სომხეთის ეროვნული არქივი საქართველოსგან დოკუმენტებს ყიდულობს

სომხური დოკუმენტები ყველა უცხოურ არქივში „სავალალო მდგომარეობაშია“. მაგალითად, საქართველოში უამრავი სომხური საარქივო დოკუმენტაცია ინახება. სომხეთის ეროვნული არქივი ქართველ კოლეგებთან თანამშრომლობს, და იმაზე ზრუნავს, რომ ეს საბუთები სომხეთში გადმოიტანოს; თუმცა, პრობლემა ისაა, რომ ეს დოკუმენტაცია უნდა იყიდონ. ამის შესახებ სომხეთის ეროვნული არქივის დირექტორი ამატუნი ვირაბიანი ჰყვება.

თბილისში დაცული დოკუმენტები ახალი და უახლესი ისტორიის ეტაპებს ასახავს, კერძოდ, სომხეთის პირველი რესპუბლიკის პერიოდს და სხვა უმნიშვნელოვანეს მოვლენებს.

„საქართველოს არქივთან ერთად ძალიან კარგად ვმუშაობთ, უმაღლეს დონეზე ვთანამშრომლობთ. უბრალოდ,  საქართველო ამგვარი პრინციპით მუშაობს – დოკუმენტები იყიდება. ჩვენც მოგვყიდეს – ფულს ვიხდით, და ასლებს ვიღებთ. თითო გვერდი 4 ლარი ღირს. გამოდის, რომ 30 გვერდში 75 ლარი (30 დოლარი) უნდა გადავიხადოთ“, – განმარტავს არქივის დირექტორი.