სომხეთის პრემიერ-მინისტრი: რუსული კაპიტალი სომხეთის ბაზარს სათანადოდ ვერ აფასებს

“რუსული კომპანიები ჯერ კიდევ სათანადოდ ვერ აფასებენ სომხურ ბაზარს” – თქვა სომხეთის პრემიერ-მინისტრმა, კარენ კარაპეტიანმა რუსეთის ვაჭრობისა და მრეწველობის მინისტრის პირველ მოადგილესთან, გლებ ნიკიტინთან შეხვედრისას.

ის ასევე ამბობს, რომ მრეწველობის სფეროში სომხურ-რუსული თანამშრომლობის განვითარების რეალურ პერსექტივებს ხედავს –  თანამშრომლობის მიმართულებების ჩამოთვლისას (ტრანსპორტი, ავიაცია, ფარმაცევტიკა, ტურიზმი, სასტუმროს ბიზნესი), პრემიერ-მინისტრმა განსაკუთრებულად აღნიშნა საინფორმაციო ტექნოლოგიების სფეროში სომხურ კომპანიებთან მუშაობის მიმზიდველობა: “ჩვენთან არის ორგანიზაციები, რომელთა შვილობილი კომპანიები სილიკონის ველზე ფუნქციონირებენ, და არა პირიქით“.

მიუხედავად იმისა, რომ რუსული კაპიტალი ფართოდაა წარმოდგენილი სომხეთში, კარაპეტიანმა აღნიშნა, რომ რუსული კომპანიები მაინც არასაკმარისად იყენებენ სომხურ ბაზარს, კერძოდ: „მესამე ბაზრებზე  – ირანში, ევროპის კავშირზე გასვლის თვალსაზრისით. ამას შეიძლება მნიშვნელოვნად შეუწყოს ხელი მეგრიში თავისუფალმა სავაჭრო ზონამ და ევროკავშირთან ერთად მოქმედმა სისტემამ GSP+-მა“.

პოლიტიკურმა მიმომხილველმა აკოპ ბადალიანმა, კარენ კარაპეტიანის მიერ რუსული ბაზრისადმი ამ მიმართვის კომენტირებისას, როდესაც მან რუსეთს, სომხეთის საერთაშორისო მსხვილ ბაზრებზე გასასვლელ სივრცედ  განხილვა შესთავაზა, დაწერა: „კარაპეტიანის გზავნილს იმავდროულდ ქვეტექსტიც ჰქონდა – საერთაშორისო სანქციების პირობებში რუსული კაპიტალი მართლაც მძიმე სიტუაციაში აღმოჩნდა, და კარენ კარაპეტიანი რუსეთს ფაქტობრივად სთავაზობს, რომ სანქციებს სომხეთის გავლით „აუაროს გვერდი“.