ცხინვალში ოპოზიცია ახალი ლიდერის, „კაგებეს“ ყოფილი თანამშრომლის გარშემო ერთიანდება. რას ნიშნავს ეს?
ვინ არის ალან გაგლოევი, “ნიხასი” სამხრეთ ოსეთში
სამხრეთ ოსეთის მთავარ ოპოზიციურ ძალას – პარტია „ნიხასს“ – ახალი ლიდერი გამოუჩნდა, 39 წლის ალან გაგლოევი. ვინ არის ის და ნიშნავს თუ არა ეს იმას, რომ ოპოზიციამ 2022 წელს გასამართი საპრეზიდენტო არჩევნებისთვის მზადება დაიწყო?
ვინ არის ალან გაგლოევი
პოლიტიკურ ველზე, სამხრეთ ოსეთის „კაგებეს“ მანამდე უცნობი თანამშრომელი, ალან გაგლოევი 2017 წელს, საპრეზიდენტო არჩევნების წინ გამოჩნდა.
„პოლიტიკაში გაგლოევი ახალი სახე იყო, მაგრამ 2017 წლის საპრეზიდენტო არჩევნებზე მან არცთუ ისე ცუდი შედეგი აჩვენა – ამომრჩეველთა ხმების 11 პროცენტი დააგროვა“, – ამბობს პოლიტიკური მიმომხილველი როლანდ ქელეხსაევი.
იმ საპრეზიდენტო არჩევნების შემდეგ, ალან გაგლოევი შეეცადა, საკუთარი წარმატება უფრო ძლიერ პოლიტიკურ ფუნდამენტად გადაექცია და პოლიტიკური გაერთიანება „ალანთა კავშირი“ შექმნა. თუმცა, იუსტიციის სამინისტრომ მას რეგისტრაციაზე უარი განუცხადა
• სამხრეთ ოსეთი: პრეზიდენტი და მეფე დემოკრატიის პირობებში
• სკანდალის შემდეგ, სამხრეთ ოსეთში ადამიანის უფლებებზე ალაპარაკდნენ
გაერთიანება უნდა მომხდარიყო სამხრეთ ოსეთის უძველესი პარტიის, „ნიხასის“ გარშემო, ალიანსის ორი სხვა წევრი – საგარეო საქმეთა ყოფილი მინისტრი დავიდ სანაკოევი იყო პარტია „ახალ ოსეთთნ“ ერთად და თავად ალან გაგლოევის „ალანთა კავშირი“.
მაშინვე ითქვა, რომ კოალიციის შექმნა რთული არ იყო, რადგან მათი პროგრამები დიდად არ განსხვავდებოდა ერთმანეთისგან: მთავარი პუნქტები – რუსეთთან სამოკავშირეო ურთიერთობები და სოციალურ-ეკონომიკურ საკითხებზე აქცენტი იყო.
რა არის პარტია „ნიხასი“
ამ მომენტისთვის „ნიხასმა“ სამხრეთ ოსეთის ძირითადი ოპოზიციური ძალები გააერთიანა. დავიდ სანაკოევმა საკუთარი პარტია დაშალა და 2019 წლის საპარლამენტო არჩევნების შემდეგ, „ნიხასის“ ლიდერი გახდა. პარტიამ მაშინ ოთხი დეპუტატის მანდატი მოიპოვა. სანამ სანაკოევი პარლამენტში პირველი ოპოზიციონერის პოზიციაზე იყო, ალან გაგლოევი ჩრდილში დარჩა, დაკავდა ბიზნესით და თავი ჟურნალისტებისგან შორს დაიჭირა.
და აი, 2 თებერვალს, პარტიამ ახალი თავმჯდომარის არჩევნები ჩაატარა და ალან გაგლოევის კანდიდატურას ერთხმად დაუჭირეს მხარი.
ამასთან, პარტიის ყოფილი ხელმძღვანელი, დავიდ სანაკოევი საერთოდ არ მივიდა ყრილობაზე.
სავარაუდოდ, სწორედ გაგლოევს წარადგენს „ნიხასი“ სამხრეთ ოსეთის პრეზიდენტობის კანდიდატად.
გაგლოევის კულუარული კავშირები მოქმედ ხელისუფლებასთან?
2019 წლის საპარლამენტო არჩევნებზე, ოპოზიციის ალიანსის დარეგისტრირებაზე უარის თქმა, ბევრმა სამხრეთ ოსეთის პრეზიდენტის, ანატოლი ბიბილოვის მხრიდან ოპონენტის პოლიტიკური პერსპექტივის დაბლოკვის მცდელობად შეაფასა.
თუმცა, ახლა, ბიბილოვმა დემონსტრაციულად მიულოცა ალან გაგლოევს „ნიხასის“ თავმჯდომარედ არჩევა.
„თქვენი პოტენციალი ნამდვილად უნდა იყოს გამოყენებული ჩვენ სასარგებლოდ“, – მისწერა ბიბილოვმა გაგლოევს.
ოპოზიციამ ეს სიტყვები შეაფასა ისე, რომ პრეზიდენტმა გაგლოევში კონკურენტის დანახვა შეწყვიტა – შესაძლოა, მოქმედ ხელისუფლებასთან გაგლოევის რაღაც კულუარული კავშირების გამო.
თავად ალან გაგლოევი, ჯერჯერობით, ნაადრევად მიიჩნევს საუბარს საპრეზიდენტო არჩევნებში თავის მონაწილეობაზე.
