

სომხეთის ბაზარზე აზერბაიჯანული ვაშლის არალეგალურად შეტანას სისხლის სამართლის საქმის აღძვრა მოჰყვა. ამის შესახებ სომხეთის სახელმწიფო შემოსავლების კომიტეტი აცხადებს. რამდენიმე დღის წინათ სოციალურ ქსელებში აქტიურად განიხილებოდა ერევნის მაღაზიებში აზერბაიჯანულაქციზიანი მწვანე ვაშლების გამოჩენის ამბავი.

გამოქვეყნდა აზერბაიჯანული მუყაოს ყუთების ფოტოებიც, რომლებზეც ეწრა, რომ ეს ვაშლები კასპიისპირა ბაღებშია მოყვენილი, და რომ ეს ეკოლოგიურად სუფთა პროდუქტია. მაგრამ მოსახლეობა აღელვებული იყო, გაისმოდა ისეთი მოსაზრებაც, რომ აზერბაიჯანული ვაშლი შეიძლებოდა მოწამლული ყოფილიყო. სპეციალისტებმა ხალხს მოუწოდეს, რომ, პირველ რიგში, გაერკვიათ, თუ ვინ შეიტანა არალეგალურად ეს ვაშლი სომხეთში. სომხეთის საკვები პროდუქტების უსაფრთხოების სახელმწიფო სამსახურმა, როგორც იქნა, შეისწავლა ბაზარი და დაადასტურა, რომ ეს მართლაც აზერბაიჯანული ვაშლია. იმავდროულად, უწყებამ განაცხადა, რომ აზერბაიჯანული ვაშლის იმპორტიორის ვინაობა უცნობია, და მოსახლეობას მოუწოდა, რომ ეს ვაშლი არ ეყიდა.

სახელმწიფო შემოსავლების კომიტეტმა, თავის მხრივ, უკვე გამოავლინა, რომ სომხეთში ეს ვაშლი იმ პირებმა შემოიტანეს, რომლებიც არალეგალური ბიზნესით არიან დაკავებულები, და რომლებსაც, ვაჭრობის მიზნით, არაერთხელ აქვთ გადაკვეთილი სომხეთ-საქართველოს საზღვარი; მეტიც, მათ ბაგრატაშენის საბაჟოს ზოგიერთი თანამშრომელი მოისყიდეს კიდეც, რათა რესპუბლიკაში ეს ვაშლი შემოეტანათ.

ეს საქმე დაწვრილებით გამოსაკვლევად სომხეთის გენერალურ პროკურატურას გადაეცა.